تركيب وحدة رفع رباعية

[kokyjoon]

السلام عليكم ورحمة الله



لقد قمت بتركيب وحدة رفع منذ أكثر من شهر ولم أقو بالإبلاغ فى المنتدى حتى اقوم بتجربتها جيدا

ولله الحمد هي جيدة وتعمل بكفاءة

[Dr_ElSioufy]

مبروك عليك جبتها منين بقى وبكام وركبتها فنفس المكان ولا ؟

[FunnyMickey]

متابع عشان عاوز اركب انا كمان
كنت سألت من فتره علي وحدتين وولف
قالولي الواحده 75 جنيه
في شارع دمشق

[fouaa]

مبروك عليك يا باشا
انا كمان مركب وحدات رفع من سنتين ونص ومفهمش اى مشاكل كنت جايبهم من عند واحد اعرفو ولف سعر الوحده كان 60 جمله وركبتهم عند واحد صحبى فشارع دمشق الفكره بس انك متخليش الى يركبهملك يحطهم فالباب عشان الميه بتبوظهم خليه يحطهم فالعربيه من جوه ويحطهم فاكياس بلاستيك ويقفل عليهم كويس عشان التراب وربنا معاك

[bassem.naguib]

السلام عليكم ورحمة الله



لقد قمت بتركيب وحدة رفع منذ أكثر من شهر ولم أقو بالإبلاغ فى المنتدى حتى اقوم بتجربتها جيدا

ولله الحمد هي جيدة وتعمل بكفاءة

ألف مبروك على وحدات الرفع .. فعلاً مفيدة ومريحة .. بس يا ريت تحكي بالتفصيل عن نوعهم أيه وركبتهم فين وكيفية عملهم (بترفع كلها مع بعض ولا بترفع كل شباك على حده) .

وهل ظهرت مشاكل زي ما الناس بتقول مع عربيات البي واي دي .. وهل بتشتغل عند قفل السنتر لما العربية تبلغ سرعة معينة ... هل حصل لعب كتير في ضفيرة العربية .. معلش كل دي أسئلة محتاجة إجابات .. وربنا يبارك ليك في العربية .

مبروك عليك يا باشا
انا كمان مركب وحدات رفع من سنتين ونص ومفهمش اى مشاكل كنت جايبهم من عند واحد اعرفو ولف سعر الوحده كان 60 جمله وركبتهم عند واحد صحبى فشارع دمشق الفكره بس انك متخليش الى يركبهملك يحطهم فالباب عشان الميه بتبوظهم خليه يحطهم فالعربيه من جوه ويحطهم فاكياس بلاستيك ويقفل عليهم كويس عشان التراب وربنا معاك

ما هي لو مركبتش في الباب حتركب فين ؟؟؟!!!! أعتقد أنها لازم تركب في الباب

[lonedoctor]

متابع باهتمام

[khaled_yassin]

طب يا ريت تفاصيل كتير بقى لانى عايز اروح توكيل ولف بكرة واركب مكن الرفع

[ehabpopo]

مبروك للناس اللى ركبت وحدات الرفع ... بس يا ريت الاهتمام بالاسئلة وتكون الاجابة وافيه شوية ... زى ما باس قال ... وكمان عايز اعرف هو كام وحدة رفع بتركب للابواب الاربعة ؟؟؟ وكمان الاخوة اللى ركبو وحدات الرفع ... هى بتترفع مع القفل بالريموت زى الاسبرانزا ؟؟؟؟؟؟؟؟؟ يا ريت الاجابة

[bassem.naguib]

مبروك للناس اللى ركبت وحدات الرفع ... بس يا ريت الاهتمام بالاسئلة وتكون الاجابة وافيه شوية ... زى ما باس قال ... وكمان عايز اعرف هو كام وحدة رفع بتركب للابواب الاربعة ؟؟؟ وكمان الاخوة اللى ركبو وحدات الرفع ... هى بتترفع مع القفل بالريموت زى الاسبرانزا ؟؟؟؟؟؟؟؟؟ يا ريت الاجابة

أيه يا عم إيهاب دماغك بتزقزق ولا أيه .. هي بصراحة عشرة على عشرة وأوبشن زي الفل .

كل وحدة رفع بترفع زجاجين .. يعني الأربعة أبواب حتحتاج ليهم وحدتين رفع .. وطبيعة عملها أنها ترفع الزجاج لما تقفل الأبواب من الريموت .. يعني تدوس على الريموت لما تنزل من العربية ومتعدش تلف حوالين العربية وتشوف إذا كان فيه زجاج مفتوح ولا لآه .

[kokyjoon]

حدة الرفع

سلام عليكم

أنا مركب وحدة واحدة رباعية وهية بتركيبها ب 150 جنية

والميزة اللى فيها بترفع باب باب علشان ماتحملش على الدفيرة خالص

وبعدين هية راكبة فى الباب
بس فى مكان آمن تحت سوتش مفاتيح الزجاج يعى فى مكان تقريبا كويس

[ehabpopo]

سلام عليكم

أنا مركب وحدة واحدة رباعية وهية بتركيبها ب 150 جنية

والميزة اللى فيها بترفع باب باب علشان ماتحملش على الدفيرة خالص

وبعدين هية راكبة فى الباب

بس فى مكان آمن تحت سوتش مفاتيح الزجاج يعى فى مكان تقريبا كويس

استاذ / kokyjoon تحياتى
ممكن اعرف ركبتها فين ؟؟؟؟

[hossam165]

متابع باهتمام

[kokyjoon]

وحدة الرفع

سلام عليكم

ركبت وحدة الرفع عندنا فى السويس

[sv065]

بخصوص وحدات الرفع علي الرغم من علمي بأنها مريحة جدا بالنسبة لما تنزل من السيارة مش محتاج تقفل الزجاج واحد واحد فبالتالي بتقفل العربية بالريموت وهو ببقفل الزجاج لوحده بس بصراحة لي رأي في الموضوع ده لأني كنت مركبه في عربية كيا قبل كده وعرفت من الفنيين إنه بيقصر عمر البطارية خصوصا للي بيستعمله باستمرار يعني علي طول بينزل وسايب الزجاج كله مفتوح لأنه بيسحب شحنة كبيرة من البطارية والمحرك لا يعمل فلا يوجد دينامو يعوض الشحنة مع التكرار البطارية تقريبا ممكن عمرها يقل الربع أو النص حسب حجم الإستخدام والله أعلم

[bassem.naguib]

مش للدرجة دي يعني .. استهلاكه للبطارية عادي وعن تجربة .. وحتى لو كدة فمميزاته أكتر من عيوبه .