موضوع مهم

[ehabpopo]

الواضح ان مركز القطامية واقع فى مشكلة كبيرة ... والمشكلة دى ها تخلى الثقة تنعدم بينة وبين العميل ... ودى اخطر حاجة ممكن يقابلها اى توكيل ...
والمشكلة باختصار هى عدم متابعة المهندسين للفنيين ... وعدم متابعة رئيس القسم للمهندسين ... ودى ممكن تخرب عربيات كتيييييييير ... والله الموضوع مهم ومش سهل انة يعدى كدة من غير متابعة وعقاب من المسئولين الكبار بالمركز ...
ولا انكر جهد الانسة داليا والاستاذ عماد لحل مشكلات العملاء ومتابعتهم ... لاكن الانسة داليا والاستاذ عماد مش شغليين جوة فى الورشة .... ومش معقول ها نوجع دماغهم ونحرجهم فى كل مرة نروح للصيانة ....
انا مش بقول الكلام دة لاى هدف غير انى عايز اطمئن على عربيتى وانها تكون فى ايدى امينة ... ومش بقول الكلام ده من فراغ ... انا كتبتة بعد ما تعددت المشاكل على لسان العملاء ... والمطلوب حاجة بسيطة جدا ... هو متابعة الفنيين جيدا ... وده من خلال المهندسين ... ومتابعة المهندسين من خلال رئيس القسم الخاص بهم ... يعنى باختصار كل واحد يشوف شغلة وبس ... لا اكثر ولا اقل ... ومش مطلوب تفرشو الارض ورد للعملاء ... انا عايز احس بالامان على عربيتى .. وشكرا لمركز الامل اللى انا عارف ومتأكد انهم فى المركز بيحاولو يكونو الافضل ... وربنا يوفقهم ... ولاكن ودائما هناك من يجب متابعتة جيدا وهم قلة ان شاء الله
وعلى فكرة انا ماكنش عندى مشكلة فى صيانة ال 1000 كم بتاعتى .... ولاكنى امتلك السيارة وبعتبرها حبيبة قلبى وهى ال byd

[elmanahry]

كلامك قى عين العقل والصواب ولمصلحة التوكيل والمفروض الفنى الذى يملك ضمير وحب للشركة يجرى على المهندس عندما يشعر بانه لا يعرف وقبل المهندس يكون هناك اسطوات كبار فى السن عندهم خبرة عالية يشرفوا على جيل الفنيين الشباب
اعرف قصة عن شركة الامل انهم علموا مجموعة من الفنيين وبعد ان اتقنوا صنعتهم عرضت شركة اخرى ماهيات اعلى فانتقلت هذه المجموعة مرة واحدة الى الشركة الاخرى او احدهم يذهب الى التوكيل ليتعلم كل شئ عن السيارة ومعاه مبلغ يذهب ويفتح ورشة بعد ان يكون ربط مع كام مالك للسيارة كل هذا يحدث فى اى توكيل وليس توكيل الامل فقط ولكن فى النهاية القيادة والادارة تستطيع ان تجد حل لهذا الامر وشكرا جزيلا على طرحك الحكيم ومبروك على الصيانة وعقبال صيانة المليون

[kokyjoon]

سلام عليكم

كلامكم جميل لازم الفنى يبقى عندة ضمير وإنتماء
وإحنا كمان نحاول نوصل الملحوظة دى للمسؤلين فى الشركة علشان يخلو بالهم

[ehabpopo]

ماتنسوش ان بعد ما قامت الثورة ... واستقر الوضع شوية .. كل الموظفين والعمال والمهندسين فى كل مؤسسة وشركة وبنك سواء كانو قطاع عام او خاص .. الكل طالب بزيادة المرتبات ...
يعنى با ختصار المشكلة محلولة ... وهى زيادة المرتبات ... لان اى فنى او مهندس ها يروح للمكان اللى مرتبة هايكون فية اكبر ... وده امر منطقى جدا وطبيعى جدا ...
والمشكلة دى كانت بتقابل بعض البنوك اللى كنت بحضر جمعياتها العمومية ... وكان شاغلهم الاول والاخير ... ازاى يخلى الموظف اللى عندة واللى اتصرف علية كتييييييييييييير جدا ما يسبش البنك ... لانة بيتعرض عليهم مرتبات اكبر من بنك اخرى .. وبالتالى بيمشى طبعا ...
هو الموضوع مش سهل طبعا .. عايز حكمة وتركيز .. وكمان عايز فلوس
وربنا يوفق شركة الامل ... لان العميل كل اللى يهمة عربيتة ... ودة منطقى وطبيعى ...

[elmanahry]

استاذ ايهاب احييك على تحليلك المنطقى ولكن احيانا يحدث العكس وهذا يرجع للنفس البشرية التى تتعامل معها ازمة عمرى هو من عينته للعمل معى فى العيادة ياتون من اسر فقيرة جدا واضع لهم مرتب عالى ويكسبون فى الاضافة بقشيش من المرضى وبعد ان اهلك فى تعليمهم وتجد العاملة الفلوس التى لم تكن تحلم بها معها تترك لى مفاتيح العيادة وتخرج من العيادة فجاة وبدون مقدمات لتتركك تواجه مشكلة النظافة والتعقيم ودخول المريض بمفردك وتغلق العيادة الى ان تاتى اخرى وابدا فى تعليمها وتتكرر نفس المعاناة والتامينات لا ترحم تاخذ منى كل شهر التامينات ولكن لاتضمن لى حسن اداء وسلوك العامل او انقطاعه عن العمل مرة واحدة بدون انذار وانا اعزو هذا التصرف انى اعمل فى احد مراكز الصعيد حيث ثقافة البشر هو الفقر والكبرياء انا اعلم ان العامل او العاملة التى تفارقنى لن تجد هذا الدخل ابدا لانى اضحى جدا واكرم جدا ولكن هؤلاء عشاق الفقر يتعبون من اليسر بعكس القاهرة عندما كنت اسكن فى 15 مايو كان لى جار موظف كبير فى بنك بعد ساعة من خروجه من عمله يركب تاكسى يملكه ويخرج للعمل وايضا احد العاملين فى مجلس الوزراء ركبت معه فى تاكسيه وقلت له يامحمد بيه سيادتك منصبك كبير واكيد مرتبك عالى لماذا التاكسى قال لى مرتبى اربعة الاف جنيها ومصاريف بيتى واولادى سبعة الاف جنيها وممكن استغل وظيفتى للكسب ولكن ابدا لن اجعل اولادى ياكلون حراما وكان عمر هذا الرجل 56 عاما مثل عمرى الان ولكن كان بلا امراض وراى ان فى استطاعته ان يزيد دخله بالحلال
هل شباب هذه الايام بهذه القيم لماذا اختفى العهد والولاء واختفت القيم والتواضع الفقير اذا شبع فانه يعقك ويتكبر عليك والكبرياء تملا نفوس الفقراء والطموح الشريف كاد ان يختفى من هذا الجيل الذى يحتاج لتربية من جديد

[kokyjoon]

سلام عليكم

سلام عليكم

موضوع مشكلة الصنايعية فى شركة الأمل دى قديمة من قبل الثورة بفترة كبيرة

والشركة وعدت بحلها لأن عدد الفنيين فى المركز بالنسبة لحجمه وتجهيزاته صغيرة

وكان فى مجموعة حاولو يلو دراع صاحب الشركة فى المرتيات وهوة لما ماردخش

لطلباتهم سابو الشركة بعد ماخدو الخبرة

[ehabpopo]

[QUOTE=elmanahry;3873453481]استاذ ايهاب احييك على تحليلك المنطقى ولكن احيانا يحدث العكس وهذا يرجع للنفس البشرية التى تتعامل معها
ازيك يا دكتور ... يا رب تكون بخير ...
شفت حضرتك قلت اية (( احيانا )) ... يعنى الغالب دائما ينحصر فى البحث عن اموال زيادة ... ممكن يكون زى الاخ اللى شغال فى مجلس الوزراء ... لة منى الف تحية واحترام على صدقة وتدينة ....
وممكن يكون مركزة ومؤهلاتة والمكان اللى بشتغل فية بتسمحلو بطلب فلوس زيادة زى ما بشوف فى بعض البنوك ... وفعلا بيحصلو على اللى عايزينة ....
وممكن يكون ناس زى اللى بيشتغلو معاك فى العيادة ... ودى حاجة مش مفهومة .. لان حضرتك بتقول انة مش ممكن ياخد فلوس برة زى اللى بياخدها عندك ... وهو او هى عارفة كدة ... ودول عاملين تقريبا زى معظم الصنايعية دلوقتى اللى بيشتغلو اعمال حرة ومش مرتبطين بمكان ... اول ما يشتغل يومين والقرش يجرى فى ايدة ... تلاقية بعد كدة كسلان وقاعد على القهوة لحد ما يخلص القرشين ....
كنت بشتغل فى مصنع موبيليا من فترة طويلة ... وكان صاحب المصنع بيتبع اسلوب غريب جدا مع الصنايعية ... كان اى حد بيسأل على شغل ونعملة اختبار بسيط ونعرف انة صنايعى فعلا ... كان بيشغلة بسرعة ... تقريبا بمعدل كل اسبوعين بيحصل الموضوع ده او شهر ... وكنت دايما بقولة اية اللى بتعملة دة احنا مش محتاجين صنايعية ... كان بيرد علية ويقولى علشان الصنايعية القديمة تسخن شوية وتحترم نفسها ...
وكان ده فعلا بيحصل ... الصنايعى القديم كان بيحصل عندة حالة غريبة من الهلع ... وكلهم بيتنافسو علشان يكسبو ود صاحب المصنع عن طريق بزل مجهود طبعا ...
مش عارف مين اللى صح او مين اللى غلط .... الناس بقت غريبة ... والموضوع زى ما قلت هو مش سهل وعايز تركيز

[elmanahry]

استاذ ايهاب اقتراح لطيف وجميل وحكمة من صاحب العمل وياريت لو عند حضرتك خبرة اخرى اطرحها على ارجوك

[ehabpopo]

استاذ ايهاب اقتراح لطيف وجميل وحكمة من صاحب العمل وياريت لو عند حضرتك خبرة اخرى اطرحها على ارجوك

ازيك يا دكتور / يارب تكون بخير

طالما الاقتراح دة عجب حضرتك .... يبقى هاحكى لحضرتك بعض النتائج اللى كانت بتحصل ...
كان الصنايعية بتقبض يوميات كويسة ... ومع الوقت تلاقيهم بيدلعو فى الشغل ... كانو بيغيبو عن الشغل احيانا ... وكان انتاجهم بيقل شوية مع الوقت ... وطبعا مش كلهم بيعملو كده ... واول ما نشغل فى وسطهم صنايعى جديد ... تلاقى الاوضاع بتتغير ... يشتغلو كويس جدا وبيحاولو يكونو افضل من الاول ... وماحدش بيغيب بدون إزن وكان الشغل بيخلص قبل مواعيدة ...
اعتقد ان هذه الطريقى افضل طريقة شفتها فى حياتى ... لانها بتعتمد على تهديد الصنايعى او العامل القديم بان هناك دائما من يستطيع ان يحل مكانة فى العمل ...
وربنا يقويك على العمالين عندك ... واكيد لو فية حاجة جديدة ها ابلغك بيها طبعا

[sv065]

د/ المناهري

إزي حضرتك؟ وأخبار معاليك إيه؟

بخصوص موضوع الشغل ده للأسف هي مشكلة مصر بالكامل الكل دائما يبحث عن الأعلي في الأجر مهما كانت الأحوال فالجنيه الأزيد هو اللي يكسب

وقد لجأ الكثير لأحد الإجراءات لتفادي هذا الموضوع وهو توقيع للعامل عند تعيينه شيك علي بياض أو بمبلغ عالي وإن كان ذلك ليس صحيحا للأسف لكن لم يجد أصحاب العمل ما يحميهم قانونا من غدر العمال وتركهم العمل دون سابق إنذار أو إحضار بديل حتي لا تضر مصلحتهم وأعمالهم
فلم لا يكون هناك قانون ينظم التعامل بين ارباب الأعمال والعمال دون تعقيد وبما يحفظ لكل حقه؟

[maged122]

واللة انا لو اطول اعمل اكتر من كدة لو عندى صنايعية زى اللى فى مركز صيانة الامل اللى فى القطامية وامضى كل واحد على مليون جنية لو بوظ عربية كنت عملت لان بجد واللة الصنايعية كلهم وبدون استثناء فى الامل لا يستحقوا ادنى رحمة واللة يكون فى عون صاحب الشركة انا لو مكانة كنت وقعت اقصى عقوبة على اى صنايعى يتم الشكوى منة من اى عميل لكن هو ميقدرش يعمل كدة ولا هو ولا اولادة لان الصنايعية مسكينهم من ايدهم اللى بتوجعهم وهى انهم ممكن يسيبوا العمل اوحش حاجة ان الواحد يكون مزلول للى مشغلة عندة دا عندهم واحد ميكانيكى اسمة سامح واللة ما بيعرف اى حاجة غير تربيط عفشة فقط

[x_gomgom]

يا راجل.... سامح دا اكتر واحد محترم الصراحه في الفنين اللي في الورشه.في واحد انا لسه معرفش اسمه والله ما يعرف الفرق بين العربيه و الحنطور و حلانجي و يحسسك انه هو اللي مخترع العربيه....
العمال كلهم محتاجين دوره فنيه عشان يتعلموا صيانه العربيه و يبطلوا شغل الحرفيين (و الفهلوه الزياده) لان في عمال كتير مش مقتنع انه شغال في توكيل و ان في حاجه اسمها سمعه التوكيل و ده بيأثر بالتبعيه على المبيعات

[maged122]

واللة يا شيخ واخد منى 10 جنية علشان ياخد هواء من الفرامل وانا بحلف باللة اية رايك بقى

[x_gomgom]

انا مقصدش اني اكدب حضرتك و لا بدافع عنه..بس هو الوحيد بالفعل اللي ظبط موتور العربيه و غير حساس الايدل في حين ان الصنايعي التاني الله يجازيه كان بيقولي العبيه تمام و كلام ملوش علاقه حتي ب ميكانيكا الدراجات الهوائيه ههههههه (بس اعرف اسمه).....
و ربنا يكرم و التوكيل يتطور عن كده