يعنى ايه عربيه رشه وش نظافه؟

[shehataeltahan]

معذرة هذه اول مشاركه مكتوبه لى فى هذا المنتدى الرائع انا متصفح جيد لمنتداكم الجميل خاصة ال بى واى دى
اقرأ كثيرا عن سيارات عندما تباع تكون رشه نظافه او رشه دواخل ولا افهم الفارق ارجو الافادة

[gad_fcis]

أهلاً و سهلاً بحضرتك معنا


عربية رشة وش نضافة دة معناه إن العربية مش عاملة حادثة هي كل الحكاية انها كان فيها خرابيش و جروح في البويا و ممكن تكن البويا بهتت من الشمس و صاحبها رشها عشان يبقى شكلها حلو و دة ميعبش العربية في حاجة بس محتاج حد يكون خبير عشان يعرف يفرق بين انها رشا نضافة ولا كانت عملة حادثة


بالنسبة لرش الدواخل فدة بيبقى 90% العربية عملة حادثة و العربية إتسمكرت و حصل شغل في حوض الموتور أو الشنطة و دة بيعيب العربية عشان إنت ماتعرفش العربية الحادثة عملت فيها اه (بيسموها العربية أساسيتها مش سليمة )

[amazingahmed]

العربية ترش دواخل لما تكون عاملة حادثة محترمة أثرت على حوض الموتور و ده بينزل كتير من سعر العربية.
لكن رشة نضافة يعني حصلها خدوش أو خبطات بسيطة في الصاج من بره و ينزل من سعرها حبة قليلين.
و فبريقة برة و جوة يعني مش رشة خالص و ده بيساعد في أن العربية تحافظ على سعرها.

[shehataeltahan]

اشكركم بشده
اولا على الرد السريع
وثانيا على المعلومه القيمه

[sv065]

ماشاء الله لا رد بعد السادة الأفاضل

فعلا واف وشامل

[egypt0777]

موضوع رشه بره نضافة

ده عيب بيطلعو التجار عشان ينزل فى سعر العربية

نفض للتجار ما دام الاساسيا سليمة