إعـــــــلان

Collapse

.

,
See more
See less

تقرير عن اسبرينزا 516 موديل 2011

Collapse
X
 
  • Filter
  • الوقت
  • Show
Clear All
new posts

  • تقرير عن اسبرينزا 516 موديل 2011

    مساء الخير والورد والفل والياسمين والبنفسج اللى يبهج وهو زهر حزين العين تتابعة وطبعة محتشم ورزين-----مش عارف حضراتكم لسة فاكرنى ولا نسيتونى--اتمنى تكونوا لسة فاكرنى زى ما انت فى بالى على طول-----كنت وعدت استاذى الدكتور المناهرى وكذلك وعدت حضراتكم انى هعمل تقرير عن الاسبرينزا ال516 لما اكمل ال1000كم والنهاردة انا كملتهم وعملت صيانة الالف وحطيت زيت موبيل10000كم وغيرت فلتر الزيت---نبتدى التقرير-------------المزايا///1/العربية واسعة جدا ومساحات الاقدام فيها متميزة ويظهر الاتساع فى عرض الكنبة الملحوظ وفى المسافات بين ركب الجالس فى الكنبة وظهر كر سى السائق على الرغم من ارجاع الكرسى الى اخر المجرة الخاصة بة------2/ الكماليات=الشنطة تفتح بالريموت ومن الداخل ===كاسيت بزود بcd/usb/card/auxويتميز بنقاء صوتى عالى وديجتال===التكييف تاتش وتبريدة معقول مش بطال ===الشماسة الخاصة بالمقعد المجاور للسائق تضىء بمجرد فتحها===بها لمبات شبورة امامى وخلفى==الاضاءة داخل الصالون ممتازة====بها فرامل abs/epd==الشنطو واسعة جدا جدا3/////اما العافشة مقدرش اقول عليها ناشفة وعموما هما ابتداء من موديل2010 عدلوا العفشة وطولوا مدى المساعد وغيروا نوعية جلب المقصات وغيروا قواعد الموتور فالمسالة اتحسنت نوعا ما---------------------------------------------------------------------------------------نتكلم دلوقتى عن العيوب----هو عيب واحد خانقنى وقارفنى بس الحمد لله مشاويرى بسيطة حوالى 500كم فى اسوا الظروف شهريا----المشكلة هى ان استهلاك البنزين داخل البلد بشع وغير مسبوق155كم فى الصفيحة مع انى مبقرصش ومبحرقش على الغيالرات وصوت الموتور مش ممكن يعلى منى وراجعت التوكيل فى الموضوع دة قالولى جرب فى الطوالى طبعا كلام فاضى لان الطوالى معروف انها هتعمل فية من220 الى240فى الصفيحة----المهم حطوها على الكمبيوتر ولقوا كل حاجة تمام وزى الكاتلوج ومفيش مشاكل----انا مش معترض بس لما صممت وكلمت مهندس الضمان قالى ان تصميم الموتور يختلف عن مواتير الكورى واليابانى لانة مصصمم بحيث تكون العوامة والفلتر تحت مش عارف تحت فين وكذلك لان دواسة البنزين على حساس مش كابل---وهى دى النقطة اللى انا ركزت فيها جدا جدا وبدات اعمل تجاربى عليها وطبعا هبلغكم بيها انا عارف انها متهمكمش بس انا بحب اكون معاكم---نرجع لموضوعنا تانى انا لاحظت انى لو كبست بنزين سرعة العربية مش بتزيد ولكن بتاخذ فى السارع والزيادة اى انة ليس بمجرد ضغطك على الدواسة بشكل مفاجىء او زيادة الضغط عليها اثناء سيرك على سرعة 40كم سيرتفع الموءشر الى 60كم فورا ولكنة سيبدا فى التسارع وسيصل الى سرعة ال60كم وفق برنامج السيارة الذى يفسر امر الضغط على الدواسة ويصدر تعليماتة بالزيادة بشكل سلس وسريع ولكن الاستجابة ليست مع الشكل متسارع بل مع الامر الصادر من الحساس واسلوب الزيادة مبرمج مسبقا---اذن الضغط على الدواسة بشكل مفاجىء او بقوة او بشكل متسارع او تعالوا نقولها الضغط على الدواسة لرفع سرعة السيارة من 40كم الى 60كم كما هو متبع فى باقى السيارات التى تعمل بكبل بنزين-----هذة الضغطة هى حرق بنزين زائد بدون سرعة فعلية واعتقد ان زيادة استهلاك البنزين تاتى من هذة الجزئية والله اعلم ولكن انا بدا التجربة وساوافيك بنتائجها-----//////اما التوكيل فهما مجموعة من المهندسين الشباب لطاف جدا ويتميزوا بالصبر(فرع محطة الرمل)--------------=================الموتور/////هادىء سلس ناعم-----تسارعة معقول على الرغم من الجزئية السابقة التى اشرت اليها------الباور ناعم مش تقيل ومش خفيف لكن انا شايفة ممتاز-----موتور العربية بياخد5ك زيت لان الكارتيرة كبيرة-------------لايوجد وسائد هوائية بالسيارة-----فى مجملها 90/كويسة بس موضوع البنزين دة يتحل المشكلة ان اكتر اللى راكبينها حاسين بالموضوع دة----العزل كزيس صوت وحرارة ----الكونصول اوالمخدع الموجود بين السائق والراكب المجاور مستويين---بها مخرج 12 فولت بها مفتاح ريموت واحد --الايريال فى الزجاج--------------------------بعد كل ما قلت الاانة تبقى حقيقة واحدة وهى ان قلبى مازال معلق بالBYDويخفق بشدة كلما رايتها------وكل ما اشوفها اقول (امتى انا وانت هنتقابل مع الايام)

    تم نسخ الموضوع ووضعه فى قسم الاسبيرانزا
    حتى تعم الفائدة

    مشرف 7ب
    29/5/2011
    12.56pm


  • #2
    تقييم ممتاز وحيادي
    موضوع استهلاك البنزين فعلا يمكن علشان متعود علي الضغط المفاجئء علي الاكسراتير وهذا الكلام غير موجود في اسبرانزا
    لكن تقريبا من المشاركه في اكثر من منتدي لا يوجد شكوي من استهلاك البنزين المرتفع
    [SIGPIC][/SIGPIC] ياتقول كلام في محله يا تقول حلو ياحلو
    [url]/photos/a.879931698703941.1073741827.879900435373734/879931905370587/?type=1[/url]

    Comment


    • #3
      عموما ربنا يبارك لك فيها بس اعتقد ان احنا نصحنا سعادتك بشراء byd ولكن الخيرة فيما اختاره الله
      عموما ممكن تبيعها او تشترى byd ويبقى عندك سيارتين من فخر الصناعة الصينية
      عموما انا باضحك معاك وليس شراء سيارة بعينها هو نهاية العالم ولا يوجد شئ هو الافضل مطلقا
      تقبل تحياتى
      لعمرك مـا الإنسـان إلا بدينـه فلا تترك التقوى اتكالاً على النسب
      فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ

      Comment


      • #4
        منور يا محمود باشا .. وطبعاً فاكرين ذوقك وأخلاقك اللي صعب يتنسوا قبل ما نكون فاكرين الاسم .

        وربنا يبارك ليك في العربية يا رب ويكفيك شرها .


        على فكرة أنا سقت العربية دي مرة واحدة ومكنتش مرتاح مع دواسة البنزين وحاسس أن استجابتها بطيئة .. بالإضافة طبعاً لطبيعة الموتور اللي أعتقد أنه مبيخرجش أقصى عزم على السرعات القليلة .

        وأكيد العيب كان فيا علشان مش متعود مع نظام الحساس بتاع دواسة البنزين المختلف عن الدواسات اللي بسلك .. وتفسيرك منطقي في استهلاك البنزين إلى حد كبير .
        [B][FONT=Comic Sans MS][SIZE=5][COLOR=Green]

        [SIGPIC][/SIGPIC]


        Life's too Short for the Wrong Job[/COLOR][/SIZE][/FONT][/B]
        ziabassem سابقا

        Comment


        • #5
          واللة يا دكتور انا مقتنع بيها ومازلت ودرستها واجريت عليها بحوث كما لو كنت ساعد فيها بحثا للدكتوراة واجريت استطلاعات راى فى شوارع القاهرة والاسكندرية وعشت معكم تجاربكم مع السيارة وكانت النتيجة انها الافضل فى مصر ووكيلها هو الوكيل الوحيد الايجابى وان قطع غيارها هى الارخص والانسب-------ولكن ماذا افعل وماذا تفعل لوكنت مكانى وتريد شراء سيارة بالتقسيط وتقسيط يتناسب مع الشريعة الاسلامية شكلا وموضوعا وليس شكلا فقط--- وتظل تبحث عامين وتسال وتستفتى دار الافتاء وشيوخ السلف وكذلك تقرا فى كتب الفقة للائمة الاربعة ثم يهديك عقلك وفؤادك ان كل الاساليب الموجودة للتقسيط لا علاقة لها بالاسلام---فتحبط وتضطر للانتظار ثم تفاجا بان هناك شركة تتعامل بكل شروط التقسيط الاسلامى(لا تامين-لاغرامة تاخير-هى البائع--التسليم من مقرها ) وعلى الرغم من ارتفاع سعر المرابحة الخاصة بها بحوالى2.5/ الا انك تطير فرحا بها فتذهب اليهم وتحجز الbydالرمادى وتنتظر شهرين ونصف ثم يتصلون بك ويبلغوك باستحالة تسليمك السيارة لانهم لم يستطيعوا توفيرها او حجزها كلام فاضى طبعا فتجد نفسك مضطرا لسحب المقدم وهو50000جنية ولكن تتذكر ان الشرطة لم تنزل بعد الى الشارع فتتسائل كيف ساصل بهم الى البنك مرة اخرى فى ظل هذة الظروف الامنية ثم اذا سحبت المقدم وانصرفت اين سا جد شركة تتعامل اسلاميا وانا الذى لم اترك علما من اعلام السلف الا وسالتة وافتانى بان كل اشكال التعامل المعتمدة فى البنوك حرام ولم اقتنع الا بعد ان عرض عليا الادلة الشرعية من ايات واحاديث-----سيدى تلك هى صعوبة الحياة فى مصر ليس بالمال فقط تحل المشاكل وانما المشكلة الحقيقية تكمن فى طباع اغلب البشر فى بلادنا افسدهم النظام البائد ورحل وتركهم يفسدون علينا حياتنا-----انا مقتنع ان ربنا هيباركلى فى العربية مهما كانت سيئة لانى عملت كل اللى اقدر علية علشان ما اغضبهوش وكانت الاسبرينزا مشيئتة ليا----واللة يا دكتور انا بحكى لحضرتك بصدق واللة لو كنت اقدر استنى واشتريها كاش كنت عملت كدة بس الثورة لما قامت سعر الدولار ارتفع والبنوك رفضت تفتح اعتمادات للمستوردين الا لما يدفعوا قيمة الاعتماد كاملة--كل دة خلانى اتنبا ان سعر العربيات هيزيد وانى مش هقدر احصلة وخاصة ان انا عندى التزامات تانية(مدارس -دروس---الخ--الخ)---بس انا ناوى انشاء اللة فى المستقبل بعد3 سنين اجيب الbydاوتوماتيك وربنا يقدرنى---انا اسف لو طولت عليك او اتكلمت فى تفاصيل سخيفة بس انا من يوم ما اشتريتها مبكتبش ومتكلمتش مع حد والموضوع كان مضايقنى فانا بشكر حضرتك انك ساعدتنى اتكلم ولك خالص شكرى وبالغ مودتى

          Comment


          • #6
            [QUOTE=ziabassem;3873513675]منور يا محمود باشا .. وطبعاً فاكرين ذوقك وأخلاقك اللي صعب يتنسوا قبل ما نكون فاكرين الاسم .

            وربنا يبارك ليك في العربية يا رب ويكفيك شرها .

            على فكرة أنا سقت العربية دي مرة واحدة ومكنتش مرتاح مع دواسة البنزين وحاسس أن استجابتها بطيئة .. بالإضافة طبعاً لطبيعة الموتور اللي أعتقد أنه مبيخرجش أقصى عزم على السرعات القليلة .

            وأكيد العيب كان فيا علشان مش متعود مع نظام الحساس بتاع دواسة البنزين المختلف عن الدواسات اللي بسلك .. وتفسيرك منطقي في استهلاك البنزين إلى حد كبير . [مم/QUOTE]مساء الخير يا افندم انشاللة تكون بخير يارب واللة احرجتنى بزوقك------- وكلام سيادتك صحيح اقصى عزم على4800لفة فى الدقبة عكس الBYDاعتقد على 2700 لفة فى الدقيق-----واللة النهاردة وانا بكتب ليكم حسيت بنشوة غريبة رجعتنى لايام السعادة اللى كنت بعيشها معاكم وباذن اللة انا معاكم على طول وهبلغكم بتجاربى اولل باول واعتبروها مجرد معلومات عامة

            Comment


            • #7
              المشاركة الأصلية كتبت بواسطة hugan مشاهدة المشاركة
              تقييم ممتاز وحيادي
              موضوع استهلاك البنزين فعلا يمكن علشان متعود علي الضغط المفاجئء علي الاكسراتير وهذا الكلام غير موجود في اسبرانزا
              لكن تقريبا من المشاركه في اكثر من منتدي لا يوجد شكوي من استهلاك البنزين المرتفع
              استاذ هوجان تحياتى لسيادتك---انا سالت ناس كتير راكبين اسبرينزا قالولى داخل البلد من 160/170 فى الصفيحة وقرات فى المنتدى لاحد الزملاء موضوع بيقول فية ان سيارة والدة بتعمل200كم فى الصفيحة وسيارتة 160كم فى الصفيحة ---لذلك ساستمر فى التجربة وساظل اسئل وابحث حتى اجد حلا مع الاخذ فى الاعتبار ان السيارات الهيونداى 1600 استهلاكها من200/220 داخل البلد فى الصفيحة واللة المستعان اتمنى ان نتعاون سويا فى حل كل ما يقابلنا من مشاكل واختبار ملاحظاتنا عن طريف تبادل المعلومات ولك شكرى وتقديرى

              Comment


              • #8
                ربنا يسعدك بها و يديك خيرها و يكفيك شرها
                Mohamed Gad El Kareem
                Senior Software Developer

                Comment


                • #9
                  المشاركة الأصلية كتبت بواسطة gad_fcis مشاهدة المشاركة
                  ربنا يسعدك بها و يديك خيرها و يكفيك شرها
                  يارب شاكر لسيادتك دعائك وانشاء اللة ربنا يستجيب

                  Comment


                  • #10
                    محمود باشا ... ازاى تقول اننا نسيناك ... انت علامة مميزة من علامات قسم ال byd ... وفاكرينك طبعا ... بس يا رب ما تكونش انت اللى نسيتنا .... وما تحرمناش من رأيك ... وحواراتك الجميلة والمفيدة ... انا كدة هاحسد قسم اسبرانزا عليك يا باشا ... نورت بيتك يا محمود ... ماتتأخرش علينا تانى يا باشا ... يعنى مش لازم يكون عندك صيانة علشان تدخل تطمنا عليك وعلى العربية
                    مبروك صيانة ال 1000 يا محمود ... وعقبال صيانة ال 1000000 كم ... وربنا يعطيك خيرها ويكفيك شرها .... والله والله يا محمود العربية عند اخى الكبير ... وبركبها كتير ... وبعيدا عن التفاصيل اللى انت كتبتها عن التسارع وحساس البنزين والكلام ده ... انما اوبشن العربية اخر جمال واخر دلع ... وكمان العربية فى مجمالها تحس وانت راكبها برفاهية عالية وثبات وقوة وكمان قطع غيارها رخيصة مش غالية ... عربية حلوة بجد
                    انما ارجع واقول القلب ومايريد يا محمود ... وانت قلبك مع ال byd وانا عارف الاحساس دة ... لو تفتكر موضوعى بتاع خلف سور المخابرات .... انا ماكنتش ببالغ فية ... هههههههههههههههههه ...
                    وان شاء الله مش اخر عربية تشتريها ... وان شاء الله تشترى ال byd الاوتوماتيك ... ويمكن بعد 3 سنين يكون فية byd .. وتكون 4*4 ... ونشتريها سوى ...
                    [CENTER][SIGPIC][/SIGPIC]

                    [/CENTER]

                    Comment


                    • #11
                      استاذ محمود الف مبروك وربنا يملهالك بركه
                      [SIZE=7][COLOR=blue]لا تنسي ذكر الله[/COLOR][/SIZE]

                      Comment


                      • #12
                        و الله من كل قلبي أتمنى لحضرتك تتوفق في كل حياتك و تجيب عربية تتمناها و أنا احبك في الله و حاسس بحضرتك جدا لأن نفس معاناة حضرتك هيا معاناتي في البحث عن طريقة تقسيط حلال و لكن يبدو إنه مفيش فايدة

                        Comment


                        • #13
                          بسم الله ما شاء الله تقرير أكثر من رائع

                          وبخصوص موضوع إستهلاك البنزين فيه خاصية إسمها عمل ريست للرشاشات كل 10000 كم في التوكيل بالكمبيوتر ودي بتفرق كتير في ظبط الإستهلاك بالإضافة لظبط سن البوجيهات علي المقاس الإستاندر كل 5000 أو 10000 مع عدم إستخدام البوجيه أكثر من 20000 كم وللإستهلاك المثالي يفضل كل 10000كم

                          وأدعو الله أن يبارك لك في سيارتك ويؤتيك خيرها ويكفيك شرها

                          تقبل خالص تحياتي
                          [FONT=Impact]الحمد لله والشكر لله
                          [/FONT]

                          Comment


                          • #14
                            الف مبروك ليك وصدقنى صفقه ناجحه
                            شوفى ياسيدى الحل اظبط الدبرياج ( انا بظبطه بنفسى ) ولو بصيت تحت دواسه الدبرياج فى نقطه التفائها هتلافى زى مكنه الفرامل اضظغط دبرياج للاخر واسحب ما يشبه مكنه الفرامل للاخر وسيب الدبرياج تانى كده يبقى عملت رجلاش لحساس الدبرياج وهتلاقى السحب يفرق والبنزين يفرق
                            انا معايا موديل 2009 وعامل 50 الف واى سؤال

                            Comment


                            • #15
                              المشاركة الأصلية كتبت بواسطة mramzy مشاهدة المشاركة
                              الف مبروك ليك وصدقنى صفقه ناجحه
                              شوفى ياسيدى الحل اظبط الدبرياج ( انا بظبطه بنفسى ) ولو بصيت تحت دواسه الدبرياج فى نقطه التفائها هتلافى زى مكنه الفرامل اضظغط دبرياج للاخر واسحب ما يشبه مكنه الفرامل للاخر وسيب الدبرياج تانى كده يبقى عملت رجلاش لحساس الدبرياج وهتلاقى السحب يفرق والبنزين يفرق
                              انا معايا موديل 2009 وعامل 50 الف واى سؤال
                              شكرا يا افندم على النصيحة مش هقدر انسىى ان حضرتك اول واحد يعلمنى حاجة فى الاسبرينزا---ربنا يكرمك وانا متابع مع سيادتك

                              Comment

                              Working...
                              X