موتور الf3

[mmmmgogommmm]

بالتوفيق باذن اللة---- وخليك منتبة لالاعيب الصالات والمعارض وتذكر ان الاستلام بسعر يوم الحجز---ولو كنت هتشترى بالتقسيط فتاكد ان الصالة او البنك حجزت لدى شركة الامل فعلا---ومن اول معاملة مع الصالة فهمهم ان انت عايز العربية دى وبس وان طبعك صعب ولو العربية ما اتوفرتش فى الميعاد المتفق علية هتسحب فلوسك---اغلظ لهم فى القول

[hzmmmk]

byd ولا لوجان

ممكن تشوفو الموضوع ده عن موتور byd f3 ممكن يفيد

http://www.nilemotors.net/Nile/189922-byd-f3.html

و الموضوع ده عن الكبالن فى اللوجان هيفيد بردو
http://www.nilemotors.net/Nile/197713-a.html

[bassem.naguib]

تسلم أيدك يا باشا .. أوجزت فأنجزت في موضوع موتور البي واي دي .

[kokyjoon]

سلام عليكم

سلام عليكم

أخباركم إيه جميعا


أحب أعرفك يا أخ 777 إن انا معايا سيارة موديل 2008 وقبل ما شتريها راسلت الشركة الأم فى الصين

وتاكدت منهم أنهم بيقومو بشراء هذا المحرك من شركة ميتسوبيشى لانسر فعلا بس مش فرع اليابان

بس المحرك تأفيل كامل شركة ميتسوبيشى

[seaf_sawy]

بسم الله الرحمن الرحيم
العربية بسم الله & ماشاء الله عليه
ذة الفل

[bassem.kamal]

تحفة والله العظيم : ) ماشاء الله

[yassin_samir]

اية كل قصائد الشعر دى فو العربية بى واى دى
اتمنى الدافع خير فعلا
و بس اللى بيقارن العربية ب اللوجان اذاى انت بتقارن بين العربية دى و الربنو
دة كدة مبالغة ذيادة عن الحد مع انى من ملاك اللنوس ممكن حد يجاوب السوال دة اللنوس عاشت فى مصر من 99 الى الان ممكن حد يقولى العربية الصينى هتعيش كام سنة و ماسكة نفسها و مثال صغير على كدة و رفض الناس للعربيلت الصين انا اتعرض عليا عربية 520 اللى هيا اسبرنزا الكبيرة كسر زيرو للبدل بعربيتى و العربية جميلة جدا و كاملة كل حاجة فيها حتى الدى فى دى و كراسى كهرباء و كل شى و انا عربيتى حتى مفيهاش ازتر كهرباء و لا حتى سنتر و برضة رفضت ابدل ممكن حد يقولى صاحبها بعد ما اشترها ب 120 الف و ممشيتش الا 30 الف كان عايز يخلص منها لية مع انى جارة و بشوفها يوم بيوم و مفيش يوم غابت عن نظرى يعنى العربية بيتى و من ساعه ما استلمها تحت نظرى و كمان الفاجاة العربية اتوماتيك الصراحة العربية مفيهاش اى عيوب و سعات بسوقها بنفسى من الاخر الصينى صينى و دة مش علشان انها صينى لا علشان التاجر الامور اللى راح الصين و قاللهم هاتوا اوسخ حاجة عندكوا بنفس شكل الغالى علشان يكسب مليون فى المية من الصفقة كل فكرة اللى سال سواق التاكسى ورد علية انها ميه ميه طبعا مش كداب بس هو و كل السائقين الاخرين كانوا بيركبوا علب صفيح و كاروا على شكل عربية فالعربية الجديدة بالنسبة لة مرسيدس ماكنش يحلم بيها
حسبى الله و نعم الوكيل فى كل منعدمى الضمير

[lonedoctor]

هدى نفسك يا استاذ سمير الموضوع موش مستاهل تضايق نفسك علشان شوية صفيح اسمها فى الاخر سيارة
كل سيارة وكل ماركة قائمة بذاتها وليس الموضوع على اساس مجمل بالكيلو
الصينى الان افضل بكتير مما سبق وبيطوروا نفسهم وبيبداوا من حيث انتهى الاخرون
السيارات اللى بتتكلم عنها زى اللانوس وغيرها كانت مناسبة لعصرها عام 99 ولكن عام 2011 اصبحت جزء من التاريخ لانها لم تتطور
ياريت تجرب البى واى دى وتقول لنا رايك بناء عن تجربة عملية
تقبل تحياتى

[sv065]

أتفق في الرأي تمام مع الفاضل </B>lonedoctor وأدعو الجميع للمشاركة في الموضوع ده لنقف علي الحقيقة بقدر أكبر

http://www.nilemotors.net/Nile/219974-a.html

... خالص التحية والتقدير للجميع

[mohamed9999]

بي واي دي إف 3
أفضل من اللانوس
وأفضل من الفيرنا
وأفضل من الإسبرانزا

ولا ينافسها في هذه الفئة السعرية إلا الرينو لوجان والتي قد يراها البعض على قمة هذا المستوى السعري من السيارات

فعليك أن تقارن بين ال f3 وبين اللوجان
وأنا شخصياً مازلت حائراً بينهما

لكن ال f3 لا تترك من أجل فيرنا أو لانوس أو إسبرانزا فقد تجاوزتهم بمراحل

وربنا يوفقك للإختيار الصحيح

-

تفضيلتك دى بناء على ايه يعنى

[mmmmgogommmm]

استاذ سمير----مشكلة الاسبرينزا 620 ضريبتها 1000جنية سنويا=السيارة 2000ccووزنها ثقيل جدا مما يجعل استهلاكها للبنزين عالى==نتيجة الضريبة الغالية واستهلاك البنزين المرتفع كانت مبيعات السيارة منخفضة مماجعل التجار يحجمون عن استيراد قطع غيار لها وبيعها وباالتالى اصبح الوكيل هو المحتكر لقطع الغيار ولقلة حجم مبيعات هذة الفئة فان اسعار قطع غيارها مرتفعة جدا لدى الوكيل وعند طلب بعض الاجزاء لها فانك قد تنتظر مدة اسبوع او اسبوعين حتى يتم احضارها===============اما بالنسبة للسيارة لوجان---فسيدى هذة السيارة تنتج فى مصنع داتشيا وفى المغرب يتم تجميعها من قطع الغيار المنتجة فى مصنع داتشيا ويوضع عليها اسم رينو وفى بعض البلدان نيسان او اسم داتشيا داخل بولندا والمجر وهذة المنطقة---موتور اللوجان هو موتور الميجان موديل 1999 8 او 12 صباب مش متاكد وبتكنولوجيا قديمة جدا--موتور الكليو افضل منة فى الاداء والصوت والتسارع والعزم---توافرت للسيارة وكنتيجة لانتشارها قطع الغيار خارج التوكيل ولكن ليس كل قطع الغيار---الكوبلنج مثلا تمنة فى التوكيل3000جنية وهو من القطع التى لايمكن المغامرة فى سيارة جديدة وشراءةمن خارج التوكيل -وكذلك باقى اسعار العفشة ارجوك ابحث اسعار الوكيل للbydواللوجان وقارنهم وتحديدا العفشة والبوبينا زالمارش والدينامو والكارتة------اما موتور اللوجان فهو نفس موتور ميتسوبيشى لانسر 2007 وهو موتور لا غبار علية بشهادة الجميع الطنابير تويوتا ----وكذلك باقى الاجزاء------واذكر سيادتك بان ما يقال عن السيارات الصينى اليوم كنت قد سمعتة عن السيارات الكورى عام 1997---وعن السيارات اليابانى عام 1981 وكان الجميع يفضل الالمانى والفرنساوى عليها وكان يقال عربيات رخيصة بس قطع غيارها مبتعش------الاسبرينزا باعت من مختلف موديلاتها وحتى تاريخة50000عربية --الbydاكتسحت مبيعات التاكسى وبدات تنتشر--مع ملاحظة ان جميع سائقى التاكسى يشهدون لها بالجودة مع العلم ان التاكسى يقطع فى اليوم الواحد ما لا يقل عن 250كيلو متر وعمل 16 ساعة متواصل-----سيدى من مداخلة سيادتك ارى اننا نحتاج فقط الى الثقة فى الاخرين واعطاء الفرصة للجديد ليثبت نفس----كما اعترف با هناك سيارات صينى لم تنجح فى السوق وذلك ليس لردائتها بقدر ماهو لضعف وكيلها وعدم قدرتة على الاستمرار وضعف خبرتة---واللة اعلم

[hugan]

انا مش عارف حكايه ال 777
عندنا موجود في قسم الاسبرانزا 777
نفس الحوارت

[mmmmgogommmm]

مش ممكن العربية ماشية تاكسى بقالها سنة مش ممكن لسة هنسال هى كويسة ولا لا
======يا جماعة شكنا وقلقنا من الصينى هو اللى بيخلى وكلاء الكورى يدبحونا فى اسعار عربياتهم على اساس انهم الارخص والاجود

[elmanahry]

مش ممكن العربية ماشية تاكسى بقالها سنة مش ممكن لسة هنسال هى كويسة ولا لا
======يا جماعة شكنا وقلقنا من الصينى هو اللى بيخلى وكلاء الكورى يدبحونا فى اسعار عربياتهم على اساس انهم الارخص والاجود

كلام حكيم مائة بالمائة

[memos]

كلام حكيم مائة بالمائة
اولا انت فين يا عمنا وحشتنا ووحشتنا ايامك ارجو انك تكون بصحه جيده يا دكتور ثانيا اسمحولي ا/محمود واستاذ وليد مع الاحترام انتم والدكتور لوند كفاكم مهاتيه مع ناس مش عايزه تشتري دي بتكرهكوا في العربيه الي معاكم الي بيعوز يشترى مابيعملش كده وتلاقي استاذ محترم بيقولك بنيت علي ايه المقارنه بتاعتك اولا وبلا استثناء البي واي دى افضل من كل السيارات الي في فئتها السعريه مع الاحترام لكل مالكيها للاسباب الاتيه
الفيرنا ماتور قوي علي البودي بعد ال100 لازم تاكلبش في الدريكسيون وعفشه ضعيفه
الانوس ماتور صيني ضعيف عند تشغيل التكيف يجيب ال60 بالعافيه عافشه ضعيفه
الاسبرانزا عافشه ضعيفه وتكيف ضعيف قطمه الدريكسيون فيها مشاكل توكيل لو فيه مشكله مش عارف يحلها بيسيبك تخبط راسك في الحيط وكم واحد رفع عليه قضيه واخرهم اتحكمله بحق العربيه
اللوجان انا مش عارف غاليه علي ايه ماتور ضعيف جدا لدرجه اني ركبتها وحاولت ادوس علي الاول لقيت العربيه صوت ماتورها علي والي هو دي اخر سرعتي عافشه ناشفه وبعدين دي مفروض تيجي في حدود الخمسين الف حسب الاتفاقيه الي بتنص علي عدم وجود جمارك انما تعمل ايه لجشع التجار اما عن غلو قطع غبارها فحدث ولا حرج ويقولك معلش اصلها رينو فرنساوي نقول طور يقولوا احلبوه يا عالم دي داتشيا روماني عامه ربنا يهنى كل سعيد بسعيده وتصبحوا علي خير