صور مقابلة الجمعة 15 / 7 /2011

[bassem.naguib]

تمت بحمد الله مقابلة قسم بي واي دي اليوم الجمعة 15 / 7 / 2011 وكان عدد المتواجدين أكتر من أي مقابلة سابقة (بالرغم من قلة العدد) ... وكان أهم ما فيها بالنسبة ليا فقط أني شوفت أتنين كان نفسي أشوفهم من زمان ، ألا وهما أيهاب باشا ehabpopo وأحمد تي في ahmedTV منسق قسم نيسان .. وزي ما توقعت في مخيلتي طلعوا ناس زي الفل وأخر احترام وخفة دم وتحس أنك تعرفهم من زمان مش أول مرة تقابلهم

المهم نخش بقى على الصور .

من اليمين أسامة باشا (ozama22) .. العبد لله .. إيهاب بيه (ehabpopo) اللي دبسته في الوقفة جنب وليد علشان يبان على حقيقته أنه قصير (بالرغم من أنه أطول مني) .. وأخيراً وليد باشا منسق قسم الصيني (مش عارف إذا كانت الاختيارات بتاعة المنسقين بتتم على أساس الطول.. ولا أيه؟!) .. وبالمناسبة بشكره كتير قوي على الجايزة اللي قدمهالي (في أيدي اليمين) نظير معرفة أيه سبب المشكلة اللي كانت عنده .. وأنا بعلن عن جايزة أخرى عبارة عن كيس شيبسي بالجبنة للي حيعرف الجايزة دي عبارة عن أيه (اللي جم في المقابلة ممنوعين من الاشتراك طبعاً)


أسامة باشا تاني .. وجنبه المهندس/ أيمن (memos) .. إيهاب .. وليد
في الصورة دي بقى البشوات أيمن وأسامة ماسكين بعض وحاسس أنهم خايفين كشعور طبيعي لاتنين زملكاوية وسط مجموعة من الأهلوية


مع الاحتفاظ بالالقاب محمد جاد الكريم .. إيهاب .. وليد .. أيمن .. أسامة .. أحمد
التي شيرتات المقلمة بالعرض دي بتفكرني بلبس فريق سيلتيك الاسكتلندي ، وفريق بلدية المحلة (قال يعني مش زملكاوي .. واتبرى منهم بعد ما خسروا الدوري)


الصورة دي جمعتنا كلنا .. وأخدت وقت كبير وصعوبات في التقاطها .. وكنا بنفكر ننزلها فيديو بس مرضناش



وأخيراً العبد لله مع حبيب هارتي أحمد تي في (أنسان بجد يدخل قلبك من أول مرة) .. وسعدت بمقابلته النهاردة وأتمنى تكرارها إن شاء الله

ومستني تعليقاتكم على الصور

[SGH]

ربنا يجمعكم على خير دايما

[katoba]

والله المقابلات دى شىء جميل جدا وبيعمل روح حلوة بين الناس وبعضيها ربنا يديم المعروف بينكم دايما

[SonaSteel]

متجمعين دايما علي الخير .... وان شاء الله مقابلاتكم تكبر تكبر .. لغاية ما تروحوا بيتكم من غير ما تعرفوا تخشوا المقابلة :)))
الا هو مين (أحمد تي في) ... منسق نيسان ؟؟ ... اول مرة اشوفه هههههه
حبيبي حبيبي ... اخي وحبيبي في الله ... ولما يجي هاسأله اكلته وشربتوه ولا نسطو علي القسم بتاعكم ونسلمكم للاسطول الياباني :))
اقعدوا بالعافية :)))

[bassem.naguib]

ربنا يجمعكم على خير دايما

والله المقابلات دى شىء جميل جدا وبيعمل روح حلوة بين الناس وبعضيها ربنا يديم المعروف بينكم دايما

ربنا يخليكم .. ودايماً مشاركين معانا في المحبة والخير .. وفعلاً المقابلات دي بتعرفك على ناس محترمة وبتكون منها صداقات قوية مع مرور الوقت .

متجمعين دايما علي الخير .... وان شاء الله مقابلاتكم تكبر تكبر .. لغاية ما تروحوا بيتكم من غير ما تعرفوا تخشوا المقابلة :)))
الا هو مين (أحمد تي في) ... منسق نيسان ؟؟ ... اول مرة اشوفه هههههه
حبيبي حبيبي ... اخي وحبيبي في الله ... ولما يجي هاسأله اكلته وشربتوه ولا نسطو علي القسم بتاعكم ونسلمكم للاسطول الياباني :))
اقعدوا بالعافية :)))

أحمد تي في .. أحمد تي في الواحد بقت ذاكرته زي الزفت أنا متهيألي الاسم ده سمعته قبل كدة بس مش فاكر .. يلا أهي أسامي بتعدي على الناس ومحدش بياخد باله منها .

وبعدين أيه الكلام الغريب اللي بتقوله ده يعني أيه أكلناه وشربناه دي ؟!! .. نحن قوم نحسن معاملة أسرانا من الأقسام التانية يا سيدي الفاضل .. وعلى العموم أحنا أطلقنا سراحة وبعتنا معاه رسالة بتقول "لو مسلمتوش القسم بتاعكم ومعاه شوية عبيد وجواري .. حتشوفوا الويل وسواد الليل ولكم في الأقسام التانية عبرة .. أما إن قبلتوا تكونوا حلفاءنا وتسلموا القسم ستنالوا رضانا وتنعمون برؤسكم فوق أكتافكم" إمضاء هولاكو .

وبعدين ده أسلوب في الكلام برضه .. يعني حتسلمونا للأسطول الياباني تسليم أهالي .. ينفع الكلام ده برضه !!

ملحوظة : أنا سألت عليك النهاردة .. ومكنش ينفع الكلام اللي أنت قولته ده أن أنت مش مدعو والحوارات دي .

[SonaSteel]

أحمد تي في .. أحمد تي في الواحد بقت ذاكرته زي الزفت :copy of majd(4):أنا متهيألي الاسم ده سمعته قبل كدة بس مش فاكر .. يلا أهي أسامي بتعدي على الناس ومحدش بياخد باله منها .

وبعدين أيه الكلام الغريب اللي بتقوله ده يعني أيه أكلناه وشربناه دي ؟!! .. نحن قوم نحسن معاملة أسرانا من الأقسام التانية يا سيدي الفاضل .. وعلى العموم أحنا أطلقنا سراحة وبعتنا معاه رسالة بتقول "لو مسلمتوش القسم بتاعكم ومعاه شوية عبيد وجواري .. حتشوفوا الويل وسواد الليل ولكم في الأقسام التانية عبرة .. أما إن قبلتوا تكونوا حلفاءنا وتسلموا القسم ستنالوا رضانا وتنعمون برؤسكم فوق أكتافكم" إمضاء هولاكو .

وبعدين ده أسلوب في الكلام برضه .. يعني حتسلمونا للأسطول الياباني تسليم أهالي .. ينفع الكلام ده برضه !!

ملحوظة : أنا سألت عليك النهاردة .. ومكنش ينفع الكلام اللي أنت قولته ده أن أنت مش مدعو والحوارات دي .

علشان كده مروحش من امبارح :)) ....... طيب مش تتصلوا تطلبوا فدية ولا وجبة كومبو ... اي حاجة نطمن بيها علي الراجل .
وبعدين تعالي المنتدي يا خويا ولم عبيد علي قد ما تقدر ... بس الجواري بقي (العين بصيرة والايد قصيرة) ... ده لو كان في جواري كنت انا بذات نفسي أسرتهم هههههههههههههه .
المنتدي عندنا زي هندسة عين شمس بالظبط ... :)))
وان شاء الله تتعوض مرة تاني ... بس ايااك يكون احمد وصفلكم الحجم علشان المقابلة اللي جاية تكونوا عملتوا حسابكم
يعني رهنتوا المنتدي الصيني العام كمان ... علشان اعرف أكل :)))))
ربنا يديم المعروف وان شاء الله اشوفكم عن قريب :))

[bassem.naguib]

هههههههههههههه .. أحمد مروحش دي بقى مش مسئوليتي .. احنا أطلقنا سراحه أمبارح .. بس ممكن تلاقيه بيلعب كورة هنا ولا هناك وحيروحلكم على طول .

وبالنسبالك يا باشا .. أحنا مش مجانين علشان نأسرك رغم أني شاكك أن قسم نيسان كله بيدعى أنك تتأسر وترحمهم شوية ههههههههه .. وبعدين تعالى هنا هو أحنا لاقين ناكل علشان نأكل غيرنا .. وأنا كان قصدي أنكم تشتروا العبيد والجواري من سوق النخاسة لأنه من المعروف أن قسم نيسان من السادة الأحرار .

ربنا يسهل وألقاك عن قريب إن شاء الله أنت والناس الحلوة اللي عندكم .

[SonaSteel]

هههههههههههههه .. أحمد مروحش دي بقى مش مسئوليتي .. احنا أطلقنا سراحه أمبارح .. بس ممكن تلاقيه بيلعب كورة هنا ولا هناك وحيروحلكم على طول .

وبالنسبالك يا باشا .. أحنا مش مجانين علشان نأسرك رغم أني شاكك أن قسم نيسان كله بيدعى أنك تتأسر وترحمهم شوية ههههههههه .. وبعدين تعالى هنا هو أحنا لاقين ناكل علشان نأكل غيرنا .. وأنا كان قصدي أنكم تشتروا العبيد والجواري من سوق النخاسة لأنه من المعروف أن قسم نيسان من السادة الأحرار .

ربنا يسهل وألقاك عن قريب إن شاء الله أنت والناس الحلوة اللي عندكم .

هههههههههههههههههه .... علي اساس ان المنسق احمد مصطفي كــــامل ههههههههه
طيب ادام مش لاقيين تاكلوا تعالوا اقعدوا عندنا في الكافيه وتنورونا ونعزمكم علي حاجة حلوة ... مية ساقعه وميه فاترة ومية سخنة وميه معدنية ومية مقطرة و ميه متلجة ...... هاتتمتعوا يعني .... مستنينكم :)))
بس قولوي من اللي جاي علشان الحرس يقولولي .. او ممكن تبعتوا رسول بالاسماء ... ومش هايرجع الا لما اشوف لاحمد تي في مشاركة عندكوا ... يا اما مركبين الصور بالفوتوشوب وبتضحكوا علينا وسفرتوه الخليج :)))

[bassem.naguib]

ربنا يرد غيبتك يا عم أحمد .. بيتبلوا علينا أننا خطفينك وهربناك برة البلد .. مش عارف الماتش اللي بتلعبه ده بالوقت ولا الفورة من 12 ولسه مخلصتش ؟!

بص يا هندسة .. أحنا مبنجيش لحد .. علشان متبقاش قاعد على كرسي السلطانية وسط عزوتك ومراوح الريش النعام بتهوي عليك وتترسم علينا بالاستقواء بالأسطول الياباني والكلام ده مينفعش معانا .. ده أحنا ناكل لقمة بدقة وكرامتنا تبقى متصانة .. بالإضافة إلى أن الكافية عندكم شكل المشاريب فيه أي كلام .(أيه الكلام الكبير اللي بقوله ده؟! بس خطبة عصماء مش كدة برضه .. أيه رأيك؟!)

أحنا نتقابل وجهاً لوجه في منطقة محايدة لأن شكل الكلام بينا مش حيخلص وممكن مشاركتنا تملى سيرفر المنتدى وكريم منير يشد في شعر راسه .. وعيب عليك تقول الصور متركبة لأن ماضينا يشرفنا وحاضرنا يزكينا ومستقبلنا مشرق إن شاء الله .. والأدلة الجنائية حتثبت صحة كلامي .

[SonaSteel]

ربنا يرد غيبتك يا عم أحمد .. بيتبلوا علينا أننا خطفينك وهربناك برة البلد .. مش عارف الماتش اللي بتلعبه ده بالوقت ولا الفورة من 12 ولسه مخلصتش ؟!

بص يا هندسة .. أحنا مبنجيش لحد .. علشان متبقاش قاعد على كرسي السلطانية وسط عزوتك ومراوح الريش النعام بتهوي عليك وتترسم علينا بالاستقواء بالأسطول الياباني والكلام ده مينفعش معانا .. ده أحنا ناكل لقمة بدقة وكرامتنا تبقى متصانة .. بالإضافة إلى أن الكافية عندكم شكل المشاريب فيه أي كلام .(أيه الكلام الكبير اللي بقوله ده؟! بس خطبة عصماء مش كدة برضه .. أيه رأيك؟!)

أحنا نتقابل وجهاً لوجه في منطقة محايدة لأن شكل الكلام بينا مش حيخلص وممكن مشاركتنا تملى سيرفر المنتدى وكريم منير يشد في شعر راسه .. وعيب عليك تقول الصور متركبة لأن ماضينا يشرفنا وحاضرنا يزكينا ومستقبلنا مشرق إن شاء الله .. والأدلة الجنائية حتثبت صحة كلامي .

طيب يعني مش هاتيجوا بالحسني ؟؟ :))
خلاص هابعتلكوا الاسطول علي اول فالوكة طالعة الصبح بدري
وحذاري اقابلك في المعركة ....... دقوا الطبوووووووووول :))

[fineart607]

كويس جدا بس كان لازم تصوروا العربيات كمان وهى بتتعرف على بعض (:

[Ashraf_Ibrahim]

جميل يا شباب ومقابلة رائعة ان شاء الله ويارب دايما متجمعين على الخير
حقيقي كان نفسي احضر معاكم المقابلة بس للضرورة احكام
المرة الجاية ان شاء الله

[bassem.naguib]

طيب يعني مش هاتيجوا بالحسني ؟؟ :))
خلاص هابعتلكوا الاسطول علي اول فالوكة طالعة الصبح بدري
وحذاري اقابلك في المعركة ....... دقوا الطبوووووووووول :))

متزقش يا باشا وبالراحة شوية .. أنا رحت ليك الكافية خلاص وحتلاقيني بمزمز في المشاركات اللي فيه من أول مشاركة علشان أبقى متابع الناس كلها .

كويس جدا بس كان لازم تصوروا العربيات كمان وهى بتتعرف على بعض (:

تصدق .. فاتتنا دي .. رغم أننا صورنا العربيات المقابلة اللي فاتت .

جميل يا شباب ومقابلة رائعة ان شاء الله ويارب دايما متجمعين على الخير
حقيقي كان نفسي احضر معاكم المقابلة بس للضرورة احكام
المرة الجاية ان شاء الله

تكون معانا المقابلة الجاية يا أشرف باشا إن شاء الله .. رغم أني ليا تحفظات على موضوع المنوفية ده .. هههههههههههههه

[darsh_]

عقيال كل مقابلة يا رجالة

بس في حوار اتنسا في النص

ايه هيا المفاجأة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[bassem.naguib]

المفاجأة يبقى يقولها وليد باشا .. وكان نفسنا تكون موجود معانا يا زعيم .