عملت حادثه و الحمد لله......

[x_gomgom]

انا عملت حادثه و الحمد لله على كل شئ و الخسائر كلأتي .......
اكصدام و فانوس و كارتير عجل و الفبره اللي في الاكصدام من تحت و مقص و مسمار الميزان و جنط و فرده كاوتش. المشكله اني مش لاقي المقص ولا مسمار الميزان و محتاس المشكله اني مش لاقيهم في التوكيل
ارجوكم يا جماعه اللي يعرف هما موجودين فين يقول انا دورت في دمشق مش لاقيهم برده هي العربيه f0 .....
لا أراكم الله مكروهاً في عزيز و شكراً

[hazemhassan]

حمد الله على سلامتك
وقدر الله ما شاء فعل

[bassem.naguib]

الحمد لله على كل شيء .. وقدر الله وما شاء فعل .. أهم حاجة أنك سليم بفضل الله وده أهم شيء .

بالنسبة لقطع الغيار حاول تشوف في التوفيقية كدة النظام أيه .. وحاجة غريبة أنها مش موجودة في التوكيل .. وإن كنت أفضل تخليك وراء التوكيل لحد ما الحاجة تيجي .

وألف سلامة عليك مرة تانية وفداك مليون عربية .

[egyptiandiver]

ألف سلامة عليك

[techno]

الف حمد لله علي السلامة و الحمد لله علي كل شئ.. جرب التوفيفة صح لاني شفت للعربية الاف 3 حاجات كتير هناك و ان شاء الله تلاقي .. و الف حمد لله علي السلامة

[abaza2107]

الحمد لله على سلامتك
وخليك ورا التوكيل وحاول تكلم اللواء / حسن شخصيا / 0122499999
او الاستاذ / عماد / 0197771747
وان شاء الله الموضوع يتحل

[ehabpopo]

الف سلامة ليك يا باشا ... والحمد لله انك بخير ... وان شاء الله موضوع قطع الغيار يتحل ... او دور على قطع غيار بديلة ... يمكن يكون ليها قطع غيار بديلة

[elmanahry]

المهم ان سيادتك بخير وربنا يعوض الخسارة وانا مع الراى ان سيادتك تكلم اللواء حسن شخصيا لازم يتكفلوا بقطع غيار سيارة استوردوها وباعوها للسوق المصرى لازم يتكفلوا بقطع الغيار التاجر الذى فى التوفيقية يبيع قطع غيار ال byd لانه نزل الصين واستورد وممكن يستورد اى قطعة للسيارة لانه على اتصال بالشركات التى تصنع قطع الغيار حتى لو تم ارسال القطع المطلوبة فى رسالة خاصة لان عندما كنت فى دولة الجزائر عام 1982 عندما لم يكن يوجد قطع غيار معينة كانت ترسل بالبريد فى طرد لطالب قطع الغيار وربنا يطمنا عليك

[x_gomgom]

الله يسلمكم يا جماعه و بجد شكراً جزيلاً لشعوركم الجميل.....
انا دورت في التوفيقيه للاسف قطع غيارها مش موجوده و المقص غير موجود ولا مسمار الميزان و التوكيل للاسف مش موجوده عنده و انا اتزنقت عشان ظروف السفر و تم استعدال المقص على مكبس و عمل مسمار ميزان عموله عند خراط مؤقتاً لحين ورود قطع الغيار .... و باقي شغل السمكره إ، شاء الله هبدأ فيه اول ما ارجع من السفر......
شكراً و جزاكم الله كل خير

[memos]

اولا الف سلامه والحمد لله انك طلعت سليم ورائي انك تسأل ميكانيكيه علي قطع بديله لانه اكيد ان القطع مستنسخه من اي عربيه اخرى وربنا يسهل