راجل مبالغ فيه !!!

[S.S.E]

قولت أنزل أشوف ال byd f3 أقرب فرع لى وهو اللى فى باب اللوق طبعا دخلت المعرض ملقتش ولا عربيه ولقيت مكتب وراجل كبير قولت يمكن غلطت فى العنوان ......المهم سئلت الراجل فين العربيه قالى مبتنزلش الإ بالطلب فقولتله عايز أشوف الأتوماتيك قالى زى أى أتوماتيك عادى يعنى، طيب ياحاج فى تقسيط قالى الوحيده اللى ملهاش تقسيط ...............راجل مبالغ فيه

وأخدت منه فى الأخر برشور للعربيه بالعافيه.

أنا نويت إن شاء الله فى القريب العاجل أشترى ال f3 أتوماتيك بس كنت عايز أسئل على التقسيط حتى ولو بنك مريح وبعض الأسئله عن العربيه :
1 - الفتيس الأتوماتيك هل فيه عيوب صناعه
2-العفشه مريحه زى الفيرنا كده ولا نشفه
3-أحسن لون ليها من غير الأبيض والدهبى والأحمر

[memos]

اولا احنا اسفين علي الي بدر من البائع الي قابلته في الفرع اصل للاسف الشركه الوحيده الي تلاقي sells او البائعين طرفها زي ما يكون قطاع عام مش عارف ليه كل الشركات بتجتهد انها تجيب بائع يجذبك الا الامل البائع يطردك عامه السياره جميله جدا وان سقتها وحسيت اد ايه ناعمه والعربيه موجوده في معرض في باب اللوق بعد كشري التحرير وانت داخل علي الميدان وتحياتي لك

[S.S.E]

اولا احنا اسفين علي الي بدر من البائع الي قابلته في الفرع اصل للاسف الشركه الوحيده الي تلاقي sells او البائعين طرفها زي ما يكون قطاع عام مش عارف ليه كل الشركات بتجتهد انها تجيب بائع يجذبك الا الامل البائع يطردك عامه السياره جميله جدا وان سقتها وحسيت اد ايه ناعمه والعربيه موجوده في معرض في باب اللوق بعد كشري التحرير وانت داخل علي الميدان وتحياتي لك

أنا شاكر لرد سعادتك المعرض اللى كنت فيه جمب محطة محمد نجيب .....أستأذنك عنوان المعرض بالتفصيل الموجود بباب اللوق ، أنا خايف يطلع فى الأخر شايلين العربيات من السرقه.

[maged122]

فعلا والله العظيم شركة الامل------------------- زى الراجل اللى اسمة عبد القادر اللى فى فرع نزية خليفة لما جبت العربيةمن الفرع عندة تحس انة عاوز يطردك وميعرفكش اى حاجة عن السيارة دة غير انة لما تيجى تسال عن حاجة فى السيارة زى سعة الموتور ولا كلام بسيط من دة يقولك معرفش انا بتاع مبيعات ولما اتكلمت معاة وانا بستلم السيارة عرفت انة كان قوات جوية باين اوجيش حاجة زى كدة طب قولى اية علاقة صول بالجيش بالمبيعات حتى مستخسرين يجيبوا ولد نضيف ومتعلم زى الشركات المحترمة علشان يقابل العملاء وبعد كدة تطالبهم يطلعوا قطعة غيار جديدة لسيارتى والله انا قسما بالله لو صاحب الشركة لكنت رفدت عبد القادر دة ولكن صاحب الشركة مكبر دماغة المهم الحصول فى اخر المهمة على مبلغ 70000جنية ملوش دعوة زبال بقى موجود فى المبيعات ولا كناس المهم الاموال
ولشركة الامل واصحاب الشركة تحياتى وفى تقدم مستمر.................
تنبيه : استخدامك لالفاظ تخرج عن اداب الحوار يعرضك لعقوبات طبقا لقوانين المنتدى
الرجاء استخدام عبارات مناسبة للتعبر عن وجه نظرك

مشرف7ب
13/8/2011
2.10am

[lonedoctor]

الاخ ماجد حياك الله.
وودت ان انبه سعادتكم على انه لا حرج فى ان تعبر عن عدم رضاك عن وكيل السيارة وغضبك من سوء المعاملة ولكن اتمنى ان يكون مستوى الحوار افضل من ذلك حرصا على ان يكون منتدانا الغالى دائما على درجة عالية من الرقى والحوار المهذب
ارجو الا تزعل من كلامى
تقبل تحياتى

[memos]

أنا شاكر لرد سعادتك المعرض اللى كنت فيه جمب محطة محمد نجيب .....أستأذنك عنوان المعرض بالتفصيل الموجود بباب اللوق ، أنا خايف يطلع فى الأخر شايلين العربيات من السرقه.

كل الي اعرفه انك وانت جاي من التحرير في اتجاه الميدان قبل ما توصل الميدان تجد المعرض علي ايدك اليمين

[rti]

السلام عليكم السيارة جيدة جدا مريحة واسعة ناعمة فى اوبشنز كويس مش هتندم لو جبتها وانا هبعتلك رقم تليفوني كلمني اقولك تعمل اية فى القسط ويكون مريج جدا

[abofarah]

[QUOTE=rti;3873721810]السلام عليكم السيارة جيدة جدا مريحة واسعة ناعمة فى اوبشنز كويس مش هتندم لو جبتها وانا هبعتلك رقم تليفوني كلمني اقولك تعمل اية فى القسط ويكون مريج جدا[/QUOT

يا ريت تقولى انا كمان يا باشا على موضوع القسط ده لانى بفكر برضوا انى اجيبها