استغاثه لشركه الامل...... برجاء الافاده

[x_gomgom]

انا امتلك ال f0 و عملت حادثه و قدر الله ما شاء فعل.و المشكله ان منذ شهر 7 حتي الان انا مش لاقي المقص بتاع السياره ولا مسمار الميزان ولا شاسيه الاكصدام الامامي لا في التوكيل ولا في الخارج .و اكتشفت بالامس مشكله عويصه انا بلي العجل بتاع العربيه باظ من الحادث و اكس الكوبلن يمين اتلوح من الحادث و محتاجين تغيير.....
يا ريت يا جماعه اي حد من الاخوه المحترمين يساعدني العربيه لسه ما كملتش سنه و مش لاقي قطع الغيار و مركونه من شهرين و مش عارف اتصرف ..... العربيه قطع غيارها مش موجوده بالخارج حتي بليه العجل مقاسها مش موجود و ان مش عارف اتحرك بيها
يا ريت لو اي حد من التوكيل يفيدني قطع الغيار دي في امل انها تيجي لان بقالي فتره متابع و مفيش اخبار عن المقص......
يا ريت يا جماعه الخير اي حد يفيدني لاني بجد مش عارف اعمل ايه و اجيب القطع دي منين و يا ريت لو التوكيل ينزل قطع غيار السياره ال f0 ......
شكراً

[lonedoctor]

يمكنك التواصل مع البائع فى الموقعين التاليين واخباره بماتريد والاتفاق على السعر الإجمالى والشحن
Full auto parts for BYD F0/F6/F3/G3 products, buy Full auto parts for BYD F0/F6/F3/G3 products from alibaba.com
BYD F0 products, buy BYD F0 products from alibaba.com

http://factory.dhgate.com/other-body-parts/body-kit-byd-f0-water-engine-cover-p43111159.html

يمكنك الدخول على اكبر سوق صينى لاى حاجة ممكن تتباع فى الدنيا واسمه taobao وحاول تستعين بالله ثم بترجمة جوجل واحفظ روابط السلع اللى انت عايزها وارسلها لى على الخاص وربنا يسهل اقدر اتصل بحد من الصين يشوف الحاجات دى وسعرها كام وسعر الشحن وابلغك ان شاء الله
بس ركز كويس فى القطع اللى انت عايزها واعرف اسمها كويس بالانجليزى وكذلك حاول يكون لها صور علشان فى الغالب الشخص اللى هيشترى موش متخصص وبيشترى بالشبه كده وربنا يوفقك
بصراحة انا ماعنديش وقت والا كنت ساعدتك وبحثت عن الاشياء دى بنفسى بس سامحنى والله
تقبل تحياتى

[x_gomgom]

جزالك الله كل خير و مشكور مجهودك والله.....
بس يا ريت لو اي حد من شركه الامل يهتم قليلاً بتوفير قطع الغيار للسيارات لان دي الضمانه الوحيده لاستمراريه سياره بعينها في السوق من عدمه و الحمد لله العربيه عليها طلب............
يا ريت لو حد يا رجاله وصل لاي حاجه جديده يبلغ عشان والله انا دخت من كتر اللف في الحرفيين

[lonedoctor]

ياترى انت محتاج اكس الكوبلن اليمين ومعاه الكوبلن كمان ولا الاكس بس؟
ياريت التوضيح

[elmanahry]

دور الاستاذ عماد حبيب والانسة داليا يجب ان يتصرف التوكيل باى طريقة لايجاد القطع لاخونا العزيز ماذا يعنى بيع سيارة وعدم توفير قطع الغيار لها لاى قطعة كانت الرجاء التصرف من التوكيل

[Emad Habib]

حدث بالفعل انه تم عمل طلبيه من الصين وهى فى الطريق

[lonedoctor]

ياريت يا استاذ رامى ترد على بسرعة فى السؤال اللى سالته لك الاكس لوحده ولا معاه الكبالن؟

[x_gomgom]

شكراً جزيلاً جميع الاخوه و مش عارف بجد اشكر شعوركم الكريم و ووقوفكم جنبي و شكر خاص للاستاذ عماد و الاستاذ lonedoctor .....
المطلوب بالتفصيل اكس كوبلن يمين و بليه عجل يمين و مقص يمين و مسمار ميزان يمين....
انا اسف للتأخر في الرد بسبب ظروف العمل و سؤال للاستاذ عماد هي القطع دي هانيجي بعد قد ايه؟
و شاكر جزيلاً شعوركم و تعاونكم الجميل و جعله الله في ميزان حسناتكم

[lonedoctor]

برضه ما رديتش على هو حضرتك عايز الاكس بس ولا معاه الكوبلن كمان ؟

[x_gomgom]

الاكس فقط يا باشا و انا بجد اسف على التأخير ...

[x_gomgom]

يا ريت لو اي احد يرد علي من توكيل الامل.....
هل هناك امل ؟؟؟؟؟؟

[x_gomgom]

يا جماعه العربيه ما بيقتش تمشي خالص