يا جماعة انا بفكر اجيب BYD f3 ممكن تساعدوني

[ahmed88hassan]

العربية عاجباني اوي
و داخل دماغ الوالد اوي اوي

بس في مشكلة
العربية انا معرفش اسعارها كام .. فئاتها ايه
كماليتها ايه
و انهي فئة بكام
و فتيس الأوتو بتاعها اخباره ايه
و سمعت انها ABS
و سمعت فيها ايرباج واحدة
وناس تانية قالوا اتنين
انا بفكر اجيب الأوتو ايه رأيكوا فيها

رأيكو ايه .. وقطع الغيار بتجيبوها ايه و منين عشان انا سمعت انها بتتغير للياباني
و ياريت برده تقوليلي ثابتها عامل ايه عشان اللي قريته في المنتدي عن ثباتها انها كويس عند الـ 120
انا عايز انطباع عن السرعات العالية عشان انا متهور حبتين
ساعدوني ربي يخليكوا

[mostakbal5000]

أنا نفس الحكاية
عايز أعرف كل شئ عنها
ولكن خايف من انها صيني وكمان قطع الغيار السعر ومتوفر ولا لآ (عند التوكيل وبس وبالسعر اللي هوا عايزه )
ولما تيجي تبيعها يا ترى هيكون ليها زبون ولا هترميها بأي سعر ولا خلاص وتندم إنك يوم جبتها
ياريت أصحاب الخبرة يفيدونا جميعا بكل نواحي السيارة من حيث :
المواصفات والسعر والأداء والمميزات والعيوب (أكثر شكوة منها) والصيانة بالتوكيل (القاهرة أو إسكندرية) وقطع الغيار متوفرة أم لا وأسعارها غالية أم رخيصة وعلى قد الأيد و في حالة لا قدر الله بيعها هل تسطيع بيعها بثمن تستحقه السيارة ولا علشان هيا صيني وسوقها في البيع والشراء المستعمل قليل حتبقى سعرها رخيص

أرجو الإفادة وبشكل مفصل يا أهل الخبرة وياريت يكون بنفس الموضوع وليس مواضيع أخرى أو روابط أخرى

[Emad Habib]

الساده الافاضل

تحياتى

زياره اى معرض لشركه الامل او اى موزع معتمد للسياره بى واى دى سيقوم بالشرح الكافى لسيادتك على الطبيعه

[mostakbal5000]

أشكرك أستاذ عماد حبيب بس كنت عايز أسأل عن أماكن بيع قطع الغيار
والسيارة يمكن بيعها بعد فترة بسعر تستحقه السيارة ولا ترضى بأي سعر لأن سوق الصيني مش مطلوب في البيع

[mostafa123]

العربية عاجباني اوي
و داخل دماغ الوالد اوي اوي

بس في مشكلة
العربية انا معرفش اسعارها كام .. فئاتها ايه
كماليتها ايه
و انهي فئة بكام
و فتيس الأوتو بتاعها اخباره ايه
و سمعت انها abs
و سمعت فيها ايرباج واحدة
وناس تانية قالوا اتنين
انا بفكر اجيب الأوتو ايه رأيكوا فيها

رأيكو ايه .. وقطع الغيار بتجيبوها ايه و منين عشان انا سمعت انها بتتغير للياباني
و ياريت برده تقوليلي ثابتها عامل ايه عشان اللي قريته في المنتدي عن ثباتها انها كويس عند الـ 120
انا عايز انطباع عن السرعات العالية عشان انا متهور حبتين
ساعدوني ربي يخليكوا

أنا معايا المانيوال
فيها كل الكماليات ماعدا فتحة السقف وحساسات الركن
قطع الغيار رخيصة وهتكون طبعا صينى من التوكيل ولو عايز تصرف عليها أى حاجة بعد كده غيرها لليابانى سواء عفشة من تويوتا أو موتور من متسوبيشى
بالنسبة للثبات فالعربية ثابتة جدا وثابتة جدا جدا لحد 150 كم من غير أى مشاكل بس طبعا لازم تخللى بالك من سواقين النقل والميكروباص التحف اللى جنبك على الطريق .. فمش كل حاجة الثبات فى العربية.. ساعات بتحصل مواقف من يكوات النقل والميكروباس متعرفش تعمل معاها حاجة لو السرعة عالية.. ده غير إنى جبت بالعربية 180 مرتين وكان لسه برضه ممكن أزود بس خفت من اللى حواليا مش من العربية.
لو هتجيبها لازم تظبط صيانتك على مركز إسكندرية لإن مركز القطامية فى الضياع..
برضه لازم تخلى بالك إن فيه بعض العيوب التافهة التى تؤثر فى أداء السيارة لكن لازم تعرفها علشان متقولش محدش نصحك أو حد ضحك عليك
لو عايز تفاصيل تانى فكلنا تحت امرك
والسلام عليكم

[darsh_]

العربية عاجباني اوي
و داخل دماغ الوالد اوي اوي

و هتدخل دماغكم اكتر اما تشتروها ان شاء الله

بس في مشكلة
العربية انا معرفش اسعارها كام .. فئاتها ايه

الفئات : Gli مانيوال فل اوبشن ب 72 الف ( تقريبا )
gl هاف اوبشن و بصراحة مش عارف سعرها
glxi اوتوماتيك فل اوبشن + فتحة سقف + حساسات ركن ب 82000 ( تقريبا )
و للعلم العربية زاد تمنها اكتر من 3500 جنيه في فترة قصيرة نظرا للانتشار الي حصل للعربية

كماليتها ايه
و انهي فئة بكام

الفل اوبشن : تكييف رائع جدا 2 اير باج و 5 جنوط سبور 4 زجاج كهرباء ريموت و سنتر و انذار و جهاز حماية من السرقة و اضائة للتابلوه ليد و مقابض ابواب نيكل و ده الي انا فاكره حاليا و عالعموم فيها كل الكماليات الي انت هتحتاجها

و فتيس الأوتو بتاعها اخباره ايه

تماام مسمعناش من اي حد من ملاك العربية انه فيه اي مشاكل و هو فتيس ياباني زي بتاع الصني و من نفس الشركة اليابانية

و سمعت انها abs
و سمعت فيها ايرباج واحدة
وناس تانية قالوا اتنين

2 اير باج و abs رائع و مفيد جدا شرط انك تتعود عليه في السواقة

انا بفكر اجيب الأوتو ايه رأيكوا فيها

زي الفل

رأيكو ايه .. وقطع الغيار بتجيبوها ايه و منين عشان انا سمعت انها بتتغير للياباني

العفشة كورولا و الموتور لانسر ( مبدئيا )
قطع الغيار في التوكيل اسعارها اكتر من ممتازة و متوافرة داخل التوكيل و خارج التوكيل باسعار رخيصة

و ياريت برده تقوليلي ثابتها عامل ايه عشان اللي قريته في المنتدي عن ثباتها انها كويس عند الـ 120

الثبات ممتاز و العربية تقيلة عالارض و الثبات مقبول عالعموم و ليس لغاية 120 فقط باختصار احسن من الفيرنا بكتييير و احسن من ال 516 و هي الاحثن في الثبات في فئتها هي و ال لوجان

انا عايز انطباع عن السرعات العالية عشان انا متهور حبتين
ساعدوني ربي يخليكوا

طيييير براحتك بس نصيحة شخصية بلاش العادة السيئة دي عشان سلامتك و سلامة عيلتك

عشان ابقا خلصت زمتي : العربية فيها عيب خطيييييييييير جدا و هو التوكيل و خصوصا فرع القطامية و شوية الكفتجية الي قاعدين فيه.....ناس هتكرهك في اليوم الي فكرت تركب عربيات فيه ........بس العربية تستاهل فعلا انك تستحمل

باختصار الصيانة بتاعتك تروح تعملها في فرع اسكندرية ناس زوك و محترمين و عندهم ضمير او تتعامل مع فرع القطامية بالدراع بقا او بالرشوة او بالخناق على حسب ميولك الشخصية و قدراتك........

اي استفسار اخر انت تحت امرك في اي وقت......

[mostakbal5000]

أشكرك أستاذ عماد حبيب بس كنت عايز أسأل عن أماكن بيع قطع الغيار
والسيارة يمكن بيعها بعد فترة بسعر تستحقه السيارة ولا ترضى بأي سعر لأن سوق الصيني مش مطلوب في البيع

يا جماعة ليه مفيش حد رد على سؤالي ؟؟؟؟؟؟

[darsh_]

يا جماعة ليه مفيش حد رد على سؤالي ؟؟؟؟؟؟

اسال على اسعارها كدة مستعمل ده لو لقيت حد اصلا بيفرط فيها ...........العربية سعرها بيعلا مش بينزل و ده دليل على نجاحها و الاقبال عليها

و كلما زاد الاقبال زاد السعر حسب قانون العرض و الطلب

فماتقلقش من سعر اعادة البيع ان شاء الله

[egyptiandiver]

شكل العربية حلو، بس نستنى عليها يمكن كام سنة و ربنا كريم

[ahmed88hassan]

ألف شكر لكل اللي ردوا
سواء ان كان الناس اللي ردوا خصوصا darsh_
اللي كان رده جامد اوي و مفهوش اي بخل في الكلام و اهتمامه .. ربنا يباركلك

و mostakbal5000
و ان شاء الله ربنا يوفقنا و نجيبها عشان انا مستعجل اوي و حاسس اني عريان من غير عربية

و سؤال اخير
ألوانها ايه و ايه افضل لون فيها من وجهة نظركوا

[rti]

الاسود لو فخم تحس كده اك راكب تحفة فنية وفى منها الفراني والكحلي والفضي والذهبي و النبيتي و النحاسي