أستهلاك البنزين زيادة أوى

[islamelesswi]

سيارتى f3 gli صينية الصنع موديل 2008 عامله دلوقتى 33500كم ماشاء الله ولاحول ولاقوة الا بالله أشتريتها عن أقتناع تام وراضى والحمد لله عن أداؤها بالمقارنة بالكثير من سيارات أصدقائى وواجهت مؤخرا زيادة فى استهلاك البنزين بطريقة زائدة عن الحد ولأول مرة مع العلم من أن قيادتى داخل المدينة والتكييف بالعمل على طول ومؤخرا نعانى من الزحام بالأسكندرية مما جعلنى أعيد المعايرة أكثر من مرة ليكون الأستهلاك 140كيلو فى الصفيحة وهو أمر غير مقبول وو قد قرأت أكثر من موضوع عن شكوى الزملاء على أستهلاك البنزين وقيلم البعض يتغيير نوع البنزين الى 90 بدلا من 92 وكذا المواضيع المتعلقة بتغيير نوع الزيت وكذا ضبط خلوصات شمعات الأحتراق فقررت عمل الأتى : الذهاب الى التوكيل بمدينتى الأسكندرية لعرض المشكلة على المهندس المحترم أسامة فقام بالكشف على السيارة وأتضح ان المشكلة فى البوجيهات وقام بالكشف بواسطة الكومبيوتر وقامو بتغييرها ببوجيهات bosh والنتيجة بعد التغيير سحب السيارة أصبح أكثر سلاسة ومن أقل لمسة للدواسة وقمت بتفويل السيارة بنزين 92 كالعادة وضبط قراءة عداد الكم وسأقوم بالمعايرة وأخبر حضراتكم لاحقا وكذلك قررت وبناءا عن ما قرأته عن المواضيع الخاصة بالزيوت أن أقوم بتغيير نوع الزيت الذى أستخدمه من موبيل 1 الى فالفولين syn power mst5w30 لأن الخيارات كانت الأول ياموبيل 1 أو شيل ألترا والأثنين أنيل من بعض ولذلك قمت بالتواصل معهم وسأقوم بالشراء أول الشهر وسوف يرسلون ما أريد حيث أقطن بالأسكندرية وسأقوم بأطلاعكم بالأخبار بعد تغيير الزيت وتغيير البوجيهات وتحديد معدل الأستهلاك الجديد

[bassem.naguib]

هي دي كان أول مرة تغير فيها البوجيهات .. ولا غيرتها قبل كدة ؟!

[islamelesswi]

دى كانت أول مرة أغير بوجيهات من ساعة أستلام السيارة وأستعمالى لزيت موبيل 1 أول 10000كم ثم شيل ألترا فى ال20000كم ثم العودة مرة أخرى لموبيل 1 عند صيانة ال 30000 كم

[elmanahry]

لأن الخيارات كانت الأول ياموبيل 1 أو شيل ألترا والأثنين أنيل من بعض ولذلك قمت بالتواصل معهم وسأقوم بالشراء أول الشهر وسوف يرسلون ما أريد حيث أقطن بالأسكندرية وسأقوم بأطلاعكم بالأخبار بعد تغيير الزيت وتغيير البوجيهات وتحديد معدل الأستهلاك الجديد[/quote]

عرفت يااستاذ باسم سبب دراستى للزيوت واختيار زيت liqui moli الاخ العزيز اختار زيت الفالفولين وانا اخترت زيت ال liqui moli

[darsh_]

متابع باهتمام شديد جدا جدا

[bassem.naguib]

أولاً .. يا ريت حد يوضح الكتالوج بيوصي بتغيير البوجيهات بعد كام كيلو .
ثانياً .. طبيعي سحب العربية يبقى أفضل بكثير بعد تغيير البوجيهات بس مش مؤشر بالمرة على أنه حيوفر في البنزين .
ثالثاً .. لو المشكلة ظلت كما هي في استهلاك البنزين أنا أرجح وجود خلل ما يا أما في الرشاشات أو الحساسات الخاصة بالموتور .
رابعاً .. أنصح حضرتك يا أستاذ/ أسلام لو المشكلة ظلت موجودة استخدام منظف الرشاشات ومتابعة الاستهلاك بعد كدة .. لو استمرت يبقى يجب مراجعة التوكيل مرة تانية .
خامساً .. تعددت الأراء حول متوسط استهلاك للبنزين (بسبب طريقة سواقة وظروف الطريق أو لوجود مشكلة ما ..إلخ) بس من خلال متابعاتي للمشاركات لم يحدد أحد بشكل صريح وجازم ما هو الاستهلاك الأمثل للسيارة f3 اللي أقدر أقول أنه لو زاد عن ذلك يبقى في خلل ما (اللي أقصدة من الواقع الفعلي وليس من واقع الكتالوج) .

عرفت يااستاذ باسم سبب دراستى للزيوت واختيار زيت liqui moli الاخ العزيز اختار زيت الفالفولين وانا اخترت زيت ال liqui moli

هو أنا بقول على أي حاجة بتقولها غير أمين يا دكتور .. هههههههه .. مش عارف بصراحة حضرتك بتأكد عليا ليه كأني كنت من المعارضين ليك أو بقولك حط زيت تموين !!!

[prosecutor]

متابع باهتمام شديد

[gaml_grbr]

متابع باهتمام واقول لكم انا معليا لانسر بومة واول مرة اغير البوجيهات كان بعد 40000 كم

[bassem.naguib]

متابع باهتمام واقول لكم انا معليا لانسر بومة واول مرة اغير البوجيهات كان بعد 40000 كم

اللانسر اللي مع حضرتك 1600 ولا 1300 .. ومانيوال ولا أتوماتيك ؟!
يا ريت توضح لينا متوسط استهلاك البنزين كام ؟!

[gaml_grbr]

هى لانسر 1600 مانيوال وبصراحة لم احسب متوسط استهلاك البنزين وبفكر بجدية اشترى byd-f3 بس خايف بردو من عمر السيارة الافتراضى مع انى سألت عليها كثرا وكل سواقين التاكسيات بشكرو فيها - ونفسى اجيب الاوتوماتيك بس بعضهم ينصح بالمانوال علشان متجرب

[bassem.naguib]

طب لو فيها تتقيل عليك .. لو تقدر تحسب معدل استهلاك البنزين للمقارنة بين السيارتين وخاصة أن الموتورين واحد .

وبالنسبة للأتوماتيك .. فأحب أطمن حضرتك أن الفتيس ياباني الصنع بالكامل Jatco وهو نفس الفتيس اللي راكب في النيسان صني ومظهرش منه مشاكل وهو مع ثلاث أعضاء هنا ومجربينه .

[islamelesswi]

السادة الزملاء كنت قد أخبرتكم أننى سأقوم بمعايرة أستهلاك البنزين بعد تغيير البوجيهات أحب أن أخبركم أن المعدل الحالى هو 190 كم لل 20لتر بزيادة 50 كم عن السابق ولسه أنا مغيرتش الزيت أن شاء الله حأغيره وسأقوم بالمعايرة مرة احرى

[bassem.naguib]

190كم معدل مش كويس خالص ؟!! بس بعد الصيانة ممكن الأمور تتغير إن شاء الله .

[lonedoctor]

السادة الزملاء كنت قد أخبرتكم أننى سأقوم بمعايرة أستهلاك البنزين بعد تغيير البوجيهات أحب أن أخبركم أن المعدل الحالى هو 190 كم لل 20لتر بزيادة 50 كم عن السابق ولسه أنا مغيرتش الزيت أن شاء الله حأغيره وسأقوم بالمعايرة مرة احرى

ربما تكون مشكلة ضبط التاكيهات والتى تحدثنا عنها منذ فترة طويلة لا ادرى حضرتك تابعت معانا الموضوع ده ولا لأ ؟
لانه ضبط التاكيهات فى موتور السيارة f3 يتم بشكل يدوى وليس تلقائى
ياريت تعرض الموضوع ده على الرجل الخلوق المهندس اسامة مبروك
تقبل تحياتى

[rti]

السؤال هنا 190 ك بالتكيف و لا بدون انا معايا الصفيحة بتعمل 250 بدون تكيف ود ه مضايقني لان مفروض الصفيحة فى العربية دي تعمل حوالي من 300 الى 320 ك وذلك على كلام م اسامة مبروك وعلى العموم موضوع استهلاك البنزين ده يختلف من شخص لاخر حسب طريقة قيادته للسيارة وتقل رجلية على دواسة البنزين وكمان درجة الحرارة والطرق والمرور حاجات كتير فممكن يكون 190 ك فى طرق زحمة و تكيف على طول ساعتها ممكن يكون كويس وبعدين يا جماعة مننساش ان البنزين فى مصر حتى 92 به نسبة شوائب برده و النهاية وعموما انا رايح عنده بعد العيد انشاء الله اللى يحب نروح مع بعض اهلا وسهلا وياريت .