كل شى عن byd f3

[ahmedalqat]

يا جماعة ده كل حاجه عن byd f3 الصينى أولا العربية دى مش وحشة وفيها امكانيات كتير أوى كمان كلنا شوفنا اختبار التصادم الاوربى الناجح جدا كمان بالاضافة لكدا العربية بتعمل أحسن ثبات على الطريق بسبب تقل العربية من الامام كمان أنا بمشى على سرعة 200 و220 والعربية حتى مبتعمش كمان الصالون واسع جدا جدا كمان العربية فيها موتور لانسر 1600 عربيتى عملة 20000ك الحمد لله مفيش مشاكل عيب العربية الوحيد انها صعبة شوية فى المطبات بس طبعا اللى سايق مبيخدش باله من ده لاستفسار أكتر
ِahmed_alqat@yahoo.com

[eng / AhmeD]

صعبة شوية فى المطبات

تقصد بتحك في المطباط يعني؟

و هو حضرتك شاريها بكام؟و من قد ايه كده؟
و ربنا يباركلك فيها

[ahmedalqat]

قصدى أن هى مش نعمة فى المطبات الشركة الصينية مزوداها بدعمات كتير من الامام سعر السيارة 69 الف انا جبتها فى شهر 8 -2006

[tutankhamoun]

السلام عليكم
الأستاذ أحمد ......
أنت سألت في استطلاع للرأي
أيه رأيك في الموضوع ؟؟
هو فين الموضوع ؟؟؟؟؟؟؟؟؟؟؟؟؟؟؟
حضرتك قلت كلمتين مختصرين جدا عن العربية و هو ما لا يتناسب مع عنوان الموضوع " كل شئ عن byd f3 "

و معلش كلام فيه حاجات غلط
أنت بتقول إن العربية متزنة علشان تقيلة من الأمام !!!!

فنيا الكلام ده غلط
لأن لو السيارة تقيلة من أدام على حساب الخلف ..... ده مايخليهاش متزنة خالص لأن أساسا الأمام بيكون أتقل علشان الموتور و أجهزة الجر الأمامي
و المفروض في العربيات المتزنة على الطريق إن يكون توزيع الوزن بالتساوي تقريبا ( الخلف و الأمام )


بس معلش سؤال

حضرتك بتجيب سرعة 220 دي فين ؟؟؟؟؟؟؟؟؟؟

و أنت مش خايف على نفسك .........
نصيحة يا أخي في الله

السرعة قاتلة ........ السرعة قاتلة ........... السرعة قاتلة
يجب أن نتعظ مما نراه يوميا على الطرق المصرية من تسيب و إهمال و سرعة عالية نقتل بها أنفسنا

و جزاك الله خير و بارك لك في سيارتك

[ahmedalqat]

أستاذى العزيز tutankhamoun أنا يمكن أكون متفق معاك فى الموضوع الاول وانا بشكرك على هذه الملاحظة الجيدة بالنسبة لموضوع الاتزان عاوز من حضرتك تفسير علمى أن العربية مبتعمش على سرعة 200 او220 وليه كورولا ولانسر ونوبيرا وغيرها بتعوم من بعد 180 أنا سالت ناس عندهم نفس السيارات دى واتاكدت بنفسى . العربيةbyd وزنها على ما افتكر اكتر من 1.5 طن يعنى اتقل من كورولا بالنسبة للسرعة 220على طريق الغردقة ومفيش حد اسمة مش خايف على نفسة بس حضرتك لازم تفرق بين الطر ق المفتوحة والطرق المزدحمة

[tutankhamoun]

أخي العزيز .........
السرعة فوق 120 قاتلة و إلا ما كان الحكومات المختلفة حول العالم وضعوا حدود دنيا للسرعات

تخيل واحد ماشي على سرعة 150 مش 200 كمان
و فردة كاوتش فرقعت ......... أيه اللي ممكن يحصل ؟؟؟؟
طبعا انقلاب السيارة لحظيا .......... و تقريبا و بنسبة كبيرة وفاة من بداخلها
فتخيل بقى لو السرعة 200 !!!!!!!!!!!!!!

بالنسبة للثبات ........ أنا لم أشكك في ثبات سيارتك لأني لم اجربها
و لكن أنا صححت معلومة فقط
إن مفيش عربية تقصيلة من قدام كتير عن ورا و تبقى ثابتة و متزنة على الطريق
لو عربيتك فعلا بالوزن ده ........ تبقى تقيلة ..... بس ده برضه وزن زيادة و بيؤثر على استهلاك السيارة للبنزين
على العموم أنا لست هنا لُأقيم سيارتك و لكن أنا بقول معلومات فنية أعرفها مش أكتر

و ربنا يباركلك
و خلي بالك يا أخي الكريم
مفيش حاجة أسمها سرعة آمنة على طريق مفتوح
السرعة غير آمنة على أي طريق

و بعدين دي بتقصف عمر المحرك و بتضاعف استهلاك البنزين و بتقلل عمر الكاوتش و الأجزاء الميكانيكية الأخرى و بتقلل عمر الزيت
يعني مصاريف بالجملة بالإضافة لعدم وجود آمان و تقليل عمر سيارتك

و ربنا يباركلك
السلام عليكم و رحمة الله و بركاته

[ahmedalqat]

أشكرك يا اخى العزيز على هذا الاهتمام ى

[ahmedalqat]

يا جماعة فى حد كان بعتلى رساله بس للاسف مفتحتش

[muslem]

أنا بمشى على سرعة 200 و220

معلش ازاى حضرتك بتمشي بالسرعة دى و اصلا العداد مقفول على 180 كيلو متر فقط
و كمان فى واحد صحبي جرب اخر العداد و البرشور كمان كاتب كده
و هم مقفلين العداد علشان الامان كمان
ووزن العربية 1200 كيلوجرام فقط
و هى باختصار عبارة عن تويوتا كرولار بفوانيس مختلفة و متور ميتسوبيشي

[Ramy.Gamal]

محركها انتاج مصنع متسوبيشى الصين مش اليابان يعنى مختلفه تماما عن محرك اللانسر .والا كان الناس سابت اللانسر وجابت f3 عموما صديق ليا كان فى الصين وتأكد تماما من معلومه المحركات المتسوبيشى الصينيه

[muslem]

محركها انتاج مصنع متسوبيشى الصين مش اليابان يعنى مختلفه تماما عن محرك اللانسر .والا كان الناس سابت اللانسر وجابت f3 عموما صديق ليا كان فى الصين وتأكد تماما من معلومه المحركات المتسوبيشى الصينيه

يعني نفهم من حضرتك ان الصين بتنتج لميتسوبيشي مواتير؟؟!!!
على العموم التأمين و الصيانة كتبوا قطع غيار المحرك من ميتسوبيشي و لم يذكروا قطع غيار صيني خالص!!!!

[Ramy.Gamal]

متسوبيشى ليها مصانع فى اماكن كتيرة فى العالم ومصنع متسوبيشو الصين بيعمل عربيات زى اللانسر الصينى اللى بتنزل عندنا باسم ليونسيل انما الليونسيل هناك فى الصين نفس شكل اللى عندنا هنا بس بعلامه متسوبيشى واسم لانسر بس هى صناعه بالكامل فى الصين واليابان ملهاش علاقه بيها .يعنى فى الاخر ان محرك f3 هو محرك الليونسيل.يا ريت اكون قدرت اوصل المعلومه

[muslem]

يا ريت حضرتك تحط الجملة دى على جوجول و تعرفنا النتيجة ايه؟؟

Mitsubishi 4G18 Engine

ده اللى فى الاف ثرى
او حتى ضع الجملة من غير كلمة ميتسوبيشي

انا حترك لحضرتك بقي اللى حيطلع لك من جوجل و بالاجماع على ماهية المتور لم ارى ليونسيل دي خالص!!!!!
بل الكلام كله انه محرك اللانسر
و الا قل لى كيف يتم التفرقة بين الصينى كما تقول و اليابانى !!
هذا اذا كان صيني!
لان اذا لم يكن الكود مختلف كيف تثق ان السيارة اللانسر متورها ياباني و ليس صيني؟!!
و اذا حضرتك قلت ان اليابان لا تغش فقولك مردود عليه حيث انها اذا كانت لا تغش اذن كيف تترك الصيني تغش بدون رفع عليها قضية او فضحها عالميا بانها تغش؟!!!
انا اقصد طبعا بخصوص الكود الموجود على المتور الذى هو هو كود متور الميتسوبيشي لانسر
خصوصا ان الاف ثري موجودة فى اسيا و معمول لها تست كراش روسي ايضا

[sv065]

يااااااه سرعة عالية جدا جدا ومبالغ فيها ...
أعتقد العداد عندك فيه خطأ ومحتاج تغيير أو ظبط

لأن المصنع كاتب أقصي سرعة هي 185 ودي كمان أعتقد علي حد علمي بإفتراض إن عوامل المقاومة المحيطة =0