الألوان و خبرة الشراء

[drwaelhassan]

السلام عليكم جمعيا
لقد قررت قرارا و أريدكم جمعيا أن تساعدونى عليه ، لقد قررت أن أشنرى الجميلة بى واى دى أوتوماتيك إن شاء الله بعد تفكير عميق و صلاة إستخارة أكتر من مرة .

المهم دلوقتى أنا فى طور إختيار اللون - فياريت لو فى صور أو معلومات لكل الألوان المتاحة يبقى 100 100
الحاجة التانية : عايز خبرة شوية فى تفاصيل الشراء و الإستلام.
الحاجة التالتة : فى ناس بتقولى إستنى معرض الاهرام الجاى بيبقى فى تخفيضات الكلام ده صح ولا ايه؟؟

و بجد شكرا ليكم يا أحلى منتدى

يرجى العلم ان اللون الاحمر مخصص فقط للمداخلات الادارية

مشرف 3ب
5/1/2012
4.53am

[eng_amahaay]

اعتقد الموضوع ده كويس عشان استلام العربية:
http://www............com/vb/showthread.php?t=42768

اما الالوان فأنا اعرف ان فيه دلوقتي اربع الوان فقط: الاحمر و الفضي و الاسود والازرق. و الختيار اذواق. انا عن نفسي شايف الفضي فيها حلو.

اما بالنسبة لموضوع المعرض انا اعرف اني بيبقى فيه تخفيضات بس ممكن تجيب العربية بنفس السعر بتاع التوكيل في وقت المعرض دلوقتي من الموزعين المعتمدين.
على سبيل المثال العربية الفول الاتوماتيك في التوكيل ب 82000جم بس فيه موزع معتمد انا سألته قالي 81000جم اول كلمة. تقريبا نفس التخفيض اللي ممكن تأخده من المعرض.

[drwaelhassan]

شكرا جدا على رد حضرتك المفيد . و يا ترى مين الموزع المعتمد اللى انت سألته؟؟؟
يا ريت تبعتلى اللينك تانى عشان غالبا مش شغال
و شكرا جزيلا

[midomido88]

عربيتى لونها نبيتى
متستناش المعرض هى هى

[drwaelhassan]

هو فى لون أحمر ولا نبيتى بس؟؟؟؟

[drpeter]

لدى بى واى دى سوداء واللون شييك جدا وصدقنى البى واى دى في كل الالوان متألقة جدا يعيب اللون الاسود ان الغبار بيبان عليه يعنى محتاجة تنظيف باستمررار مش عاررف بقية الالوان ايه
لكن اللون فخم جدا جدا جدا

[drwaelhassan]

لدى بى واى دى سوداء واللون شييك جدا وصدقنى البى واى دى في كل الالوان متألقة جدا يعيب اللون الاسود ان الغبار بيبان عليه يعنى محتاجة تنظيف باستمررار مش عاررف بقية الالوان ايه
لكن اللون فخم جدا جدا جدا

ربنا يباركلك فيها يا أستاذ بيتر و يكفيك شرها و شكرا جزيلا على رد حضرتك ، يا ريت حضرتك تقولى على خبرتك فى الشراء إشترتيها منين و إستلمت بعد كام يوم و الترخيص كلفك كام ؟؟؟؟؟

[drpeter]

استاذى الفاضل
شكرا لحضرتك
انا اشتريتها من المعرض الامل ذات نفسه اللى في مصر الجديدة
السيارة تقسيط
اجراءات البنك انتهت في خلال 48 ساعات
مباشرة بعدها في نفس اليوم اجارؤءات البنك خلصت الصبح في نفس اليوم روحنا مضينا عقد السيارة
وتانى يوم رخصانها بس احنا مستلمناش بصراحة العربية في نفس اليوم العقد علشان حظر البيع يعنى استلمناها بعد ما الراجل جابها لينا لحد البيت وروحنا الترخيص سوا وعمل حظر بيع ووعملنا الترخيص
الترخيص انا مش فاكر بالضبط بس في مية وشوية للطفاية ومية وشوية للتامين الاجباى داغير ترخيص سنة واحدة بمتين وشوية
يعنى خد معاك فلوس زيادة والموضوع بسيط ومش مكلف وكانك بترخص عربية عادية

[ashams1977]

سؤال فني ... لدي اف 3 وياريت اعرف اية قطع الغيار بتاعت الانسر الي بتركب عليها لاني سالت سوق تاكسي قالي ان حاجات اللانسر لا تركب عليها

[drwaelhassan]

استاذى الفاضل
شكرا لحضرتك
انا اشتريتها من المعرض الامل ذات نفسه اللى في مصر الجديدة
السيارة تقسيط
اجراءات البنك انتهت في خلال 48 ساعات
مباشرة بعدها في نفس اليوم اجارؤءات البنك خلصت الصبح في نفس اليوم روحنا مضينا عقد السيارة
وتانى يوم رخصانها بس احنا مستلمناش بصراحة العربية في نفس اليوم العقد علشان حظر البيع يعنى استلمناها بعد ما الراجل جابها لينا لحد البيت وروحنا الترخيص سوا وعمل حظر بيع ووعملنا الترخيص
الترخيص انا مش فاكر بالضبط بس في مية وشوية للطفاية ومية وشوية للتامين الاجباى داغير ترخيص سنة واحدة بمتين وشوية
يعنى خد معاك فلوس زيادة والموضوع بسيط ومش مكلف وكانك بترخص عربية عادية

شكرا جزيلا دكتور بيتر على المعلومات القيمة

[drwaelhassan]

سؤال فني ... لدي اف 3 وياريت اعرف اية قطع الغيار بتاعت الانسر الي بتركب عليها لاني سالت سوق تاكسي قالي ان حاجات اللانسر لا تركب عليها

بص أنا جديد فى الصنف - بس من كتر قرأتى فى المنتدى الجامد ده - أقدر اقلك إن قطع غيار التويوتا كورولا هى اللى بتركب على العربية والله أعلم - بس أنصحك تستنى رد المتخصصين و على رأسهم طبعا دكتور المناهرى

[elpasha1]

فيها كمان لون فيرانى
بالنسبة للعفشة تفس قطع غيار التويوتا
اما بالنسبة للموتور انا سمعت انها موتور جالنت وليس لانسر والله اعلم

[ashams1977]

فيها كمان لون فيرانى
بالنسبة للعفشة تفس قطع غيار التويوتا
اما بالنسبة للموتور انا سمعت انها موتور جالنت وليس لانسر والله اعلم

شكرا جزيلا للمجهود 000
منتظر رد واحد مجرب او متأكد من زملائنا الاعزاء

[abdalah_hashem]

الاحمر النحاسى بيبقى على العربية دية جميييييييييييييييييييييييييل جدا وفى الاخر ازواق :)

[bassem.naguib]

اما بالنسبة للموتور انا سمعت انها موتور جالنت وليس لانسر والله اعلم

لا يا باشا لانسر .. وكود الموتور هو اللي موجود في اللانسر بومة 4g18