صرفت نظر عن شراء ال byd

[S.Hasan]

كنت ناوي اشتري عربية byd بس شكلي كده هصرف نظر بعد ما قريت المهازل اللي بتحصل في التوكيل واللي شاري عربية زيرو ولسه معملش بيها 10 كم ولقي فيها 8 مشاكل تقريبا انا بصراحة مش متخيل اني اشتري عربية زيرو والاقي فيها العيوب والمشاكل ده كلها وفي الاخر لو روحت التوكيل يحلولي 50 % من المشاكل وبالخناق .

مع اني معجب جدا بالعربية دي جداااااااااا بس للاسف فيها مشاكل كتيرة وياريت لو انا فاهم غلط او بقول حاجات مش مظبوطة حد يصححلي معلوماتي

[smsm_hamada]

اكيد يا باشا اى عربيه فيها عيوب تصنيع بس المصريين لازم يتعلمو فينا كويس يمكن فى يوم من الايام نصنع احنا عربيات ونصدرها ماهو التعليم مش ببلاش

[walidzakzok]

عربية صيني تقفيل مصري...انت عارف لو تقفيل صيني لكن دي تقفيل مصري

[memos]

اخى العزيز كل عام وانت بخير احب اعرف حضرتك ان مفيش عربيه بتتصنع في مصر وبيتعمل عليها كوالتى كنترول من الالف للياء ولذلك هما بيدولك فتره الالف كيلو للصيانه عشان لو فيه مشكله تظهر وهما يحلوها وبعدين المشاكل بتختلف من شخص للتانى فيه واحد يسمع الماتور يفتكره عالى والتاني يعتبره صوته عادي درجه حساسيه الاشياء بتختلف من شخص للتاني العربيه شيفوليه كروز اول ما نزلت انا قريت مشكله ليها تودي في داهيه انك وانت ماشي العربيه بتطفي وكأنك قفلتها بالمفتاح وتوقف يعني وارد الي وراك هيلبس فيك وسمعتها من اكتر من شخص ومحدش بطل يشتريها عشان كده راجع نفسك وفكر ان كان فيه عربيه فيها مشكله ففيه الاف غيرها ماشين زي الفل وشكرا

[lonedoctor]

السيارة بى واى دى من افضل السيارات فى السوق المصرى واقلها من جهة العيوب وموش معنى انه فى بعض ملاك السيارة حصل معاهم بعض المشاكل فيه الاف غيرها زى الفل ومافيهاش مشكلة وده امر طبيعى بيحصل فى كل الماركات سواء الغالى او الرخيص
تقبل تحياتى

[S.Hasan]

اخى العزيز كل عام وانت بخير احب اعرف حضرتك ان مفيش عربيه بتتصنع في مصر وبيتعمل عليها كوالتى كنترول من الالف للياء ولذلك هما بيدولك فتره الالف كيلو للصيانه عشان لو فيه مشكله تظهر وهما يحلوها وبعدين المشاكل بتختلف من شخص للتانى فيه واحد يسمع الماتور يفتكره عالى والتاني يعتبره صوته عادي درجه حساسيه الاشياء بتختلف من شخص للتاني العربيه شيفوليه كروز اول ما نزلت انا قريت مشكله ليها تودي في داهيه انك وانت ماشي العربيه بتطفي وكأنك قفلتها بالمفتاح وتوقف يعني وارد الي وراك هيلبس فيك وسمعتها من اكتر من شخص ومحدش بطل يشتريها عشان كده راجع نفسك وفكر ان كان فيه عربيه فيها مشكله ففيه الاف غيرها ماشين زي الفل وشكرا

كلام منطقي والله عالعموم انا بستخير وربنا يقدم اللي فيه خير ان شاء الله

[islamelesswi]

واضح جدا أن حضرتك مخدتش فكرة كافية عن السيارة وحضرتك مبصتش كويس على كافة الموضوعات المكتوبة عن السيارة وأكتفيت بموضوع حدث مع أحد الأشخاص ومتزعلش منى دى رؤية سطحية السيارة ممتازة بس تأكد أن مفيش ماركة عربيات عالمية مفيهاش مشاكل فى الصناعة وأنا أسف أذا كنت قلت حاجة زعلتك منى بس يمكن أن بحب النظرة العملية الشاملة عند تحليل أى موضوع ولعلم حضرتك العربية معايا منذ شهر 9/2008 والحمد لله بالمقارنة بنظائرها أنا راضى تماما عن السيارة ويوم أختيارى لها لم يكن أحد من معارفى وأصدقائى يملكها وكان معرفتى بها أننى رأيتها فى الشارع مرة وذهبت للنت فقرأت عنها جيدا وكذلك فى هذا الموقع المحترم ثم ذهبت لمرض الشركة لمعاينتها على الطبيعة وللأمانة أسوء ما فى السيارة هو الشركة كدعاية وتسويق ولكن الصيانة عندك مركز صيانة الأسكندرية ناس زى الفل

[egyptiandiver]

الصينين شعب محترم و يا ريت نكون و لو أي حاجة في الناس دي ... لكن التصنيع ده له أسرار و مش بين يوم و ليلة byd هتكون مساوية بظبط للانسر مثلاً. ربنا يعمل لحضرتك الصالح ...

[ehabpopo]

انت الخسران لو ما شتريتهاش ... هى الافضل فى سعرها ... وربنا يوفقك ...

[S.Hasan]

واضح جدا أن حضرتك مخدتش فكرة كافية عن السيارة وحضرتك مبصتش كويس على كافة الموضوعات المكتوبة عن السيارة وأكتفيت بموضوع حدث مع أحد الأشخاص ومتزعلش منى دى رؤية سطحية السيارة ممتازة بس تأكد أن مفيش ماركة عربيات عالمية مفيهاش مشاكل فى الصناعة وأنا أسف أذا كنت قلت حاجة زعلتك منى بس يمكن أن بحب النظرة العملية الشاملة عند تحليل أى موضوع ولعلم حضرتك العربية معايا منذ شهر 9/2008 والحمد لله بالمقارنة بنظائرها أنا راضى تماما عن السيارة ويوم أختيارى لها لم يكن أحد من معارفى وأصدقائى يملكها وكان معرفتى بها أننى رأيتها فى الشارع مرة وذهبت للنت فقرأت عنها جيدا وكذلك فى هذا الموقع المحترم ثم ذهبت لمرض الشركة لمعاينتها على الطبيعة وللأمانة أسوء ما فى السيارة هو الشركة كدعاية وتسويق ولكن الصيانة عندك مركز صيانة الأسكندرية ناس زى الفل

علي فكرة مزعلتش خالص من كلامك بالعكس حضرتك اانسان محترم واسلوبك محترم وفي الاخر كلنا بننصح بعض بما يرضي الله وانا لو مكنتش عاوز نصيحتك مكنتش دخلت سالت المنتدي المحترم ده .
وزي ما حضرتك قولت انا يمكن مقريتش عنها كتير وده اللي بعملها دلوفتي وربنا يهديني للي فيه خير لي .

[S.Hasan]

انت الخسران لو ما شتريتهاش ... هى الافضل فى سعرها ... وربنا يوفقك ...

شكرا وجزاك الل خيرا

[mo3tazanas]

اوعى تشتريها

[S.Hasan]

اوعى تشتريها

ايه اسباب حضرتك ؟؟

[hemaf16]

اوعى تشتريها

معرفناش ايه اسباب حضرتك ؟

[drpeter]

ياريت ياجماعة اللى ينتقد ينتقد بموضوعية
لان دى امانة
وكل واحد ليه وجهة نظر

يعنى اللى يقول حلوة يقول حلوة لييه واللى يقول وحشة يقول وحشة لييه
وياريت صاحب الموضوع انه يفصص اقسام السيارات اللى بيفكر فيها ومنها بتقدر تشوف مشاكل كل واحدة وميمزاتاها وانت اللى بتحدد علشان يبقى شراءك للسيارة عن اقتناع تام ورضا