السيارة BYD مواصفات + صور + سعر

[ابوشريف]

السلام عليكم

دى اول مشاركه لي فى هذا المنتدى الاكثر من رائع وانا سعيد جدا بانضمامى ليكم

وبالنسبه للعربيه ال f3 انا معاكم انها تشكيله من التويوتا مع اللانسر مع شنطة السيتى ذات السعه الكبيره

اعتقد هم اختاروا احسن ميزه فى كل موديل وجمعوهم فى ال f3 حتى تنال رضا الكثيرين

فمن يبحث عن ارتفاع اسياره عن الارض والمتمثله فى شاسيه وعفشة الكرولا يجده فيها

وايضا من يبحث عن سياره ذات شنطه كبيره فى السعه يجدها فى ال f3

هذا بالاضافه لمحرك ميتسوبيشى 1600 يابانى الصنع

كل هذا بسعر معقول

لايهم التقليد اعتقد هم بكده بيبدأو من حيث انتهى الآخرون

لا يبقى لنا الا تجربة هذه السياره عمليا ياريت لو حد يمتلك هذه السياره من فتره يتكرم ويحكى لنا عنها

حيث اننى انوى شراؤها فهى فى حدود امكانياتى مع ميزات لن احصل عليها فى نفس المستوى حتى من المستعمل فى اى موديل

[hic]

يا جماعة لا تنخدعوا بالمظاهر فما اسهل من تصنيع شكل غاية فى الفخامة لكن الداخل مصنع من اسواء المواد فى اكتر من واحد صاحبى لسة شارى اسبرينزا و فى اول مشوار كابل السرعة اتحرق يا جماعة ابعدوا عن الصينى ده رأيى و الله اعلم

[eng_elnaggar]

يا جماعة لا تنخدعوا بالمظاهر فما اسهل من تصنيع شكل غاية فى الفخامة لكن الداخل مصنع من اسواء المواد فى اكتر من واحد صاحبى لسة شارى اسبرينزا و فى اول مشوار كابل السرعة اتحرق يا جماعة ابعدوا عن الصينى ده رأيى و الله اعلم

+1

[m_elkhishin]

يا جماعة أنا حقول رد مش حيعجب ناس كتير خصوصا اللي بيدافعوا عن حقوق الملكية الفكرية.. اللي من رأيي متنفعش تطبق الا في البلاد اللي شعبها شبعان ومكفي احتياجاته وعنده فائض.
أنا أتمنى ان العربية دي تكون متقلدة بالظبط بنفس المقاسات والأبعاد ليه؟؟؟؟؟؟؟؟؟؟؟
بعد كام سنة كدة لما التوكيل يفلس ومتلاقيش قطع غيار بتبقى أكبر مشكلة في قطع غيار السيارة الأجزاء الخارجية و خصوصا الرفايع مهما صغرت وأهم الأجزاء الفوانيس والشبكة والرفارف والأبواب وووووووو.....

فلو السيارة متقلدة بالظبط مش مجرد ايحاء الشكل العام فقط بس بأبعاد مختلفة حتقدر تحط القطع النادرة دي من الماركة الأصلية المشهورة
مثلا لو الفانوس اللي ورا اتكسر وملقيتهوش ممكن تركب بتاع الهوندا سيتي اللي حيبقى موجود استيراد بعد كام سنة وكذلك الحال ف باقى الأجزاء

لكن لو الأجزاء مينفعش تبادلها بين المنتج الأصلي والمتقلد يبقى المتقلد ملوش ريحة اللازمة وبعد 5 -6-10 سنين (بافتراض انها حتعيشهم) حتبقى ماشي بالعربية جنب الحيط خايف حد يلمسها ولا فانوس يتكسر عشان حتبقى مصيبة كبرى حتدخلك في حيص و بيص وتلففك حوالين نفسك

[A. Ibrahim]

المشكلة في التوكيل سسسسسسسيئ للابد

لايوجد صيانة اصلا
لا يوجد فنين
لا يوجد قطع غيار
لا يوجد نظام
لا يوجد توكيل
لا يوجد .........
لا يوجد..........
لا يوجد........
لا يوجد ........ وبل ضمير و دم

[TAG_Turbo0]

مأدش أقول لك غير شكرا على المجهود والموضوع ده
لكن راى فى السياره يتلخص فى حرفين ي ع

[eng_mkhalaf]

يا جماعة أنا حقول رد مش حيعجب ناس كتير خصوصا اللي بيدافعوا عن حقوق الملكية الفكرية.. اللي من رأيي متنفعش تطبق الا في البلاد اللي شعبها شبعان ومكفي احتياجاته وعنده فائض.
أنا أتمنى ان العربية دي تكون متقلدة بالظبط بنفس المقاسات والأبعاد ليه؟؟؟؟؟؟؟؟؟؟؟
بعد كام سنة كدة لما التوكيل يفلس ومتلاقيش قطع غيار بتبقى أكبر مشكلة في قطع غيار السيارة الأجزاء الخارجية و خصوصا الرفايع مهما صغرت وأهم الأجزاء الفوانيس والشبكة والرفارف والأبواب وووووووو.....

فلو السيارة متقلدة بالظبط مش مجرد ايحاء الشكل العام فقط بس بأبعاد مختلفة حتقدر تحط القطع النادرة دي من الماركة الأصلية المشهورة
مثلا لو الفانوس اللي ورا اتكسر وملقيتهوش ممكن تركب بتاع الهوندا سيتي اللي حيبقى موجود استيراد بعد كام سنة وكذلك الحال ف باقى الأجزاء

لكن لو الأجزاء مينفعش تبادلها بين المنتج الأصلي والمتقلد يبقى المتقلد ملوش ريحة اللازمة وبعد 5 -6-10 سنين (بافتراض انها حتعيشهم) حتبقى ماشي بالعربية جنب الحيط خايف حد يلمسها ولا فانوس يتكسر عشان حتبقى مصيبة كبرى حتدخلك في حيص و بيص وتلففك حوالين نفسك

أنا معاك فى دية - وهو دة سبب النجاج النسبى ل A11 و BYD F3

[aminkhalil]

يا جماعه السيارة دي جيدة بشكل عام، طبعا هي مش بنفس جودة السيارات اليابانية ولكنها مناسبه نوعا ما بالنسبة للسعر، وإن كنت أرى إن جميع أسعار السيارات في مصر غير معقولة بالمرة، والسيارة دي موجودة عند جار لى وهو مبسوط بيها لحد دلوقت، والمشكلة الكبيرة اللي أنا شايفها بالنسبة لجودة السيارات الجديدة إن جميع الموديلات حتى اليابانية والألمانية يتنزل سيارات غير جيدة واللي بيسافر حتى لو إلى الخليج أو حتى شمال أفريقيا يمكن يلاحظ نفس الكلام ده

[botros]

'طيب ايه اخبار الصغيره ؟ F1 ؟؟

انا بشوفها قليل . حتى مفيش منها معروض ؟؟

اللى يعرف يا ريت يقول سعرها و موجوده فين ؟ و موتورها ميتسوبيشى برضه ؟ و الا لا ؟

[muslem]

هنا على هذا الرابط موضوع عملته لتجميع اراء من يملك السيارة لF3 لمن يرغب فى معرفتها عن طريق من يملكها و استاذن صاحب الموضوع هنا ان اقتبس من موضوعه فى الموضوع الذى سوف اضع لكم رابطه حتى يكون اشمل لان الموضوع هنا فيها صور كثيرة عنها و جزاكم الله خيرا الرابط:
http://www.nilemotors.net/Nile/showthread.php?p=234028&posted=1#post234028

[sv065]

صور جديدة جميلة
ولكن ياتري الوكيل مش ناوي ينزل تكييف تتش زي اللي في الصور؟
مع إني من أشد المؤيدين للتكييف البكر...