انا هقدم شكوى في حماية المستهلك ضد شركة الامل ....حد معايا ؟؟؟

[darsh_]

انا خلاص فاض بي الكيل من شركة الامل و قررت اعمل شكوى محترمة في في الشركة و في مركز القطامية

فاكرين الموضوع ده انا كنت كتبته من فترة كبيرة من شهر 7 الي فات بخصوص عطل حصل في العربية ؟؟ و ده رابط الموضوع

http://www.nilemotors.net/Nile/230624-byd-f3.html

المشكلة في جهاز الحماية من السرقة و معاه جهاز الانذار و الريموت و المفروض انه يتغير

من 3/7/2011 لغاية 16/1/2012 الجهاز مش موجود في الشركة ...........و كل اتصال تأجيل اسبوع ...... لا الاسبوع الي بعده الي بعده و هكذا..........

كلمت المدعو محمد رمضان في التليفون مرة رد بكل استفزاز و انا اعملك ايه مش موجود لما ييجي هبقا نتصل بيك

العربية طول الوقت ده شغالة منغير انذار و حماية من السرقة و ربنا ساترها معانا لغاية دلوقتي و محصلش اي حاجة لانها مش بتخرج من الجراج الا للشغل ( العربية تاكسي ) و ترجع تاني.

و دي عربية اكل عيش و عليها اقساط مش ملاكي مثلا .......

المهم انا قررت اعمل شكوى محترمة ضد الشركة في جهاز حماية المستهلك عشان نشوف اخرتها معاهم ايه.........

لو في اي حد عنده مشاكل مع الشركة نتحد سوا و نقدم شكوى مجمعة هيكون تأثيرها اقوى ان شاء الله......و عشان الشركة تبطل تستخدم سياسة الاستهبال دي

اخوكم مصطفى محمود...

[markato]

.................................................. ..............................




لقد قمتم بمخالفة القاعدة رقم (12) من قواعد المنتدى لذا سيتم حذف المخالفة وتطبيق عقوبة المخالفة وهي (ايقاف اسبوع).

يرجى مراجعة قواعد المنتدى
م.ع.11

[محمد بدر]

حسبنا الله ونعم الوكيل فى كل انسان ظالم ويخرب بيت كل وكيل يضحك على الناس الى اصلا دفعت دم قلبها علشان تركب عربية خاصة فما بالك بعربية بتأكل عيش ربنا المنتقم ان شاء الله

[lonedoctor]

المستوى فى المنتدى انحدر الى القاع ماشاء الله
مع تفاعلى الكامل لصاحب الشكوى وعنده الحق كل الحق فى الشكوى لجهاز حماية المستهلك ان لم تحل شركة الامل مشكلته طبعا

[darsh_]

حسبنا الله ونعم الوكيل فى كل انسان ظالم ويخرب بيت كل وكيل يضحك على الناس الى اصلا دفعت دم قلبها علشان تركب عربية خاصة فما بالك بعربية بتأكل عيش ربنا المنتقم ان شاء الله

اصلا الشركة دي و الله العظيم خسارة فيها العربية دي و لو عندهم مخ يبقوا من اكبر التوكيلات و احسنها في مصر و معاهم ماركة محترمة و بتثبت نفسها كل يوم

انما بالطريقة دي الشركة بتخسر كل يوم عميل جديد و كفاية الناس الي كانت ناوية تشتري العربية و تراجعت بسبب سوء الوكيل رغم ان العربية نفسها ممتازة

و بعدين مشكلة تافهة شوية مش عارفين يحلوها امال لو في حاجة كبيرة في العربية هنعمل ايه ؟؟؟؟؟؟

[darsh_]

المستوى فى المنتدى انحدر الى القاع ماشاء الله
مع تفاعلى الكامل لصاحب الشكوى وعنده الحق كل الحق فى الشكوى لجهاز حماية المستهلك ان لم تحل شركة الامل مشكلته طبعا

لا المشكلة مش هتتحل الا بلوي الدراع و قلة الادب و مش بينفع معاهم غير الاسلوب ده للاسف

انا بس عاوز الناس الي عندها مشاكل مع الوكيل عشان نقدم شكوى مجمعة

[bassem.naguib]

ربنا يكون في عونك يا درش .. وأنا مقدر اللي أنت فيه .

[darsh_]

ربنا يكون في عونك يا درش .. وأنا مقدر اللي أنت فيه .

الف شكر يا استاذ باسم

بس انا مستغرب كان في مشاكل كتير مع المركز ايه كلها اتحلت خلاص؟؟؟ محدش هيشتكي معايا و لا ايه

[darsh_]

الحمد لله الانسة داليا مسئولة الحجز في مركز القطامية كلمتني دلوقتي و قالتلي تقدر تيجي تركب الجهاز بكرة ان شاء الله

و طبعا انا بشكرها شكر خاص جدا جدا و هي انسانة خدومة و محترمة و استحملتني اكتر من مرة لما بكون عصبي شوية في كلامي......

ان شاء الله الموقف ده يكون بداية تعامل جديد من الوكيل شركة الامل مع العملاء ..

و انا بعتزر ليها شخصيا ان كنت سببتلها اي مضايقة بسبب موضوع الشكوى ده و لكن طبعا كل واحد بيبقا عاوز حقه و نفسه ياخده باي طريقة و اتمنى انها تكون متفهمة موقفي ..

بشكر ziabassem جدا و بقوله معلش معرفتش ارد عليك عالخاص و بشكر برضه الدكتور lonedoctor على اهتمامه

و متابع معاكم الي هيحصل بكرة ان شاء الله

[bassem.naguib]

خير إن شاء الله .. ويا رب مشكلتك تتحل على أكمل وجه

[darsh_]

خلاص الحمد لله الجهاز ركب و عملنا صيانة ال 25 الف بالمرة و كله تمام و ان شاء الله تبقا صفحة جديدة مع مركز القطامية الي فعلا حصل في تطور جامد الفترة الي فاتت....

[bassem.naguib]

ألف مبروك على حل المشكلة .. بس يا ريت توضح لينا المركز اتطور ازاي

[fouaa]

الحمد لله مبروك حل المشكله

[darsh_]

ألف مبروك على حل المشكلة .. بس يا ريت توضح لينا المركز اتطور ازاي

و الله يا باسم باشا هو انا مرحتش المرة دي والدي هو الي راح و قالي انو بقا في تعامل احسن من كل مرة و سرعة في شغل يعني المركز في تحسن من كزا ناحية و يا رب يبقا في مستوى مركز الاسكندرية كدة و لو ان الواحد عازرهم بسبب الضغط الشديد لان البي واي دي انتشرت جدا جدا في الفترة الاخيرة

الحمد لله مبروك حل المشكله

الله يبارك فيك و شكرا

[Emad Habib]

[marq="3;right;3;scroll"]لكم جميعا خالص الشكر والتقدير[/marq]