صوت المحرك......!

[lonedoctor]

اخوانى الاعزاء فى المنتدى حياكم الله
اليوم كنت اتحدث الى زوجتى لانها هى التى تستخدم سيارتنا الجميلة بى واى دى فأخبرتنى انه اليوم لاحظت ارتفاع صوت السيارة بشكل غريب حتى على السرعات البسيطة يعنى تقريبا 70 او 80 ك/س لدرجة انه مرتفع حتى مع اغلاق الزجاج وغريب لم يكن موجودا من قبل فحقيقة نظرا لوجودى بالسعودية لا ادرى ما الحل فهل من الاخوة الاعزاء من قابل هذه المشكلة ووجد لها حل
وتقبلوا تحياتى

[bassem.naguib]

تخميني للموضوع ده هو أن العربية محتاجة محتاجة تتحط على الجهاز لظبط السوفت ويير نظراً لارتفاع عدد لفات الموتور rpm .

ويمكن ملاحظة ذلك عند تشغيل العربية وهي في وضع الثبات ومتابعة عدد لفات الموتور بعد ما العربية تسخن .

وفي أي حال من الأحوال يجب التوجه لمركز الصيانة لظبط السيارة .

[lonedoctor]

لالا السيارة فى وضع الثبات لا توجد بها مشكلة وعداد rpm فى الحدود الطبيعية لكن احتمال يكون الزيادة بتحصل مع القيادة فجزاك الله خيرا يا استاذ باسم على ردك الجميل وغالبا ساطلب منها تذهب للقطامية للكشف على السيارة
تقبل تحياتى

[sv065]

أستاذنا الفاضل د/شريف

السلام عليكم ورحمة الله وبركاته

تحية طيبة عطرة من مصر لحضرتك وأتمني من الله ان نلتقي بك علي خير بإذن الله تعالي في القريب

طالما أن عداد rpm ثابت علي وضع السلانسيه فأرجح أن يكون السبب في جوان فرن الشكمان وقد لاحظت أنني عندما قمت بتغييره تحسن واضح وملموس في صوت السيارة سواء وهي متوقفة أو متحركة علي سرعة وهو متوفر بالتوكيل أعتقد بسعر 30 جم وقد غيرته عدة مرات كلما إرتفع صوت السيارة وأعتقد السبب الرئيسي في تلفه هو الطرق السيئة للغاية والمطبات المفاجئة التي لا نشعر بها إلا بعد الوقوع فيها خاصة ليلا في بلدنا الجميلة التي أدعو الله أن يمن علينا بصلاح الأحوال والعباد فيها بإذنه تعالي

وإن يكن ذلك لا يقلل من أهمية ظبط محرك السيارة كل 10000 كم علي الكمبيوتر كما ذكر أخي الفاصل /باسم وعمل ريسيت لمسطرة الرشاشات وذلك له أثر واضح علي الإستهلاك فضلا عن الإنتظام في تغيير فلاتر البنزين والهواء والبوجيهات

خالص تحياتي لحضرتك

[nice_bird]

اسمع نصيحيتي وادعيلي
روح ميكانيكي فاهم واعمل الاتي
1- تنظيف فلتر الهوا او تعييروه بالاصلي حسب راي الميكانيكي
2- تنظيف البوابة والحساسات بالاسبراي
3- فصل البطارية 10 ثوان ثم تشغيل السيارة لمدة 10 دقائق (عالسلانسية)
هتلاقيها اتظبط ان شاء الله

[lonedoctor]

والله انا شاكر ليكم جميعا للردود الطيبة و الرغبة الصادقة فى المساعدة وبالفعل اليوم المدام طلبت من الميكانيكى اللى تحت العمارة يبص على السيارة فاخبرها انه فى مشكلة فى علبة الشكمان واظن انها مشكلة (catalyzer) او شئ من هذا القبيل --بالنسبة للصيانة ووضع الريست اظن انه تم عمله بالفعل عند صيانة 10 الاف كيلو اللى عملتها فى اسكندرية عند المهندس الرائع الكريم اسامة مبروك وقام بالواجب واكتر وفعلا فى الوقت ده انا لاحظت ارتفاع صوت المحرك اثناء السفر لاسكندرية وسالته على الموضوع ده فابلغنى بوجود مشكلة فى الشكمان بسبب موضوع المحفز ده والسؤال الان هل الضمان يشمل تغيير الشكمان او احد العلب وكذلك موضوع الجوان ؟
بالنسبة لموضوع فلتر الهواء انا قمت بتغيره بالفعل وفلتر البنزين كمان من فترة بسيطة
اتمنى من الاستاذ عماد حبيب الرد فى هذا الموضوع وحتى لو هاعمله على حسابى موش مشكلة بس يتعمل كويس
تقبلوا تحياتى

[lonedoctor]

اليوم الجماعة عندى فى مصر اخدوا السيارة لورشة شكمانات ووجد العلبة الوسط فيها 2 شرخ وكان الاقتراح اما التغيير او اللحام--المهم احنا اخترنا اللحام مؤقتا لغاية لما نغير العلبة بنوع جيد مستورد يكون فيه المحفز ومعمول بشكل جيد كاتم للصوت فاتمنى لو حد عنده فكرة عن الموضوع ده يعطينا خبرته
وتقبلوا تحياتى

[bassem.naguib]

رأيي الشخصي شيل علبة البيئة (اللي فيها المحفز) واستبدلها بماسورة عادية .. حتفرق معاك في السحب كتير .. ضررها الوحيد بس حيبقى على حساب زيادة انبعاثات المحرك من الشكمان .

[lonedoctor]

وماذا بخصوص صوت المحرك ؟بصراحة سحب العربية كدة زى الفل المشكلة انا موش باستحمل صوت الموتور العالى ابدا

[sv065]

بالفعل أنا لغيت محتوي العلبة الأولي بعد الفرن بعد معاناة في الموضوع ده وه لينك للموضوع القديم بتاعي باشرح فيه اللي حصل بالتفصيل

http://www.nilemotors.net/Nile/227856-a.html

[sv065]

وماذا بخصوص صوت المحرك ؟بصراحة سحب العربية كدة زى الفل المشكلة انا موش باستحمل صوت الموتور العالى ابدا

زي ما وضحت لحضرتك تغيير جوان الفرن حيفرق كتير في صوت العربية


ودي صورة ليه






تحياتي

[lonedoctor]

الله يبارك فيك على اهتمامك انا اقصد اذا ما تم الغاء علبة المحفز الن يؤدى ذلك الى ارتفاع صوت المحرك داخل كابينة القيادة والذى هو بالنسبة لى مرتفع اصلا الى حد ما ؟عموما بالنسبة للجوان ممكن اغيره فى صيانة ال 15000 ك وشكرا لاهتمامكم
تقبلوا تحياتى

[lonedoctor]

قرات المشاركة واستفدت منها جدا لكن السؤال الان هل قام الباشمهندس اسامة مبروك بالغاء علبة المحفز نهائيا ام قام بتنظيفها فقط ام قام بتغيير الشكمان حقيقة انا لم استطيع ان افهم ماذا حدث بالظبط فياريت لو حضرتك تشرح لنا مزيد من التفاصيل اكون من الشاكرين--- كذلك وجدت مشاركة من الاستاذ عماد حبيب باسعار الشكمان بالكامل المحلى 1080 جنيه والمستورد 1850 جنيه +10% ضريبة المبيعات فانا اعتقد انه لما هانزل اجازة غالبا هاغير الشكمان كله واركب المستورد احسن واعتقد ده ممكن يساعد على انخفاض صوت السيارة بشكل ملحوظ وخصوصا بعد 120 ك/س
يا جماعة انتم ما تعرفوش الكورولا بصراحة كنت مسافر المدينة من اسبوعين ماشاء الله تبارك الله طول الطريق 170 ك/س مافيش صوت اساسا بصراحة بتفرق كتير مع المسافات الطويلة الصوت العالى مزعج جدا جدا
تقبلوا تحياتى

[Emad Habib]

الدكتور الفاضل/ شريف
تحيه طيبه
لا داعى لتغيير كل الشكمان والمطلوب حسب ما قام به الفنى بلحام العلبه الوسطى فيمكن تغيير القطعه الوسطى فقط بالشكمان المصرى لاءن المستورد به مكان لحساس غير موجود بالسياره الانتاج المصرى والموضوع بسيط ولن يستغرق وقت ولا داعى للتكلفه دون داعى والله الموفق ان شاء الله

[lonedoctor]

شكرا لزوقك الكبير واهتمامك يا استاذ عماد والله موش عارفين من غيرك بس كنا هنعمل ايه
هى المدام راحت لورشة شكمانات امبارح جنب البيت لانها موش عارفة تمشى بالسيارة والسحب اصبح ضعيف جدا المهم هو وجد العلبة الوسطى مشروخة شرخين كبار فالمهم قام بعمل لحام مؤقت فظبطت بعد كدة الحمد لله وهابلغها النهاردة تتصل بالانسة داليا لاخذ موعد يكشفوا فيه على الشكمان وزى ما حضرتك قلت ممكن تتغير العلبة الوسط بس وكمان يشوفوا موضوع الجوان بتاع الفرن ده كمان
شكرا استاذ عماد لاهتمامك وتقبل تحياتى