صورة صادمة للكثيرين للسيارة byd g3

[darsh_]

الصورة دي انا الي صورتها جنب محطة مترو كوبري القبة و كانت بصراحة مفاجئة كبيرة جدا ليا

و كان نفسي اسأل السواق عليها و عن سبب اختياره ليها و انه ما اختارش ال f3 زي بقية اصحاب التاكسي....بس هو مكنش راكن لوحده كان معاه المدام و الاولاد فمعرفتش اكلمه..و برضه معرفتش اصورها من قدام لنفس السبب



طبعا الموضوع ده هيضايق جدا اصحاب السيارة و لكن اكيد اكيد هي عربية واحدة بس و لكن محدش عارف يمكن تنتشر في التاكسي ........

و لكن ده بيبين ثقة المصريين و خصوصا فئة ملاك التاكسي في BYD

منتظر تعليقاتكم..

[drpeter]

انا بحسب في مصيبة ولا حاجة ههههههه
الموضوع عادى اخى الحبيب وكل واحد حر في اختياراته وطالما انت محافظ على عربيتك وصيانتها خلاص ايه المشكلة والبى واى دى ابتت جدارتها

[dolly13]

انا شفتها قبل كدة على طريق الاسماعلية ملاكى

[darsh_]

لا انا ما اقصدش بس ده هيزعل ملاك ال g3

[abdelaziz-waleed]

هي بكام جديدة يا جماعة لو حبيت اشتريها ملاكي ال g3

[karemof]

السلام عليكم
أنا كنت عايز أقول ملاحظة أن في عربيات تاكسي لانسر بومة و تيوتا كورولا

[ehabpopo]

انا فعلا شفت بعنية الكورولا ... والاوبترا ... والافيو ... تاكسى ... وكمان كانو ابيض واسود ...

[MEKAWY2000]

لا الشكل احلى

[S.S.E]

لا انا ما اقصدش بس ده هيزعل ملاك ال g3

لأ بالعكس ده الصح لأنه بأنتشارها وبأزدياد الطلب عليها بالتالى قطع غيارها هتنتشر ، والعربيه مع أخويا لما أعرفه بالموضوع ده هيفرح

[darsh_]

لأ بالعكس ده الصح لأنه بأنتشارها وبأزدياد الطلب عليها بالتالى قطع غيارها هتنتشر ، والعربيه مع أخويا لما أعرفه بالموضوع ده هيفرح

نظرية برضه..!!

[MohammedAladel]

السلام عليكم
أنا كنت عايز أقول ملاحظة أن في عربيات تاكسي لانسر بومة و تيوتا كورولا

+1
أنا كمان شفت اللانسر بومة تاكسى والتويوتا ياريس

[memos]

انا مش شايف وجه استغراب في الاردن التكسيات مرسيدس

[bob12345]

العربية دي شوفتها قبل كده وعمري ما شفتها ملاكي

[ehabpopo]

انا مش شايف وجه استغراب في الاردن التكسيات مرسيدس

احنا بس اللى لسة فى مصر ما تعودناش على التكسيات المحترمة دى :b4_556:.... بس إن شاء الله ها نتعود يا بشمهندس ...
على فكرة بالمرة كدة واحنا مستغربين انا انهاردة شفت بعينية الاوبترا الهاتش باك الجديدة ... والهوندا سيتى الجديدة ... تاكسى ابيض