الى كل من قام بالتجربة

[bassem.naguib]

د. شريف .. مشكلة زيت شل في الوقت الحالي أنه بقى فيه مضروب كتير .. وكان بيتجمع الأول خارج مصر .. ودلوقتي بقى يعبأ في مصر .. فحاسس أنه في الفترة الأخيرة جودته قلت عن الأول

[lonedoctor]

بس معقولة يكون اللى بيتباع فى بنزينة شل نفسها مضروب ؟ممكن عند الناس بتوع الزيوت مثلا

[sv065]

طالما أصبح بيتجمع بمصر فلازم يدخله نسبة مكون محلي وده سبب إنه أقل جودة بكثير عن مثيله المستورد وده حال كل الزيوت لما بتتجمع هنا وسبقتها موبيل وان من زمن

[lonedoctor]

والله انا التجربة العملية اثبتت انه افضل زيت انا استعملته مع بى واى دى وكان رائع وصوت السيارة معاه كان هادئ جدا بالمقارنة لغيره من الزيوت ولما وصل العداد 3000 كيلو صوت السيارة اتغير بشكل ملحوظ علشان كدة انا نويت تغييره كل 3000 كيلو ونفس الكلام قاله لى الفنى فى بنزينة شل انه الزيت ده معاك لغاية 3000 كيلو فى الامان بعد كدة خلى بالك لو لاحظت تغيير فى الصوت او اللزوجة غيره

[bassem.naguib]

بس معقولة يكون اللى بيتباع فى بنزينة شل نفسها مضروب ؟ممكن عند الناس بتوع الزيوت مثلا

ما بنزينة شل دي مش تبع شركة شل العالمية .. وإنما هي ملك واحد واخد توكيل من شركة شل .. وطبعاً ممكن يلعب في المواضيع دي بدون أدنى رقابة .. بالإضافة طبعاً أن الزيت نفسه بقى يتعبى في مصر .

أنا بستعمل شل باستمرار .. وأخر غيارين زيت في العربية كان أدائهم مش مرضي بالنسبة ليا زي الأول .. وبقيت في حيرة أحط زيت أيه دلوقتي .

[lonedoctor]

ايه رايك يا استاذ باسم فى زيت امارات اعتقد مستورد -- بافكر اجرب واشوف اخباره ايه--يا ترى فيه حد جربه فى المنتدى قبل كده؟

[bassem.naguib]

مجربتوش قبل كدة .. ولا سمعت حد جربه .. بس نصيحة لو العربية كويسة مع زيت شل خليك معاه إلى أن يثبت العكس .

[lonedoctor]

على فكرة فى ناس جربت زيت ليكوى مولى اللى بيقولوا عليه شعر وللاسف لاحظوا ارتفاع صوت المحرك بشكل ملحوظ وموش واحد ولا اثنين اكثر من واحد والمفروض انه يعتبر افضل زيت فى السوق تقريبا ومصنع بالمانيا ولم يتوافق مع محرك سيارتنا الجميلة لانه يعتبر تصميم قديم نوعا ما بدليل قبوله لزيوت من جيل sgوطالع يبقى فعلا زيت شل هو احسن حاجة وانا مقتنع بيه جدا وان شاء الله اجرب شل 10000 كيلو اللى برضه ناس كتير بتوصى بيه لمسافة 6 - 7 الاف بس واظن هيكون افضل من الاصفر ونفس القيمة الاقتصادية من حيث السعر

[zahy]

السلام عليكم الان انا فى حيرة زيوت تخليقية ولا بترولية يا ريت من عنده الخبرة يعطينا الفرق بين الاثنين وعلى اى اثاث يتم اختيار نوعية الزيت وشكرا لاهتمام حضراتكم

[pilotf16]

الاخ 777 قال بردو كدة على ليكوى مولى وموزعين ليكوى مولى فى منتدى byd حاربوة بشدة بس انا عازرهم لانهم من الشركة ولابد انهم يحببوا الناس فى المنتج بتاعهم الاخ مناهرى قال فية اشعار فعلا يا استاذ لونى دكتور.......كان ناقص يقولهم حطوة على الفول

[lonedoctor]

ياعم 777 الله يخليك ارحمنا كل شوية تختفى وتظهر بعضوية جديدة علشان تشتم فى الشركة---ثانيا زيت ليكوى مولى تقريبا احسن زيت فى السوق المصرى ووارد المانيا بس موش ماشى مع سيارتنا ايه المشكلة يعنى؟

[adel418]

قمت بتغيير الزيت من ليكوى مولى الى شل حسب نصيحة الدكتور شريف وبالفعل احسست بفارق عظيم بين الزيتين - لكوى مولى بمجرد وضعة فى السيارة احسست ان صوت الموتور عالى - اما شل فوجدت العكس تماما ووجدت ان صوت الموتور اصبح اهدأ بشكل ملحوظ حتى على السرعات العالية - فنصيحة وعن تجربة زيت شل الأصفر هو الأفضل للسيارة

[pilotf16]

الى كل من يحب ليكوى مولى جرب هذا الزيت مع الجبنة القريش

[adel418]

الى كل من يحب ليكوى مولى جرب هذا الزيت مع الجبنة القريش

لا حول ولا قوة الا بالله العلى العظيم - اذا كان ما بداخلك جميلا ترى الوجود جميلا واذا كان ما بداخلك شرا ترى كل شىء شرا والعياذ بالله

[lonedoctor]

قمت بتغيير الزيت من ليكوى مولى الى شل حسب نصيحة الدكتور شريف وبالفعل احسست بفارق عظيم بين الزيتين - لكوى مولى بمجرد وضعة فى السيارة احسست ان صوت الموتور عالى - اما شل فوجدت العكس تماما ووجدت ان صوت الموتور اصبح اهدأ بشكل ملحوظ حتى على السرعات العالية - فنصيحة وعن تجربة زيت شل الأصفر هو الأفضل للسيارة

كدة تمام والتجربة خير برهان وجزاك الله خير يا استاذ عادل المهم لاحظ السيارة كويس بعد 3 الاف كيلو هتلاحظ خشونة وارتفاع صوت المحرك فكده غيره على طول وربنا يوفقنا للافضل دائما

الى كل من يحب ليكوى مولى جرب هذا الزيت مع الجبنة القريش

والله انت زى العسل والمنتدى من غيرك بصراحة دمه تقيل وممكن تجرب شل كمان ولا يهمك