byd وتجربتها فى المنصورة

[wael6]

السلام عليكم ورحمة الله

byd بدأت تنتشر فى المنصورة كتاكسي
اكثر منها كملاكى

وقريت من كام يوم اعلان عن معرض الغد موتورز
( بجوار مرور الدقهليه بالمنصورة )
لوجود السيارة ( مبيعات - صيانه - قطع غيار )
اتمنى من كل منصوراوى جرب هذه السيارة يقول تجربتها سواء اجره او ملاكى
لتعم الفائده

العربيه عجبانى كشكل وكماليات
لكن ما يقلقنى منها انها صيني وتقفيل مصري
وانتشارها القليل فى المنصورة

وسمعت بعض الاراء اللى بتقول ان وكيلها ضعيف
وكمان فراملها رديئه ؟؟

ارجو التوضيح العام من كل الاعضاء

والخاص من مالكيها من المنصورة من ناحية الصيانة وقطع الغيار
لانى بفكر فيها كتاكسي او الفيرنا

وشكرا جزيلا

[adel418]

السيارة بفضل الله من افضل السيارات الموجودة فى مصر - اما من ناحية الفرامل فهى ممتازة بفضل الله ولا يوجد احد فى المنتدى اشتكى منها اطلاقا بالعكس الفرامل abs - ebd اما من ناحية الوكيل فهو مثلة مثل باقى التوكيلات فى مصر وإن كان موكز صيانة الأسكندرية هو الأفضل على الأطلاق - اما بالنسبة لقطع غيار السيارة فهى متوفرة وبكثرة واسعارها رخيصة جدا

[pilotf16]

سيارة فاشلة وامى دعت عليا لما اشتريتها الظاهر فلوسى حرام

[wael6]

سيارة فاشلة وامى دعت عليا لما اشتريتها الظاهر فلوسى حرام

يا ساتر يارب
خير فى ايه بس
قولى تجربتك كده
وهون على نفسك ربنا يعوضك خير باذن الله

[pilotf16]

مفيش حاجة يا اخى الفاضل كل الموضوع ان شركة الامل لبسونى فى الحيطة بعد شرائى المخروبة bydبتاعتهم وكل لما اكلمهم على ونة الفتيس يقولك كل bydكدة من اول 2008وفيها الموضوع دة بس طبعا دول شوية حرامية كدابين لانى ركبت تاكسى وملاقتش ونة فية زى ماتقول بختك يابو بخيت المهم ميكانيكى عندهم قالى ريح نفسك مش ممكن الشركة حتغيرلك انت وغيرك فتيس تمنة 7000جنية يبقى هى شركة هطلة لما تعمل كدة لكل واحد يشتكى من الفتيس وفية اكتر من عضو اشتكى من الموضوع دة وراح للشركة وعملت ودن من طين وبعد كدة تقولى زعلان لية فوضت امرى لله فى حسن سليمان واولادة على هذا الموضوع انا زنب اهلى اية انى لسة العربية زيرو وفيها عيب زى دة وبعدين يجى واحد من عملاء ودخلاء التوكيل عماد حبيب وكل اللى علية هاتلى رقم الموتور والشاسية تهبب بية اية حتغيرلى العربية ولا حتغيرلى الفتيس ولا حتعمل حاجة لو كنت مفيد فى مكانك فى الشركة كنت عملت لغيرى ولكن اهو كلام فض مجالس وبعدين يقولك 777 بيشتم فى الشركة لية لازم اشتم علشان الناس يعرفوا الوكسة اللى انا فيها

تم وقفك نهائيا لمخالفه قاعده رقم 10 الخاصه بتعدد العضويات
مشرف عام 1

[wael6]

مفيش حاجة يا اخى الفاضل كل الموضوع ان شركة الامل لبسونى فى الحيطة بعد شرائى المخروبة bydبتاعتهم وكل لما اكلمهم على ونة الفتيس يقولك كل bydكدة من اول 2008وفيها الموضوع دة بس طبعا دول شوية حرامية كدابين لانى ركبت تاكسى وملاقتش ونة فية زى ماتقول بختك يابو بخيت المهم ميكانيكى عندهم قالى ريح نفسك مش ممكن الشركة حتغيرلك انت وغيرك فتيس تمنة 7000جنية يبقى هى شركة هطلة لما تعمل كدة لكل واحد يشتكى من الفتيس وفية اكتر من عضو اشتكى من الموضوع دة وراح للشركة وعملت ودن من طين وبعد كدة تقولى زعلان لية فوضت امرى لله فى حسن سليمان واولادة على هذا الموضوع انا زنب اهلى اية انى لسة العربية زيرو وفيها عيب زى دة وبعدين يجى واحد من عملاء ودخلاء التوكيل عماد حبيب وكل اللى علية هاتلى رقم الموتور والشاسية تهبب بية اية حتغيرلى العربية ولا حتغيرلى الفتيس ولا حتعمل حاجة لو كنت مفيد فى مكانك فى الشركة كنت عملت لغيرى ولكن اهو كلام فض مجالس وبعدين يقولك 777 بيشتم فى الشركة لية لازم اشتم علشان الناس يعرفوا الوكسة اللى انا فيها

ربنا يكون فى عونك ويعوض عليك كل خير يارب

بس اكيد فى حل وسط اخى الكريم

مثلا بلاش يغيروا ويحاولوا يصلحوه

او تبعيها على عيبها وتخسر مبلغ وعوضك على الله
بدل ما تفضل نفسيتك مخنوقه منها

او تروح لجهاز حماية المستهلك يمكن يجيبلوك حقك

او ترفع قضيه عليهم

الاهم من كل ده
ان مع العسر يسر
وهون عليك
وباذن الله ربنا هيدلك على الحل السليم

وشكرا جزيلا لتعاونكم معنا

[rti]

السيارة ممتازة والحمدلله انا ماشي بها لحد دلوقتي 20000 و تمام الحمدلله وبعدين انت حظك حلو انت قريب لاسكندرية اعتقد كده . و هناك هتلاقي المهندس اسامة راجل محترم وهما هناك بيعرفو يشتغلو فى العربية كويس اما موضوع الفتيس فدي حاجة مش شايفة مقلقة بالمرة و لا تؤثر على اداء السيارة و اكيد انشاء الله لها حل ان وجدت و مش معنى وجودها ان السيارة كليا سيئة بالعكس دي احس سيارة بالسعر ده فيها الامكانيات دي و الايام بتثبت ده والسيارة انتشارها كل يوم بياكد كلامي و اللى شايف نفسه شربها ربنا يعوض عليه وبلاش مبالغة كفاية بقة افورة .

[adel418]

يااخى العزيز فية نقطة للأسف كل الزملاء فى المنتدى مش واحدين بالهم منها وهو الأخ 777
لو تابعنا دخولة المنتدى من البداية كان بيتكلم على العربية المانيوال والنهاردة بيتكلم على العربية الأوتوماتيك - هو عندة مانيوال ولا اوتوماتيك
ثانيا - اتكلم عن الأستاذ عماد حبيب بشكل غريب لما قال انة غير منتمى للتوكيل ودخيل على التوكيل - هو عرف المعلومة دى منين وانا فعلا لما رحت مركز الصيانة ملقتش الأستاذ عماد هناك
ثالثا هو بيحاول يشكك فى التوكيل وفى اللواء حسن سليمان واوولادة بشكل كبير اوى لدرجة تحسسك انة مخنوق منهم فوق الوصف
يبقا الموضوع مش موضوع عربية او غيرة دا الموضوع موضوع شخصى بحت عشان كدة انا من خلال متابعتى لمداخلاتة الكتيرة اوى اقدر اقول ان الأخ 777 هو احد عمال وفنيين التوكيل الذين تم الأستغناء عن خدماتهم لسبب او لأخر وعشان كدة محروق من الشركة وصاحبها واولادة واى حد ينتمى لهم ودا سبب كلامة غير المهذب للأستاذ عماد - ارجو من الأخوة متابعة مداخلاتة بجد وصدقونى هتوصلوا لنفس النتيجة اللى انا وصلتلها

[lonedoctor]

777 ده صديق قديم فى المنتدى من سنوات فاتت وبيدعى انه من ملاك السيارة وكل فترة يدخل بعضوية ويستخدم اسلوب غير لائق فى تشويه صورة التوكيل واصحابة بشكل مبالغ فيه ويتوقف ويرجع تانى بعضوية جديدة وفى مرة ادعى انه مهاجر اوروبا بشكل نهائى وودعنا وقال انه هيوحشه مناكفته للاعضاء الفضلاء وفجاة ظهر تانى معرفش شكله عمل مشكلة وتم ترحيله بشكل نهائى وبقى فاضى لمنتدى البى واى دى بشكل كامل وبالمناسبة هو كان بيشكر فى السيارة فى البداية دلوقت هو بيشتم فى السيارة كمان وده شئ جديد ومرحلة جديدة بدأفيها فى رحلته الخالدة للذم فى التوكيل والسيارة

[Emad Habib]

الى كل الاعضاء لا تقابل الاءساءه باءساءه

لا تقابل الاءساءه باءساءه

[rti]

لا تقابل الاءساءه باءساءه

طول عمرك رجل محترم و فوق كل التفهات دي حمدلله على السلام يا كبير

[FIGOOOO]

الاستاذ عماد حبيب مش محتاج للمزايده ده راجل محترم غصب عن اى حد والله العظيم ما بيتأخر عن حد وبيخدم اى حد وانا واحد من الناس كان عندى مشكله وهو تفضل مشكورا ساعدنى والله على ما اقول شهيد

[wael6]

صلو ا ع النبي يا اخوانا
كل شئ وله مميزاته وله عيوبه

اللى انا مستغربله انها منتشره تاكسي اكتر من الملاكى
بالرغم من قلة انتشار قطع غيارها ومشاكل توكيلها
ازاى بتكون اعتمادية لصاحب ا لتاكسي اللى معدل استهلاكه اكبر بكتير من الملاكى

متابع ردود عمليه من حضراتكم
وشكرا جزيلا

[lonedoctor]

قلة انتشار قطع غيارها ازاى يعنى ده دى الميزة الاساسية فيها اساسا

[rti]

فعلا اكتر حاجة تميز هذه السيارة انتشار قطع غيرها الاصلية ده غير قطع غيار التويوتا واللانسر اللي بتركب عبيها و على فكرة بطاح بناع التوفقية بقى كم المستوردين لقطغ غيارها الاصلية وعنده كل حاجة ليها انت رحت بصيت عنده لاقيت الحاجة باسعار تحفة يعني على سبيل المثال الفانوس الخلفي كامل ثمنه 115ج متهيئلي مفيش احسن من كده ربنا يحفظها لينا.
اما موضوع التاكسي فصاحب التاكسي مش هيحط ثقته فى حاجة تعبانة لاء ده راجل بينحت فى الصخر فمحتاج حفار معاه انا عرفت من احدهم انهم بيعملوا تعديل فى مقصات السيارة الامامية فى السبتية التعديل ده على حسب قوله خلى السيارة عفشتها مرسيديس ده على حسب وصفه والله اعلم .