BYD F3 Spare parts prices ?

[hatemali]

يا جماعة حكاية المتور ده
انه فعلا من متسوبيشي و هي باعت حق تركيبة في عربيات كتير اوي و من زمان
(يعني من اوائل السبعيات كده) و ممكن خضراتكم تبحثوا عنه في النت.
و حصل تعديلات كتيرة علي المتور ده من قبل شركة متسوبيشي و ده طبعا علشان يواكب العصور اللي عاشها .
اما السؤال البديهي هو ليه متسوبيشي بتعمل كده؟
فاجاوب عليه بكلمة بسيطة و هي الفلوس و زياده المبيعات ولا سيما لتكنولوجيا قديمة (من وجهة نظرها) عندها - يعني مكسب من الهوا - و التكنولوجيا الجديدة تبقي تحطها في موديلات من بنات افكارها هيا.
و علي ما اتذكر انه نزل في اللانسر لحد 2007
اما عن ظاهرة تواجده في الموديلات الصيني
فالاجابة معروفة ... وهي ان الشركات الصيني عاوزه توفر شوية فلوس و كمان تضمن ان منتجها يتباع علي حس كلمة(متور متسوبشي) و ده حقيقي
و كمان صناعة السيارات دلوقتي مفهومها اتغير عالميا
فالتكتلات و الاندماجات اصبحت موضة العصر - مش زي زمان عربيات من الالف الي الياء من شركة واحدة - وكلنا شفنا البيجو الايراني
و هي عربية مختلفة تماما عن البيجو اللي منزلاها بيجو
بس بيجو وافقت علي وضع اسمها علي هذا المنتج؟؟؟!!!!
ودي وجهه نظري في الموضوع
و احب اقول حاجة صغيرة ان مفهوم ( اللي تغلب به اللعب به) بقي هو الفكر العام لمعظم شركات تصنيع السيارات الرائدة

و سلام

[egypt123456]

باشا في شارع دمشق في مصر الجديدة محل قطع غيار اسمة مدينة بكين امام مدرسة ومشهور في الشارع بيبيع بس قطع غيار صيني فقط انا سألت من حوالي اسبوع علي قطع غيار فلاير قلي موجود ال اف ثري الان ولسة هنجيب الفلاير بعدين
وإن شاء الله تلاقي اللي انت عايزه

وشكرا

[mazagngi2010]

اسال اى واحد صاحبك فى السويس وهو ممكن يفيدك
انا كنت هناك امبارح واستغربت من الانتشار الكبير اللى عملاه هناك

[muslem]

باشا في شارع دمشق في مصر الجديدة محل قطع غيار اسمة مدينة بكين امام مدرسة ومشهور في الشارع بيبيع بس قطع غيار صيني فقط انا سألت من حوالي اسبوع علي قطع غيار فلاير قلي موجود ال اف ثري الان ولسة هنجيب الفلاير بعدين
وإن شاء الله تلاقي اللي انت عايزه

وشكرا

معلومة مهمة جدا شكرا ليك يا اخى
اهم قطع غيار لها هى الفوانيس طبعا اما باقي العربية فيفضل انها تتغير بتويوتا او ميتسوبيشي

[egypt123456]

بالنسية للفوانيس مش فيها اي مشكله بصراحة انا عندي فلاير وهي من نفس الشركة ونفس التوكيل في مصر بس سعر الفوانيس عنده الفانوس الواحد 350 جنية وبيضيف علي السعر تكلفة التركيب حتي لو مش هتركب عند بالاضافة الي ضريبة المبيعات وطبعا يوم هيضيع منك يعني الفانوس الواحد هيتكلف حوالي 500 جنية عملت وش للفانوس في محل في الهم ب 125 جنية واشيك الف مره من الفانوس الاصلي للعربية وشغال كويس. وللحمد لله

[أبومعاذ]

و العربية ايه رايكو فيها بعد ما عدت فترة عليها معاكو هل لو رجع بيكو الزمن تشتروا نفس العربية؟

[muslem]

و العربية ايه رايكو فيها بعد ما عدت فترة عليها معاكو هل لو رجع بيكو الزمن تشتروا نفس العربية؟

والله ايوة برضوة كنت حشتريها بس كان نفسي فى اتوماتيك فى اشاعة بتقول انه حينزل السنة دى اتوماتيك

[islamelesswi]

العربية كويسة جدا هى معايا هى معايا بقالها 6 شهور. المشكلة فى التوكيل أنه مش عامل الدعاية اللازمة و التى تستحقها السيارة من الأخر توكيل بخيل ,اتكل على الله وهاتها متقلقش من قطع الغيارأن شاء الله

[hatemali]

و الله العربية فوق الممتازة بالنسبة طبعا لسعرها
العربية معيا بقيلها 4 شهور
و ماشفتش منها حاجة و حشة ابدا
التقفيل ممتاز
المتور 1000000/100%
النقل : تحس انها اوتوماتيك
العفشة : لا يعلي عليها
التوفير : ممتاز
و باقي الحاجات التانية بجد ممتازة