مشكلة فى فتيس منيوال byd 2012

[IBENDAREX]

انا كنت مقتنع جدا بالعربية وكنت ناوى اشتريها لغاية معرفت ان فى مشكلة فى فتيس المنيوال فى الغيار التانى ولما سألت فى المعرض قالى مدير فرع مصر الجديدة ان العربية بتنزل كدا بس مفيهاش مشاكل فيما بعد... انا بصراحة عجبانى العربية جدا وميش قاد ادى قرار .... وخايف اجيب اتوماتيك يظهر مشاكل و انا بجيب زيرو عشان اريح نفسى من المشاكل و بفكر فى الفيرنا حاليا ... ارجو الافادة

[darsh_]

عيب يمكن التغاضي عنه ( باختصار شديد ) بالنظر لمميزات السيارة

[rti]

الاوتو ممتازة كمان صدقني مش هتندم

[drpeter]

فعلا الاتوماتيك ممتازة وعلى فكرة عضة االفتيس انا كنت فاكر انها حاجة جامدة وطلعت ( بالنسبة لى ) عادية جدا وبتغللب عليها باى بدوس على الدواسة لآخرها

[IBENDAREX]

يا جماعة ازاى اثق بتوكيل او عربية فيها عيب و هى زيرو ...... الفيرنا عربية خامتها ردئية فعلا و كاوتش نسر ....... لكن مفيهاش اى عيب فنى و هى زيرو........ ومتجربة من سنين و محدش اشتكى منها......... انا خايف اتغاضا عن العيب دا بس بعد 5 سنين ملاقيش عربية او مشاكل كتير ........انا كنت بقول ان المميزات الى فى العربية byd زى abs and air bags وغيرو دى بسعر دا عشان الاسم ليه سعر لوحدو وهى اسمها ضعيف فى السوق المصرى او بمعنى اصح الثقافة المصرية ابعد عن الصينى.......لكن لما شوفت العيب دا فى الزذيرو بدأت اصدق كلمة (ياعم دى صينى)

[darsh_]

احنا بنتكلم عن تجربة كملاك للسيارة

و سيارتي شخصيا ماظهرش فيها عيب الفتيس و اصلا العيب الي موجود حتى لو في الزيرو بيتظبط بسهولة

و مين قالك ان الفيرنا مبتنزلش فيها عيوب اي عربية متجمعة في مصر معرضة للمشاكل الي زي دي

[hazemhassan]

انا عندى فى الانوس عضة فى الفتيس من اول ما جبتها وبعدين خفت شوية

[IBENDAREX]

لو كان العيب يتظبط بسهولة مكنش حد اشتكى او كان ظباطو فى التقفيل لأنها تقفيل مصرى او كان اتظبط فى الصيانة....فى ناس فى المنتدى اشتكيت منه وقالت ان مهندس صيانة قال دا عادى......انا خايف ان العيب دا يزيد فيما بعد ....وانا بقول ان الفيرنا مبينزيلش فيها عيوب فنية لكن ممكن يكون فيها عيوب تقفيل ....... يعنى انا شوفت عيب رزع الشنطة الى فى byd عشان تقفل ومتكلمتش عنه لأنه عيب تقفيل مش فنى......انا مش متحايز للفيرنا او byd ولسة مش عارف حجيب اى عربية فيهم..... لكن احنا بنستفيد من بعض ودة غرض المنتدى

[mina_888]

لو كان العيب يتظبط بسهولة مكنش حد اشتكى او كان ظباطو فى التقفيل لأنها تقفيل مصرى او كان اتظبط فى الصيانة....فى ناس فى المنتدى اشتكيت منه وقالت ان مهندس صيانة قال دا عادى......انا خايف ان العيب دا يزيد فيما بعد ....وانا بقول ان الفيرنا مبينزيلش فيها عيوب فنية لكن ممكن يكون فيها عيوب تقفيل ....... يعنى انا شوفت عيب رزع الشنطة الى فى byd عشان تقفل ومتكلمتش عنه لأنه عيب تقفيل مش فنى......انا مش متحايز للفيرنا او byd ولسة مش عارف حجيب اى عربية فيهم..... لكن احنا بنستفيد من بعض ودة غرض المنتدى

يا ريت تعرفنا انتا وصلت لايه لانى عندى نفس الحيره بجد و عاوز اعرف القرار الصح خصوصا انى هجبها تقصيط فيرنا ولا byd

[IBENDAREX]

والله انا للأسف استلمت فيرنا امبارح وبقول للأسف عشان انا شخصيا مش بحب العربية دى بس انا فكرت عمليا لقتها هى فعلا احسن عربية عملية فى فئتها من مراكز حدمة بالهبل وصيانة بعد الضمان ما يخلص تحت اى بيت فى اى حتة وقطع غيار ببلاش عند البقال ومفيهاش اى عيوب فنية وزى ما بيقولو شيك فى جيبك وقت البيع حتبيع و مش حتخسر كتير.... انا بصراحة بحترم byd اكتر من الفيرنا بس انا بصيت للأحتيجاتى وتنزلت عن الرفاهية لأنى متزوج و عندى بينت ....رغم ان الفيرنا الجديدة نزلة الشهر الجاى بس طبعا حتبقى اغلى وقطع غيار اغلى....وبعدين انا قولت بعد 3 سنين كدا نشوف byd حتعمل فى السوق المصرى ولو مشكلها اتحلت وبقت احسن نبيع ونجبها .....مفيش حاجة كاملة الكمال لله وحده...انت شوف العربية الى حتمشى مع احتيجاتك

[drpeter]

مفيش مشكلة استاذى الفاضل المهم راحتك رغم اننا كان نفسنا تبقى من عائلة بى واى دى هههههه

[osa92003]

والله انا للأسف استلمت فيرنا امبارح وبقول للأسف عشان انا شخصيا مش بحب العربية دى بس انا فكرت عمليا لقتها هى فعلا احسن عربية عملية فى فئتها من مراكز حدمة بالهبل وصيانة بعد الضمان ما يخلص تحت اى بيت فى اى حتة وقطع غيار ببلاش عند البقال ومفيهاش اى عيوب فنية وزى ما بيقولو شيك فى جيبك وقت البيع حتبيع و مش حتخسر كتير.... انا بصراحة بحترم byd اكتر من الفيرنا بس انا بصيت للأحتيجاتى وتنزلت عن الرفاهية لأنى متزوج و عندى بينت ....رغم ان الفيرنا الجديدة نزلة الشهر الجاى بس طبعا حتبقى اغلى وقطع غيار اغلى....وبعدين انا قولت بعد 3 سنين كدا نشوف byd حتعمل فى السوق المصرى ولو مشكلها اتحلت وبقت احسن نبيع ونجبها .....مفيش حاجة كاملة الكمال لله وحده...انت شوف العربية الى حتمشى مع احتيجاتك

مين قال حضرتك ان فى فيرنا شكل الجديد خلاص احر الفيرنا ةتجميعها هو السنه دى وغبور تعاقد على تجميع موديل صينى شركه جيلى ومافيش اى تجميع لعربيه كورى فى مصر وغبور هيكون وكيل بيع فقط

[wael6]

مين قال حضرتك ان فى فيرنا شكل الجديد خلاص احر الفيرنا ةتجميعها هو السنه دى وغبور تعاقد على تجميع موديل صينى شركه جيلى ومافيش اى تجميع لعربيه كورى فى مصر وغبور هيكون وكيل بيع فقط

ياريت توضيح من فضلك
يعنى الفيرنا ان شاء الله 2013 هتكون كوري 100%
وهل السعر هيزيد والتصميم الداخلى والخارجي هيختلف
ولا هتبقي زى ما هى ؟
نرجو الافاده
وشكرا جزيلا

[bassem.naguib]

مفيش فيرنا في العالم تقريباً موديل السنة إلا في مصر .. لأنه اتوقف انتاجها من فترة طويلة وغبور الوحيد اللي كان بيجمعها .

[rti]

مفيش حاجة فى هيونداي كوريا اسمها اصلا فيرنا . الفيرنا دي هي اكسنت وغبور غير اسمها لفيرنا والاسم ده من اختراعه و الشكل ده يعتبر قديم وانقرض بالنسبة لكوريا و غبور عمل كده علشان يكون في اكسنت ونيو اكسنت و يكون كمان في فيرنا فيكون عندهم تنوع وعلى فكرة مفيش حاجة اسمها ماتركس اسمها الاصلي لافيتا . و معنى انه هيجيب عربية صيني كده خلاص المنافسة القادمة فى الصيني .