أهم سؤال قبل ما أشتري.....

[MBahaa]

أرجو من أي واحد عنده ال bud f3 (بس تكون ملاكي مش تاكسي) يقوللي رأيه بحياد تام فيها و بقالها معاه وقت اد ايه

ارجو الرد حتى انهي الحيرة

[lonedoctor]

ممتازة بالنسبة لسعرها توكل على الله واحسن من اى سيارة فى السوق المصرى سعرها لغاية 100000

[FIGOOOO]

فعلا والله احسن عربيه لحد 100000 واتحدى انا معايه 2012

[MBahaa]

الف شكر على ردكم و اهتمامكم
في اي نصايح او ملاحظات عند الشراء
ما رأيكم في اللون الاسود ام الفضي

[darsh_]

طب اشمعنا ملاكي مش تاكسي ؟؟؟؟؟؟؟؟؟؟؟؟؟

[lonedoctor]

بصراحة اللون النحاسى فيها مالوش حل انا ندمت جدا انى لم اختاره وربنا يحفظها من الحسد بعد كده لو اختارته

[lonedoctor]

لو معاك فلوس كمل وهات g3 او هات f3 اوتوماتيك بس انا افضل g3 فاخرة جدا ماشاء الله كده معاك عربية احلى من اى عربية فى السوق المصرى لغاية 115000 جنيه

[MBahaa]

أشكركم ثانية على الاهتمام و التواصل....أود ان اوضح نقطتين:

- لماذا ملاكي؟
لأني سألت الكثير من سائقي التاكسي عند الركوب معهم... بالإضافة لأني أريد ان ارى انطباع من اشتراها كملاكي خاصة ان هناك من يقول انها لا تصلح كملاكي او انها سمعتها كتاكسي .. الخ

النقطة الثانية أني افضل الاوتوماتيك طبعاً و اظن ان ال g3 لا يوجد منها اوتوماتيك.. هل هذا صحيح؟

اخيراً لا تحرموني من تعليقاتكم القيمة

[lonedoctor]

للاسف بالفعل لا يوجد من g3 اوتوماتيك فى مصر وانا ارسلت سؤال على الايميل اللى ذكروه فى المنتدى للاستفسار عن احتمالية استيرادها فلم ياتى رد للان--يبقى كده مبروك عليك f3 اوتوماتيك --فيه ميزة حلوة فى البى واى دى الموتور بتاعها والسحب رائع وده موش بيخليك تغير الجير كتير فى النوع المانوال يعنى الخامس معاك تنزل لغاية 50 ك/س وتطلع تانى فيعنى اعتبرها نص اوتوماتيك ان صح التعبير لكن فى الزحمة طبعا الاوتوماتيك غير
تقبل تحياتى واحييك على تفكيرك السليم فى البى واى دى بعد البروتون والساجا واللوجان والكلام ده

[bassem.naguib]

في اي نصايح او ملاحظات عند الشراء

منقول من الزميل العزيز / أبو ياسمين :

كيف تستلم السيارة byd f3 من المعرض

أولا : خارج السيارة :

1- الدهان :
أنظر بتأنى إلى دهان السيارة وتأكد من أن كل جزء على حدة يخلوا من العيوب بمافيها السقف ..
2- الفروق :
تأكد من أن الفروق بين الأبواب والرفارف وغطاء المحرك وغطاء الشنطة والأكصدامات منتظمة ومتساوية ولايرتفع فيهاجزء عن أخر .. وكذلك الفروق بين الفوانيس والصاج ..
3- الأبواب :
أفتح جميع الأبواب وغطاء المحرك والشنطة وأغلقهم وتأكد من أنة لامشاكل فيهم.. وتأكد من أن كاوتش الأبواب سليم وجيد التركيب .
( مع ملاحظة أن السيارة المجمعة فى مصر تكون أبوابها ثقيلة فى معظمها ولكن ليس إلى درجة مبالغ فيها ..ومع الأستعمال تصبح أنعم ) ..
4- أسفل السيارة :
أنظر أسفل السيارة وتأكد من أنها لم تأخذ خبطة أثناء ذهابها إلى المعرض ..
5- باقى المظهر الخارجى :
راجع الزجاج والحليات والعلامات والفوانيس وتأكد من أنها جميعا جيدة التركيب .

ثانيا : داخل السيارة :

1- المقاعد والفرش :
- أفحص المقاعد وتنجيد الأبواب وحرك المقاعد الأمامية وحرك ظهر المقعدين ويجب أن يتم هذا بسهولة ويسر ..
- أنظر إلى تنجيد السقف وتأكد من أنة جيد التركيب والشماسات الأمامية كذلك ..
- تأكد من أن فرش الأرضية لا مشكلة فى تركيبة .
2- مفاتيح التابلوة :
تأكد من أن جميع المفاتيح سليمة ومثبتة جيدا وأن تقفيل التابلوة سليم
3- الشنطة :
تأكد من أن الفرش داخلها وعلى غطائها مثبت جيدا .. وان الأضائة تعمل وأن المقبض من داخل الكابينة يفتحها بسهولة .. وأن الأستبن مثبت جيدا والكوريك فى مكانة
4- تانك البنزين :
تأكد من أن يد فتح غطاء التانك من داخل الكابينة تعمل جيدا وان الغطاء البلاستيك للتانك وبابة الصاج لا مشاكل فى عملهم .

ثالثا : حوض المحرك :

1- المكونات :
أنظر إلى كل المكونات وتأكد أن جميع الأغطية موجودة ولاتسريب لأى سائل أو زيوت .
( وهذا نادر جدا أن يحدث فى سيارة زيرو ولكن لابد من ذكرة )
2- لحامات الحوض :
حدث جدل كثير على لحامات الحوض .. وقال البعض أن مظهرها سئ ..
وهذا غير صحيح .. لأن لحامات الحوض مغطاة تماما بأشرطة عزل سليكونية .. فلا تقلق فأن ما تراة هو مظهر العازل وليس مظهر اللحام ..
وفى الواقع لم يشاهد أحد أبدا لحامات الحوض فى السيارة byd f3 لأنها مغطاة تماما بالعازل ..

( تجربة للتأكد )
قم بحك مكان اللحام برفق ستجد تحت يدك مادة شبة لينة .. وقابلة للأزالة تماما لو حككتها بقوة .. وهذا هو العازل الذى يغطى اللحام .

( ملاحظة )
هذا العزل على لحامات الحوض .. موجود فقط فى السيارة المجمعة محليا ولا يوجد فى المستوردة .

رابعا : الأختبارات :

1- المحرك :
قم بتشغيل المحرك وتأكد من أنة هادئ .. ولا تصدر أصوات أو أهتزازات منة أو من الشكمان أو المراوح أو أى أجهزة أخرى بصورة غير طبيعية ..
2- التكييف :
شغل التكيف لدقائق وتأكد من كفائتة وأن صوتة طبيعى ولا يسبب ذبذبة أو رعشة أو أرتجاج داخل السيارة ..
3- مفاتيح التشغيل :
قم بتشغيل جميع مفاتيح السيارة بدون أستثناء ولاتنتقل لأخر ألا بعد التأكد من أن ماتجربة يؤدى عملة دون مشكلة
( الأنوار .. الأشارات .. المساحات .. المرايات .. عدادات ومبينات التابلوة .. الزجاج .. السنترلوك .. الكشافات الأمامية والفوانيس الخلفية وأضواء الضباب ) ..
4- أحزمة الأمان :
أسحب جميع أحزمة الأمان ثم أتركها وتأكد من أن الماكينة تعيدها بالكامل إلى مكانها وبالسرعة المطلوبة
5- الأستريو :
يجب أن نعلم من البداية أن جهاز الأستريو فى السيارة :

يعمل فقط مع : cd audio
ولا يعمل مع : cd mp3

وأسمع الراديو أثناء تشغيل المحرك وتأكد أنة لا تداخل أو تشويش فى صوت الراديو خصوصا مع أستعمال الكلاكس أثناء عمل المحرك
ولا تسأل أين أيريال الراديو ؟ لأنة مدمج فى الزجاج الخلفى
فيجب أن تأخذ معك cd audio لتجربة أستريو السيارة وتأكد من أن درجة و توزيع الصوت ومستواة طبيعى

رابعا : ماذا تتسلم مع السيارة :

1- معدات :
- عدد 2 مفتاح للسيارة
- عدد 2 ريموت كنترول لوكانت موديل gli
- سلك aux للأستريو
- ولاعة سجائر
- كوريك
- أستبن من نفس شكل الأربع جنوط لو كانت gli
2- أوراق :
- كتالوج
- كتيب الضمان للسيارة ( كامل البيانات والأختام )
- شهادة ضمان منفصلة للراديو ( مختومة )
- خطاب موجهه من الشركة إلى إدارة المرور

( ملاحظة هامة )

أهتم بمراجعة بيانات خطاب المرور على السيارة
و تأكد من أنة .. مستوفى لجميع البيانات والتوقيع والأختام ومعتمد من إدارة المرور
ولايوجد خطأ فى أرقام الشاسية والموتور ولون وموديل السيارة

والكلام ده أعتقد أنه ينطبق عند استلام أي سيارة في نفس الفئة السعرية مش byd فقط .

[drpeter]

السيارة عاملة 15 الف كم وبقالها 5 شهور وحالتها ممتازة حتى الان استاذى الفاضل
اهم حاجة تهتم بصيانتها اول باول في التوكيل ولاتنتظر ان تحدث المشكلة بل قم بتغير الاشياء قبل ان تتلف
فمثلا البوجيهات غيرها قبل ميعاداهب بوقت كافى وفلتر الزيت انا بغيره كل مرة وهكذا

[MBahaa]

السيارة عاملة 15 الف كم وبقالها 5 شهور وحالتها ممتازة حتى الان استاذى الفاضل
اهم حاجة تهتم بصيانتها اول باول في التوكيل ولاتنتظر ان تحدث المشكلة بل قم بتغير الاشياء قبل ان تتلف
فمثلا البوجيهات غيرها قبل ميعاداهب بوقت كافى وفلتر الزيت انا بغيره كل مرة وهكذا

=============

ممكن حضرتك تقوللي ميعاد تغيير البوجيهات والزيت , ما هي أفضل الأنواع؟

[rti]

اخي العزيز ربنا يوفقك للخير العربية كويسة و محترمة بالنسبة للسعر و انا معايا بقالها حواليي سنة عاملة 22000 كم اهم حاجة الالتزام بالصيانة الدورية البوجيهات بتتغير فى صيانة 20000 وافضل الزيوت لها شل الاصفر و كل 5000 استخدم ليكوملي كلينر انجكشن و املاء العجل نيتروجين بيفرق كتير فى العفشة و الحفاظ على نظافةالسيارة من الداخل مهم جدا و تفضل ديما جديدة و ربنا يباركلك فيها . تحياتي . اه نسيت اقولك فى المستقبل قدام شوية لما تيجي تغير تيل الفرامل الامامي غيره بتيل تويوتا كورولا من ماركة iQ ب 85 جنية من التوفيقية و واحدة واحدة هتبص تلاقي العربية اتحولت لياباني .

[MBahaa]

اخي العزيز ربنا يوفقك للخير العربية كويسة و محترمة بالنسبة للسعر و انا معايا بقالها حواليي سنة عاملة 22000 كم اهم حاجة الالتزام بالصيانة الدورية البوجيهات بتتغير فى صيانة 20000 وافضل الزيوت لها شل الاصفر و كل 5000 استخدم ليكوملي كلينر انجكشن و املاء العجل نيتروجين بيفرق كتير فى العفشة و الحفاظ على نظافةالسيارة من الداخل مهم جدا و تفضل ديما جديدة و ربنا يباركلك فيها . تحياتي . اه نسيت اقولك فى المستقبل قدام شوية لما تيجي تغير تيل الفرامل الامامي غيره بتيل تويوتا كورولا من ماركة iq ب 85 جنية من التوفيقية و واحدة واحدة هتبص تلاقي العربية اتحولت لياباني .

===================

اشكرك شكراً جزيلاً على هذه النصائح القيمة

[MBahaa]

سمعت من سائق تاكسي ان ال f3 بتزل بعيب فيها وهو ان ال دينامو فيه مشاكل ولازم يتغير والا هيؤدي لحرق المصابيخ الامامية باستمرار ( وقال تجيب واحد استيراد بتاع لانسر)

ما حقيقة هذا الامر؟؟؟؟؟