عاوز اشتريها ومتردد جداااا

[sendipad]

السلام عليكم ورحمة الله وبركاته

انا من متابعى الموقع المحترم من فترة كبيرة واكاد اكون قرأت معظم المواضيع الخاصة بالعربية byd

وانا اريد شراؤها بشغف لكن تواجهنى صعوبة فى الاختيار بينها وبين الافيو خاصة وانى حاشغلها كتاكسى ومشاوير خاصة ..

الافيو شكلها جذاب ومعقولة كسيارة تاكسى وشغل شاق نوعا ما

الـ byd اراها تاكسى بالقاهرة الكبرى وقليل من المحافظات بدات تنتشر

قرأت وسألت كتير عن السيارتين وفازت الـ byd عن الافيو فى كل شى ما عدا سعر اعادة البيع وكلمة ( دى صينى ) وطبعا الافيو لها سعر اعادة بيع محترم ..

فبما تنصحونى من السيارتين byd او avio كسيارة شغل وبهدلة واكل عيش يعنى مش ملاكى

تحياتى للجميع

[S O P H O S]

كرأي شخصي اختار byd
مجرد راي

[darsh_]

انت بتتكلم عن اعادة البيع ؟؟؟

دور كدة على مستعمل منها و شوف لو لقيت اصلا يبقا انت معاك حق

[drpeter]

اعادة البيع بيعتمد على شطارتك وحالة العربية لكن صينى ولا مش صينى دا كلام هوا

[lonedoctor]

انا خايف اقول رايي يزعل اصحاب الافيو لكن افضل ممكن تاجر السيارتين وتقارن بنفسك وتختار عن قناعة

[sendipad]

شكرا لكم اخوانى ahmed1006 -- darsh_ -- drpeter

وبالتوفيق للجميع

[sendipad]

شكرا لك اخى lonedoctor

هو صحيح كل مالك لسيارة بيدافع عنها مش عارف هو المبدأ هنا العشرة والعيش والملح ولا علشان هى اختيار الشخص ميحبش انه يكون معيوب فلابد تكون سيارته هى احسن سيارة فى البلد

عموما بدون زعل احنا بنقول راينا وننصح ونسأل ونستشير بعض مش اكتر ( ماخاب من استشار )

[lonedoctor]

لالا الموضوع مالوش علاقة بالعيش والملح --عن تجربة وسؤال اهل التخصص --انا اعرف واحد ميكانيكى صديقى فى مكة كان عنده افيو وكان شاريها من السعودية كمان باعها واشترى بى واى دى بناء على نصيحتى وبيشكر فيها جدا شايل لى الجميل انى نصحته بيها

[wael6]

السلام عليكم ورحمة الله وبركاته

انا من متابعى الموقع المحترم من فترة كبيرة واكاد اكون قرأت معظم المواضيع الخاصة بالعربية byd

وانا اريد شراؤها بشغف لكن تواجهنى صعوبة فى الاختيار بينها وبين الافيو خاصة وانى حاشغلها كتاكسى ومشاوير خاصة ..

الافيو شكلها جذاب ومعقولة كسيارة تاكسى وشغل شاق نوعا ما

الـ byd اراها تاكسى بالقاهرة الكبرى وقليل من المحافظات بدات تنتشر

قرأت وسألت كتير عن السيارتين وفازت الـ byd عن الافيو فى كل شى ما عدا سعر اعادة البيع وكلمة ( دى صينى ) وطبعا الافيو لها سعر اعادة بيع محترم ..

فبما تنصحونى من السيارتين byd او avio كسيارة شغل وبهدلة واكل عيش يعنى مش ملاكى

تحياتى للجميع

السلام عليكم
انا بلدياتك من المنصورة وبفكر فى نفس المشروع باذن الله
و فى نفس حيرتك بالظبط
هل حضرتك معاك النمر والعداد ولا لسه هتشتريهم
وياريت لو تعرف منين بيتباع وبسعر قليل شوية
اخر مره سالت عند الجنيدي قالى 93 الف (افترا اوى)

كنت بفاضل بين الفيرنا وال byd واللانوس والافيو
كل واحده فيهم لها عيوبها حاجه تحير

الفيرنا ضيقه وواطيه بس اثبت وجودها وكل اليكانيكية بيشكروا فيها بصراحه
ال byd واسعه وعاليه وكماليات كتير بس مطلعتش للصنايعيه بره عشان يحكموا عليها وكله يقولك ابعد عن الصيني مش معمره ومش عمليه ؟
اللانوس بقا ناس تقولك اوطى من الفيرنا او ع الاقل ادها فى الارتفاع وفراملها ضعيفه وناس بتشكر فيها جداا وناس تانية تقولك لما منصور شيفروليه خدها بوظها ؟
والافيو قريت عليها هنا فى الامنتدى مشاكل كتير

اعتقدالمقارنة بين الفيرنا -byd
الفيرنا معدش هيبقي منها 2013
byd تقليد للانسر والكورولا يعنى مش بكفائتهم الحقيقية كعادة المنتج الصيني وكمان الصنايعيه بيقولولى انسي الكماليات وبص على الاساسيات عشان كده بيرجحوا الفيرنا
والله اعلم

ربنا يدلك للخير باذن الله

[sendipad]

لالا الموضوع مالوش علاقة بالعيش والملح --عن تجربة وسؤال اهل التخصص --انا اعرف واحد ميكانيكى صديقى فى مكة كان عنده افيو وكان شاريها من السعودية كمان باعها واشترى بى واى دى بناء على نصيحتى وبيشكر فيها جدا شايل لى الجميل انى نصحته بيها

اشكرك جدا لمتابعتك الجيدة والاهتمام

اعتقد ان الاختيار سيكون من نصيب byd باذن الله

[sendipad]

السلام عليكم
انا بلدياتك من المنصورة وبفكر فى نفس المشروع باذن الله
و فى نفس حيرتك بالظبط
هل حضرتك معاك النمر والعداد ولا لسه هتشتريهم
وياريت لو تعرف منين بيتباع وبسعر قليل شوية
اخر مره سالت عند الجنيدي قالى 93 الف (افترا اوى)

كنت بفاضل بين الفيرنا وال byd واللانوس والافيو
كل واحده فيهم لها عيوبها حاجه تحير

الفيرنا ضيقه وواطيه بس اثبت وجودها وكل اليكانيكية بيشكروا فيها بصراحه
ال byd واسعه وعاليه وكماليات كتير بس مطلعتش للصنايعيه بره عشان يحكموا عليها وكله يقولك ابعد عن الصيني مش معمره ومش عمليه ؟
اللانوس بقا ناس تقولك اوطى من الفيرنا او ع الاقل ادها فى الارتفاع وفراملها ضعيفه وناس بتشكر فيها جداا وناس تانية تقولك لما منصور شيفروليه خدها بوظها ؟
والافيو قريت عليها هنا فى الامنتدى مشاكل كتير

اعتقدالمقارنة بين الفيرنا -byd
الفيرنا معدش هيبقي منها 2013
byd تقليد للانسر والكورولا يعنى مش بكفائتهم الحقيقية كعادة المنتج الصيني وكمان الصنايعيه بيقولولى انسي الكماليات وبص على الاساسيات عشان كده بيرجحوا الفيرنا
والله اعلم

ربنا يدلك للخير باذن الله

اهلا بك بلدياتى

انا مسالتش عند حد لان المشروع لسه تحت الدراسة وسايب موضوع النمر دا لبعدين

بخصوص الفيرنا واللانوس فانا اول اهتماماتى للسيارة هى الارتفاع عن الارض هو اول شىء انظر له عندما ارى اى سيارة واكره جدا كل السيارات الواطية او القريبة من الارض مهما كان اسمها . والفيرنا واللانوس واطيين جدا علاوة عن ان الفيرنا ضيقة جدا من الداخل ولو ركب فيها 3 افراد بالخلف تحس انها هتطير من قدام بالاضافة لانعدام الرؤية الخلفية للسائق .

انا مبقتنعش بكلام اى ميكانيكى لانهم جميعهم عندهم مبدأ طالما مبيفهمش فى السيارة ولا يعرف يصلحها يقضى حياته يشتم ويذم فيها واعتقد ان الميكانيكية فى مصر كلهم على ما تفرج وتلاقيهم كلهم بيشكرو فى الفيرنا او اللانوس لانهم بيفهمو الى حد ما فى تغيير طرمبة البنزين او فلتر الزيت .
اتذكر موقف كنت فى ورشة ميكانيكى مشهور وجه زبون بيسالة عن تركيب الغاز لسيارة افيو وكان الزبون فتح حنفية الاعطال والعيوب المترتبه على تركيب الغاز لاى سيارة وفضل الميكانيكى يقول ويعيد ويزيد و ( كأن الغاز رجس من عمل الشيطان )... وكل دا لان البيه الميكانيكى مبيفهمش فى اصلاح اعطال الغاز حتى عملية الضبط ميعرفهاش .. علشان كدا لو سالت اى ميكانيكى على السيارة byd هيخليك تكره الصين واللى بييجى منها .

المهم انى سالت كتير من راكبى وملاك السيارة byd ملقتش عند حد شكوى غير واحد قاللى انه كان محمل حمولة كبيرة ( 7 افراد اوزان ) وبالخطا اكل مطب صناعى غير متوقع او مكنش شايفه فضرب عندة مساعد امامى فراح للتوكيل غيره بدون اى مقابل .

فى النهاية احب اذكر الحكمة اللى بتقول ( لولا اختلاف الاذواق لبارت السلع ) هى فى الاول والاخر اذواق واهتمامات تختلف من شخص لآخر

[wael6]

ربنا يوفقك ويوسع عليك رزقك يارب
ومتابع معاك تطوراتك ووجهات نظرك للاستفادة المتبادلة
بخصوص مشروع التاكسي خصوصا اننا من بلد واحده وايه رايك فى مدى نفعه ومشاكله ؟

وشكرا جزيلا

[a7medsh3rawi]

وبالنسبه للاسعار سعر الافيو كام وال b y d كام ولو هجبها قسط سعرها هيكون كام

[abo_mahmud]

من غير زعل .
أنا داخل بالصدفة .
لقيت مقارنة بين الأفيو وال b y d . وكلام عن اللانوس والفيرنا بأنهم واطيين .
شوف ارتفاع اللوجان وادعيلى . ومعذرة للجميع . سلام عليكم .