عضة فى الفتيس المانيوال byd f3 2012

[AAAPRD]

تانى عيب لاحظته بعد الدهان السيئ جدا و التقفيل الخارجى
ساعات الفتيس بيعض فى النقلات و ساعات لا
و الكلام دة فى جميع النقلات حتى المارشيدير
و ساعات تسمع صوت التعشيق و ساعات لا
مش عارف انا ما بوسش الدبرياج للاخر و لا فى عضة فعلا
و جربت و العربية واقفة مفيش عضة خاااالص
قريت جميع المواضيع عن عضة الفتيس
الغريب لاقيت ناس تقول انهم بيعالجوها فى صيانة الالف

بس ما حدش قال بيحلوها ازااى؟؟؟؟؟ وسببها ايه هل الدبرياج مثلا؟
كله يقولك بيحلوها فى صيانة الالف و خلاص
نفسى اعرف ازاى يعنى؟
يا ريت حد من اللى حل المشكلة يشرحلنا حلوها ازاى
انما الحمد لله مفيش ونة خااااالص

[darsh_]

مستعجل ليه هتروح صيانة الالف و هتعرف هههههههههههههههه

لا حقيقي يا باشا انا مقابلنيش الموضوع ده و لو انه منتشر بس محلول ان شاء الله

[AAAPRD]

مستعجل ليه هتروح صيانة الالف و هتعرف هههههههههههههههه

لا حقيقي يا باشا انا مقابلنيش الموضوع ده و لو انه منتشر بس محلول ان شاء الله

هعرف ازاى يعنى؟
لو تعرف قوللى

[darsh_]

هعرف ازاى يعنى؟
لو تعرف قوللى

غالبا بيكون رجلاش للدبرياج او حاجة زي كدة مش عارف لانه مقابلنيش

عالعموم لا داعي للقلق

[lonedoctor]

اخى الكريم لا تقلق فى الغالب بيكون تظبيط رجلاش الجير لا اكثر ولا اقل

[rti]

اخي العزيز مبروك اولا السيارة
ثانيا الموضوع منقسم لجزئين الاول انها بتلين مع الاستخدام وفى صيانة الالف بيزيت الفتيس من فوق يعني من عند القنصول و بتنتهي للابد لدرجة اني دلوقتي مش بدوس الدبرياج للاخر وبنقل بمنتهى النعومة . الجزء التاني لحد ما يحصل موضوع صيانة الالف دوس دبرياج للاخر . فى النهاية الف مبروك و ربنا يحفظهالك و يكفيك شرها