عندي مشكله و اريد الحل

[abaza2107]

السلام عليكم انا معايا f 3 من اوائل الدفعات الانتاج المحلي استلام 9 / 2010
ومن ساعه ما استلمتها وهيا بتدب من الامام و كان في ونه في الفتيس وكل ما اروح الصيانه
يقنعوني انها كده وعربيتك زي الفل قلت يمكن الدبه من الكاوتش غيرت الكاوتش جبت بريدج ستون
ونيتروجين ولسه الدبه زي ما هيا و الونه في الفتيس بتزيد و انا خايف الكيلوات تعدي و اخرج من الضمان وبعدين ادفع اضعاف السعر في حاجات مليش يد فيها اعمل ايه انصحوني جزاكم الله خير
و لكم جزيل الشكر مقدما

[bassem.naguib]

بالنسبة لصوت الدبة .. أعتقد أنه من المساعدين .
صوت ونة الفتيس .. أنصحك بتغيير زيت الفتيس بنوعية أفضل .. وأكيد إن شاء الله حتحس بفرق (تغيير الزيت بالكامل وليس تزويدة) .. مع التأكد من عدم وجود تسريب لزيت الفتيس من أي مكان كان .

[abaza2107]

من المساعدين ولا من علبه الدريكسيون
انا اعتقد انو فعلا من المساعدين و اثرت بالتالي على علبه الدريكسيون
لاني لاحظت انو مع عين القطه الي في الشارع الدركسيون بيخبط جامد
اما بالنسبه للفتيس هجرب وهاقول لحضرتك وهل تنصحني بنوع معين لزيت الفتيس وهل مثلا في اضافه لتقليل الأحتكاك ولاقدر الله لو علبه دريكسيون ومساعدين التكلفه على مين مع العلم العربيه عامله 42000 وشكرا لردك جزاك الله خير

[bassem.naguib]

أنصحك تكلم استاذ/ عماد حبيب ، وهو إن شاء الله حيحل المشكلة .. أو تشوف الأيميل بتاع أنسة/ داليا .. وهما مش حيتأخروا عن المساعدة .

http://www.nilemotors.net/Nile/280822-a.html

[lonedoctor]

من المساعدين ولا من علبه الدريكسيون
انا اعتقد انو فعلا من المساعدين و اثرت بالتالي على علبه الدريكسيون
لاني لاحظت انو مع عين القطه الي في الشارع الدركسيون بيخبط جامد
اما بالنسبه للفتيس هجرب وهاقول لحضرتك وهل تنصحني بنوع معين لزيت الفتيس وهل مثلا في اضافه لتقليل الأحتكاك ولاقدر الله لو علبه دريكسيون ومساعدين التكلفه على مين مع العلم العربيه عامله 42000 وشكرا لردك جزاك الله خير

ياراجل يا طيب عامل 42000 فى شوارع مصر الجميلة كيلو وموش عايز تغير المساعدين ؟
المفروض يعملوا عربيات لمصر فيها تغيير ذاتى كل 25000 كيلو احسن

[lonedoctor]

هات جوز مساعدين كورولا استيراد نضاف وغيرهم ومشى حالك هتلاقى العربية 100%
وبعدين ونة الفتيس دى عادية جدا ماتحطهاش فى بالك خالص
والمفروض زيت الفتيس كدة كدة يتغير كل 40000 فيعنى ده معاده يعنى شئ طبيعى موش عيب السيارة
غير زيت فى كالتكس او شل وانا عن تجربة لاحظت انه زيت الفتيس فى كالتكس احسن لكن انا سمعت انه زيت موبيل افضل الانواع للفتيس لكن لم اجرب وعموما ده رخيص جدا العملية كلها 60 جنيه غيره مع موبيل وادينا انطباعك تكسب فينا ثواب وعلى فكرة فيه زيت فتيس درجة لزوجته 90--120 متعدد الدرجات قلبت عليه الدنيا فى مصر ومالقيتوش لانه الموجود اما 90 او 150 لو عرفت تلاقيه ده هيفرق معاك كتير اوى فى ونة الفتيس وانخفاض صوت المحرك بعد 120
تقبل تحياتى

[bassem.naguib]

بالنسبة للشرح بتاع مشكلة الدبة دي توقعت أنها تكون مساعدين .. هو مش محدد بالظبط هل هي من المساعدين ولا من علبة الدركسيون .. علشان كدة اقترحت عليه يروح التوكيل لأن شرح المشكلة حاجة والحقيقة على أرض الواقع ممكن تكون حاجة تانية .

[abaza2107]

الف شكر لكل من الاستاذين ziabassem&lonedoctor على الاهتمام
بالنسبه للموتور انا كنت حاطت زيت ليكوي مولى والحمد لله اداء الموتور افضل و الصوت اهدى
وشكلى كده هغير كل الزيوت الى في العربيه ليكوي مولى ( الفتيس- الباور -الباكم ) اما بالنسبه للدبه الميزانيه لا تسمح لتغيير المساعدين خصوصا بعد علقه الكاوتش وهل هما استيراد افضل ولا جديد ولو جديد موديل كام في الكرولا والسعر تقريبا كام بس انا خايف تكون علبه الدريكسيون

[lonedoctor]

والله خلى اى ميكانيكى شاطر يكشف عليها ويشوف الدبة من فين علبة دركسيون ولا مساعدين
اذا مساعدين بامانة الشركة مالهاش ذنب فى شوارعنا الجميلة اللى فيها مطبات تبوظ احسن سيارة فى العالم
اذاعلبة دركسيون وانا لا اظن ذلك لانه العيب ده لم يظهر فى اى سيارة بى واى دى اعرفها حتى الان يبقى عليك وعلى الاستاذ عماد ممكن يسهل لك تغيرها على الضمان ان شاء الله
حسب معلوماتى انه المساعد الامامى الواحد ب 380 جنيه والنوع الاصلى جيد جدا لكن ممكن تشوف استيراد كورولا نضيف اظن هيبقى ارخص كتير او انا اسمع انه فيه ماركات بتصنع لكل السيارات زى مساعد مونرو وهتلاقى للكورولا اكيد صينى وتركى ويابانى تجارى ويابانى اصلى وهى دى ميزة البى واى دى الدنيا كلها قدامك وانت تختار اللى على كيفك ياباشا على حسب اقتناعك وعلى حسب امكانياتك يعنى مستحيل تقف ابدا
تقبل تحياتى

[lonedoctor]

الف شكر لكل من الاستاذين ziabassem&lonedoctor على الاهتمام
بالنسبه للموتور انا كنت حاطت زيت ليكوي مولى والحمد لله اداء الموتور افضل و الصوت اهدى
وشكلى كده هغير كل الزيوت الى في العربيه ليكوي مولى ( الفتيس- الباور -الباكم ) اما بالنسبه للدبه الميزانيه لا تسمح لتغيير المساعدين خصوصا بعد علقه الكاوتش وهل هما استيراد افضل ولا جديد ولو جديد موديل كام في الكرولا والسعر تقريبا كام بس انا خايف تكون علبه الدريكسيون

سيبك من ليكو مولى غالى على الفاضى خليك فى شل الاصفر بس عن تجربة هتفرق معاك كتير فى الصوت والنعومة

[mezof3]

ناس كتير كانوا بيمجدوا فى ليكوى مولى سبحان مغير الاحوال

[rti]

طول ما احنا عايشين بنشوف و نتعلم انا استخدمت ليكوي مولي وغيرت لشل الاصفر وفعلا عن تجربة هو مناسب جدا للعربية دي و بيوطي صوت الماتور لدرجة غريبة .