موتور الf3

[sanhory]

انا فعلا ركبت كذا تاكسي f3 سمعت فيه الونة دي بس مجاش في بالي قولت يمكن دا الطبيعي
بصراحة انا بحترم العربية بالنسبة للاوبشنز اللي فيها مقابل تمنها

و الرعشة اللي موجودة من 30 ل 40 دي 100% كبالن داخلية اكيد ركبوا حاجة غلط فيها او دقوا عليها هيا كمان

[esmail_ali]

أنا متأكد أنهم دقوا عليها لأنى شايف الفنى وهو بيغير الكوبلن فعلا دق عليه بس هقول ايه حسبى الله ونعم الوكيل فنين بصراحة ملهومش فى أى حاجة خالص والله كان ممكن أشتريه من بره وأرخص من التوكيل وأركبه عند عفشجى نظيف بس مردتش اعمل كده علشان الرعشة دى تروح وبرده مرحتش وبعد ما ركبوا بقالهم عايز اجرب العربية يقوللى ادفع وبعدين جرب أحنا جربناهالك بشترى سمك فى مياه يعنى أسأل المهندس وأقوله الرعشة راحت يقولى أه بس من 30/40زى ما هى العربيات ال byd كلها كده أحلفلوا أنا العربية مكنش فيها حاجة ابقى ما اتهف فى عقلى وأجيبهالهم يخربوها يقولى لأ لدرجة أنى كنت همسك فيه لولا وجود مدير المركز قالى جرب عربيتك ولو فيها حاجة تعالى تانى احنا مش هنطير بس بصراحة خلونى كرهت المكان ومش عايز اعتبه تانى