بركولى بقيت عضو من اعضاء byd

[alaa99999]

بسم الله الرحمن الرحيم

بركووووووولى
بعد معاناه 4 شهور فى البحث واللف فى المواقع والمعارض والمعارف ومع الاصدقاء
الحمد لله ربنا اكرمنى بليل بعربية BYD F3 2011 مانيوال GLI عاملة 7300 كيلو
والعربية ما شاء الله عليها حالتها ممتازة ما عدا خبطة بسيطة فى العتب بسبب رصيف عالى صاحبها
كان كحت فيه غير كده ما فيش والعربية كل ورقها موجود والضمان بتاع العربية والكاسيت والبطارية
والصيانتيين اتعملوا ليها فى التوكيل ال1000 وال 5000
فعايز من حضراتكم تقولولى ايه رايكم فى العربية عموما من وجهة نظركم العملية بعد التجربة رايكم فيها ايه
وهل كان اصرارى على شراء BYD كان فى محله وتستاهل فعلا لانى كان فى ناس بتنصحنى باسبيرانزا
وانا رفضت بعد ما ناس بينتلى عيوب لها كتيير غير ان شكلها وحش
واحب اعرف نصايكم لى ايه فى المحافظة عليها اعمل ايه واهم حاجة اخد بالى منها فيها
ولى سؤال انا التابلوه عندى لدات لكن بعد ما اقفلت النور كله برده نور التابلوه منور فمش عارف اقفله ازاى فمقفلش غير لما بطلت العربية
فالصبح النهارده لما دورت العربية لقيته نور فاكيد ليه حاجة بتطفية بالنهار ولا هو نظامه انه يفضل منور على طول وشكرا

[waelprince2003]

الف مبروك على العربية و ربنا يديك خيرها و يكفيك شرها.....اما بخصوص النور بتاع العدادات فهو كدة منور طول ما العربية شغالة ده طبيعى متقلقش

[sv065]

ألف مليوووووووون مبروك علي حضرتك الجميلة byd

وألف مليووووووون مبروك علي نايل موتورز عضوية حضرتك معانا

وبخصوص النور بتاع التابلوه ده من أهم مميزات الجميلة اللي بتشد الجميع ليها وزي ما حضرتك ذكرت هو شغال بلمبات ليد يعني استهلاكها ضئيل جدا

وأهم حاجة حضرتك تعملها هي الصيانة الدورية في موعدها بالتوكيل


تحياتي

[elnakshabandy]

الف مبروك
ربنا يعطيك خيرها ويكفيك شرها
معلش سعرها كام
وابقى قولنا على تجربتك معاها بعد اول اسبوع سواقه
مشكور مقدما

[ehabpopo]

الف مبروك وربنا يديك خيرها ويكفيك شرها .... ومبروك علينا عضويتك فى قسم ال بى واى دى

[alaa99999]

الف مبروك على العربية و ربنا يديك خيرها و يكفيك شرها.....اما بخصوص النور بتاع العدادات فهو كدة منور طول ما العربية شغالة ده طبيعى متقلقش

جزاك الله خيرا والله يبارك فيك
موشوع النور ده كان عامل لى قلق بس انت كده طمنتنى اشكرك

ألف مليوووووووون مبروك علي حضرتك الجميلة byd

وألف مليووووووون مبروك علي نايل موتورز عضوية حضرتك معانا

وبخصوص النور بتاع التابلوه ده من أهم مميزات الجميلة اللي بتشد الجميع ليها وزي ما حضرتك ذكرت هو شغال بلمبات ليد يعني استهلاكها ضئيل جدا

وأهم حاجة حضرتك تعملها هي الصيانة الدورية في موعدها بالتوكيل


تحياتي

هى فعلا جميلة اخى
وانا اتشرفت بكم اعضاء نايل موتورز
الحمد لله ان ده طبيعى واكيد كل حاجه هعملها فى التوكيل ان شاء الله
واشكرك على النصيحة

الف مبروك
ربنا يعطيك خيرها ويكفيك شرها
معلش سعرها كام
وابقى قولنا على تجربتك معاها بعد اول اسبوع سواقه
مشكور مقدما

الله يبارك فيك
جزاك الله خيرا على الدعوه اخى الفاضل
جبتها 59500 الف
والصراحة سواقتها ممتعة بس الصعوبة اللى واجهتنى انى مش شايف الكبوت فالتقدير للمسافات لسى مش اوى بس اهوو باخد عليها شوية شوية

الف مبروك وربنا يديك خيرها ويكفيك شرها .... ومبروك علينا عضويتك فى قسم ال بى واى دى

الله يبارك فيك اخى
امين يارب
تشرفت بكم اعضاء نايل موتوز

[moh_faheem]

الف الف الف مبروك
وعقبالى علشان انا بدور على سيارة بى واى دى
من فترة ومش لاقى استعمال نظيف
وربنا يديلك خيرها ويكفيك شرها

[ahmedyousef]

السلام عليكم ورحمة الله ... مليون مبروك وربنا يعطيك خيرها ويكفيك شرها .. ومسألة إنك مش شايف الكبوت مع الوقت هتتعود إن شاء الله .

[alaa99999]

الف الف الف مبروك
وعقبالى علشان انا بدور على سيارة بى واى دى
من فترة ومش لاقى استعمال نظيف
وربنا يديلك خيرها ويكفيك شرها

الله يبارك فيك
وان شاء الله ربنا يرزقك بعربية بحالة ممتازة بس اهم حاجة لا تتسرع
وربنا يكفينا شرها امين

السلام عليكم ورحمة الله ... مليون مبروك وربنا يعطيك خيرها ويكفيك شرها .. ومسألة إنك مش شايف الكبوت مع الوقت هتتعود إن شاء الله .

الله يبارك فى حضرتك
فعلا موضوع الكبوت ده لسى شوية عليه عملى لسه مشكله فى المسافات والركنة

[S O P H O S]

الف مبروك يا باشا ..

[abomona]

الف مبر وح وربنا يسترها عليك ويكفيك شرها