Tweet
السلام عليكم اخواني الكرام هذا الموضوع سيكون خلاصة لتجارب كل من الاعضاء المالكين للسيارة من مدة عام فما اكثر و ذكر كل ايجابيات السيارة و السلبيات ايضا و مدى رضاه عنها . وذلك ليستفاد كل من اراد شراء السيارة فبرجاء الموضوعية من الجميع . لذا فهذه دعوة عامة لكل من امتلك السيارة واراد نقل تجربته العملية معها .
-
-
لماذ f3 الان : اولا انا امتلك السيارة من عام تقريبا عامل بها 23000 مشاويري كتيرة بدخل فى اماكن مكسرة بشكل يومي حمولاتي تقيلة و وجدت الاتي :
1- لاحظت انا الشركة المصنعة شركة طموحة جدا ولديها قفزات الى الامام فى عالم صناعة السيارات بشكل منافس اذن فهى تسعى للاستمرارية والمنافسة بقوة .
2- السيارة تمتلك امكانيات تؤهلها للمنافسة بقوة و بشكل حاسم بين منافسيها فى الفئة السعرية .
3- وجدت ان السوق المصري قد لايقدم جديد منذ اخر التسعينيات فى عالم السيارات الاكثر مبيعا غير لانوس وفيرنا وهم بحق بالنسبة f3 سيارات فقيرة و ليس بها جديد ليرضي طموح الشعب المصري فى اقتناء سيارة عملية .
4- لم اجد من كل من تشرفت به و ركب السيارة غير كل انبهار بها و الحمدلله .
5- من اهم ميزات السيارة فى وجه نظري قطع الغيار البديلة و سبحان الله لاول مرة فى العالم نجد قطع غيارة سيارة صينية تكون ياباني بمعنى انك بمرور الوقت وعند تغير قطع غيار السيارة سواء عفشة او ما يخدم على الماتور ستجد نفسك ان احببت تمتلك سيارة صينية على اساسيات يابانى وهذا لن تجده فى اي سيارة اخرى لا فى مصر ولا اي مكان اخر و انا لما غيرت التيل غيرت لتيل كورولا و اكيد فرقت .
6- طبيعة عملى تجعلني بصورة دائمة احمل فى السيارة اغراض كثيرة و ثقيلة و هي متميزة فى الاداء عند هذه الظروف .
7- احسن زيت للسيارة شل الاصفر 5000كم و يفضل تغير زيت الفتيس بعد 20000كم.
8- التكيف ممتاز و بيسقع كويس جدا واهم حاجة تنضيف الفلتر بشكل دوري .
9- اداء العفشة كويس بس اكيد لما اغيرها لكورولا هتكون انعم كتير و دي ميزة كويسة .
10- سحب السيارة مع بنزين 92 ولم اغيره محترم جدا و بيخلي ناس كتير راكبة عربيات اعلى تستغرب منها فى السحب .
11- تنظيف السيارة من الداخل صعبة شوية لانها كبيرة بس لابد منها للاحتفاظ برونق السيارة .
12- ثبات السرعة انا بجيب بها 160 و بصراحة الثبات ممتاز .
13- صوت الفتيس فى الاول والتاني عالي فى المانيول وده فى كل السيارات f3 وحتى التقفيل الصيني و عن تجربة وانا خاطبت الشركة الام فى الصين واهتموا بالموضوع و بعتولي احد ما ينوب عنهم و خلاني اخرب كذا سيارة صيني ولاقيت نفس الصوت فيهم فهي كده وده مش عيب ومتحطوش فى بالك .
14- طنابير السيارة يبدوا ان اخرها 20000كم لذا ينصح بتغيرها بياباني و إن شاء الله هعمل كده.
15- قطع غيار منتشرة فى كل مكان واسعارها منافسة جدا .
16- التوكيل اسعاره كويسة فى المصنعيات بالمقارنه بالاخرين .
و فى النهاية انا كنت بكتب اللى بيجي على بالي مش بالترتيب و دي ملاحظاتي عن السيارة و انا حتى الان راضي عن اداء السيارة و لله الحمد و لكن عن مستوى خدمة ما بعد البيع لست راضيا سوى عن اداء مركز الاسكندرية فهم بحق السيارة تدخل عندهم بالملاحظات تخرج بغيرها و لا يستخدمون المسكنات الوقتية مثل القطامية و غمرة مع احترامي للجميع ولكن هذا لايعيب السيارة و اكيد الدنيا هتتظبط فى يوم من الايام و ربنا يوفق . -
واضح ان محدش معاه السيارة منذ عام فاكثر غيري . فين يا اخونا الشغل عايزين الموضوع يتشرف بو ينور بردودكم .Comment
-
يا اخى الفاضل احنا معانا السيارة من سنتين وتلاتة وفيه خمس سنين بس احنا كتبنا عنها لما شبعنا وراجع المواضيع القديمة
الدور دلوقت على الشباب والملاك الجداد بقى يكتبوا لنا انطباعاتهم عن السيارة
تقبل تحياتىلعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْComment
-
الف شكر على الموضوع الجميل وهى بجد عربية تستاهل كل جنيه ادفع فيهاComment
-
توضيح
اخي العزيز انا لا اريد تكرار ما قيل فى المواضيع الاخرى ولكني لاحظت فى الفترة الاخيرة ان هناك العديد ممن يرغبون فى اقتناء السيارة و مترددين ويريدون من يقول لهم قول فصل بمعنى اخر كلمة ورد غطاها وانا كل ما اقصده ان يذكر كل واحد فينا خواطر سريعة عن السيارة فيها الايجابيات والسلبيات بشكل مختصر يؤدي فى النهاية الى المساعدة على تكوين وجه نظر بشكل سريع لدى كل مشتري جديد للسيارة لان اهم حاجة بتهمهم السيارة اخبارها اية بعد كذا سنة و شكرا لمروركم الكريم.المشاركة الأصلية كتبت بواسطة lonedoctor مشاهدة المشاركةComment
-
تسلم ايدك عالموضوع
الجميل ده ...Comment
-
شيئ بسيط اخر في الكماليات
الباور تقيل شويةComment
-
طيب ياجماعةانا عاجباني جدا العربية دي زمعايا 45 الف ينفع اشتري بيهم واحده مستعملة ولا 45 شوية ارجو الافادةComment
-
ايه ياجماعة فين الردووووووووووووووووودComment
-
مشكوور على الموضوع الجميل وانا معاك ان العربية ممتاازة جدا واحسن من غيرها بكتير العربية معايا بقالها سنتين والحمد لله ما اشتكيتش منها لغاية دلوقتيComment
-
أنا محتار ما بين ( بي واي دي - اسبيرانزا - لوجان - فيرنا - أي عربية تانية نفس رينج الأسعار )
بالنسبة للاقتصادية في الاستهلاك
قطع غيار معقولة ومتوفرة
غير معقدة في الصيانة
الثبات والأمان
الاعتمادية ....[CENTER][sor2]http://www.nilemotors.net/Nile/members/38740-albums585-picture2572.jpg[/sor2] [/CENTER]Comment
-
ان شاء الله موفق للخير بالنسبة للاقتصاد فى الاستهلاك لو بتقصد البنزين فهي عملية جدا فى استهلاك الوقود .المشاركة الأصلية كتبت بواسطة ahmedmido_egypt مشاهدة المشاركة
اما قطع الغيار فهي بقت من اهم ميزات العربية من حيث توافر محلات بيع قطع الغيار بأسعار اكثر من رائعة و كذلك الصيانة داخل التوكيل اقتصادية جدا يعني مثلا انا لسة عامل صيانة 25الف دافع مصنعيات 66 ج و الزيت 120 و براحتك عايز تجيب زيت منبرة هات عايز تحط زيت بره براحتك.
من حيث الصيانة خليك مع التوكيل اضمن انا امبارح قبلت فى التوكيل سواق تاكسي عاجبني جدا السيارة عاملة معاه 85الف كم يعني خرجت من الضمان ولسة مع التوكيل فى الصيانة علما انها مش صعبة اي حد بيشتغل فى الياباني له فيها لانها فى شغل الميكانيكا لانسر و العفشة كورولا.
الثبات ممتاز حتى 160 كم
الامان الوحيدة بالسعر ده فيها كل عناصر الامان من اول الحزام الى الوسادة الهوائية و الفرامل abs و قضبان حديد فى الابواب لاء من الناحية دي اطمن.
الاعتمادية ممتازة و ربنا يكتبلك الخيرComment
-
السلام عليكم اخوكم جديد فى المنتدى وامتلك سيارة بى واى دى 2012 f3 كان حلمى ان امتلك هذة السيارة والحمد للة عملت كل جهدى واشترتها زيرو وكنت فرحان بيها جدا لدرجة انى كنت لما الاقى مطب ابقا عاوز انزل اشلها بعيد عن المطب او الف من شارع تانى السيارة مرضية جدا ولكن///////// بعد مرور 8 اشهر على السيارة مع الحرص الشديد اللى انا عاملة فوجئت بان الفتيس اثناء الخروج من الغيار الاولب للتانى كانة فى جاجة مسكاة وبعدين تروح على الغيار التانى مش مرتاح اثناء تلقيم الغيار التانى عارفين يا اخوانى انا مش عارف اوصف لكم مدى حزنى اد اية بسبب الموضوع دة لية منعملش سيارة جيدة بتقفيل جيد ناس هتقول على قد فلوسها طيب دا شقى عمرة كلة حطيتة فى السيارة دى لانها كنت حلم جميل عندى انا اسف طولت عليكم بس حبيت اشرح الموضوع علشان الكل يعرف واتمنا من اللة ان التوكيل يعرف يحل المشكلة دى واللة الموفق المستعانComment
-
هو حضرتك رحت للتوكيل ولا لسه ؟!!
وعلى العموم فيه موضوع مثبت في القسم هنا "خدمة عملاء" وفيه ميل ممكن تقول فيه على مشكلتك وإن شاء الله حتلاقي كل اهتمام وحل للمشكلة .[B][FONT=Comic Sans MS][SIZE=5][COLOR=Green]
[SIGPIC][/SIGPIC]
Life's too Short for the Wrong Job[/COLOR][/SIZE][/FONT][/B]
ziabassem سابقاComment
Comment