مشكلة بالعربية بصوت الموتور

[drpeter]

صباح الخير
منذ 3 ايام لاحظت ان صوت الموتور على اوى
يعنى لما امشى على 110 كان الاول مش بسمع الموتور دلوقتى بحس ان بينعر والار ربى ام معدى 3
يعنى 3 وشرطة ولما بجيب 120 الصوت بيعلى اكتر واكتر لدرجة بحس انى ماشى على ال 3 مش ال 5
والار بى ام يبقى 3.2 او 3.3
هل هذا طبيعى ياجماعة ؟ معتقدش لانى مكنتش ملاحظ الموضوع دا قبل كدا
ياترى ممكن يكون العيب في ايه

[MITSUKERO]

لو العربية مانيوال اكشف علي طقم الدبرياج (الاسطوانه و الديسك و البلية)

والله اعلي و اعلم

[lonedoctor]

السيارة عاملة كام كيلو معاك؟

[lonedoctor]

عموما اكشف على الشكمان هتلاقى فيه كسر فى احد العلب والافضل تغيرها لانه الشكمان ذو جودة سيئة
تقبل تحياتى

[drpeter]

انا نسيت اقول انى ببقى مولع التكييف على 3 ومجربتهاش بدون التكييف الصوت موجود ولالا بصراحة
انا عامل 18500 كم

[akmm]

18500 كم روك التوكيل افضل لآنها اكيد فى الضمان .

[mem]

الزيت ايه اخباره
اتاكد من الزيت ممكن يكون اتحرق ويكون عايز يتغيير ومتنساش ان احنا فى الصيف فلازم تاخد بالك من الزيت وتغييره فى الميعاد

[drpeter]

انا مغير الزيت في صيانة ال 15 الف وكنت عامل سااسا ساعتها 16 الف
يعنى الزيت بقاله 2500 كم

[bassem.naguib]

طب وأخبار السحب معاك أيه .. وعلى العموم بنسبة كبيرة المشكلة في الشكمان زي ما قال د. شريف .. وإن شاء الله تكون مشكلة بسيطة .

[lonedoctor]

نفس المشكلة حصلت معايا على فكرة وكنت هأتجنن ايه السبب ولسه كنت عامل صيانة 10000 كيلو وطلع علبة الشكمان الوسطى فيها كسر وغيرتها بعلبة ميتسوبيشى مستعملة اصلى استيراد ب 180 جنيه باللحام

[drpeter]

شكرا لكل الاخوة الاحباء
استاذ lonedoctor اجيبها منين علبة الشكمان من التوكيل يعنى ولا منين

[lonedoctor]

لالا من عند اى حد بتاع شاكمانات وعلى فكرة نفس الراجل اللى عمل لى الشاكمان لفت نظرى انه فى مكان فى الشاكمان بين العلبة الوسطى والامامية ينفع تزود فيه علبة شاكمان اضافية كمان هيخلى صوت السيارة يتكتم خالص بس انا كبرت دماغى عن الكلام ده

[elmanahry]

انا مع الدكتور شريف الشكمان هو السبب واحب اضيف ان جوان الشكمان الموجود فى المشترك الامامى وراء الرادياتير عندى لازم يتغير كما نصحنى به اثنين من خبراء فى الميكانيكا