أقتراح بتنظيم مقابلة

[bassem.naguib]

السادة مالكي ومحبي byd أقترح تنظيم مقابلة لمزيد من التعارف أولاً سواء للأعضاء القدامى أو الجدد وثانياً لتبادل الخبرات الفنية والمشكلات التي قابلتهم وكيفية معالجتها .. والجديد في هذه المقابلة أنها لم تكون قاصرة على مالكي السيارة فقط .. ولكن لمن يريدون اقتنائها ولديهم تساؤلات عنها

وسوف نتناقش في هذا الموضوع عن أختيار المكان والزمان .. وإن كنت أفضل مبدئياً أن يكون يوم الجمعة نظراً لأنه يوم أجازة مشترك لمعظم الأعضاء .

في انتظار مقترحاتكم .. وأتمنى أن يتفاعل الكثير من الأعضاء ويحضر المقابلة لتعم الفائدة على الجميع (سامعني يلي في بالي) .. تحياتي

[Khaled Suleima]

[flightbyd]

سامعك يا حبى وانا جاهز اى وقت

[bassem.naguib]

ههههههههههه .. كويس أنك فهمتني .. وأعتقد الكثير حيكون عندهم الفضول للحضور لمقابلتك والتعرف عليك .

شوية جد بقى .. حاول تيجي بالفعل .. وأقترح الزمان والمكان .. إن شاء الله تعزمنا وتعزم المنتدى كله حتى على قهوة عندك ... ههههههههههه

[hossam165]

ههههههههههه .. كويس أنك فهمتني .. وأعتقد الكثير حيكون عندهم الفضول للحضور لمقابلتك والتعرف عليك .

شوية جد بقى .. حاول تيجي بالفعل .. وأقترح الزمان والمكان .. إن شاء الله تعزمنا وتعزم المنتدى كله حتى على قهوة عندك ... ههههههههههه

اسمحولي
انا شاكب راكب في الموضوع ده
ههههههههههههههههههههههههههه
حبيبي يا باسم من قبل ايام الحلمية
فينك يا عم ايمن ايه رايك في الموضوع ده
وحشتوني والله يا شباب
منتظر تحديد الموعد والمكان ولتكن ملحمة لاعضاء البي واي دي

[bassem.naguib]

طب يا عم أنا سايب الاقتراحات ليكم .. ما تقترح المكان والزمان ... الهمة يا رجالة

[flightbyd]

اية رأيكوا فى دار الدفاع الجوى بجوار الرقابة الادارية مدينة نصر..............وللى عاوزين يقعدوا على القهوة فية قهوة السوايسة بالكوربة بمصر الجديدة

[bassem.naguib]

تمام يا باشا .. أنا معنديش أي مانع للمكانين ومناسبين .. بس كان ليا ملحوظة وهي يفضل يكون المكان اللي حنتقابل فيه يكون فيه بارك لركن العربيات مع بعض .. وذلك لتبادل الخبرات بين الأعضاء بشكل عملي .

فهل المكانين اللي اقترحتهم دول يتوفر فيهم الشرط ده .. ولا ليك كلام ورأي تاني .

[flightbyd]

اخويا باسم الراى الاخير ليك ولاخواننا فى المنتدى وانتم تامرونى وانا عليا التنفيذ

[bassem.naguib]

هل المكانين دول فيهم مكان لبارك سيارات بشكل مريح .. هو ده المقصود .

طب أنا أسمع عن مكان أسمه الربوة (أنا مرحتوش قبل كدة .. بس عارفه طشاش) وهو موجود على الطريق الدائري في أخر الشارع اللي يودي لزهراء مدينة نصر والحي العاشر .

وممكن في البارك بتاع كارفور نقعد نتكلم شوية وممكن نشوف كافيه نقعد فيه جوة كارفور .

دول اقتراحين من عندي ومنتظر تعليقاتكم .

[flightbyd]

فية كارفور الجديد فى مساكن الشيراتون لان المعادى بعيد

[bassem.naguib]

ممكن .. مع أني مرحتوش قبل كدة وفرصة أني أتعرف عليه عن قرب ههههه .. في انتظار المزيد من الاقتراحات ... الهمة يا رجالة .

[fzgywr]

ل معاكوا انشاللة و خصوصا علشان نفسى اتعرف على الاستاذ flightbyd

[bassem.naguib]

ل معاكوا انشالله و خصوصا علشان نفسى اتعرف على الاستاذ flightbyd

أنت حتقلقه ليه ... ههههههههههههههه .. إن شاء حيجي المقابلة .. وكلنا اخوات حتى لو كان فيه اختلاف في وجهات النظر وده لا يفسد للود قضية .

طب ما تقترح يا باشا مكان شايفه مناسب يتوافر فيه شروط بارك مريح للأعضاء وكذلك مكان نقعد فيه .

[ehabpopo]

طول عمرك سباق بالخير يا باسم وانا اعتقد ان اقتراح المقابلة وتعارف الناس ببعض ده خير كبيييير ...
انا معاكم إن شاء الله ... بس ماليش فى اقتراحات الاماكن ... اى مكان معاكم ان شاء الله كويس... المهم الصحبة الحلوة ...