صور مقابلة شهر 9 2012

[bassem.naguib]

المكان : كافيتريا الربوة

أسماء الحاضرين من اليمين للشمال
أ/ محمد جاد الكريم (gad_fcis)
أ/ أسامة (ozama22)
أ/ أيمن (memos)
أ/ حسام (hosam165)
أ/ أيهاب (ehappopo)
أ/ محمد حسن (زائر للمنتدى وقريباً عضو في المنتدى وأسرة بي واي دي)

أهم ما تم مناقشته في المقابلة تمثل في الآتي :

* ضرورة توفير التوكيل لبعض الكماليات المرغوبة من مالكي السيارة وتركيبها داخل التوكيل مثل وحدات الرفع .. وكاسيت دي في دي مزود بـشاشة GPS وكاميرا خلفية .. وبعض الكماليات الأخرى التجميلية مثل الأسبويلر والفوج لايت .

* تبادل الخبرات بين الأعضاء عن مميزات السيارة وبعض المشاكل التي واجهتهم وكيفية حلها .. وتطبيق ذلك عملياً على سياراتهم.

* اتفق الحضور على ضرورة استجابة التوكيل لتغيير زيت السيارة لأي نوع يحضره معه العميل طالما هو مطابق للمواصفات التي أوصى بها صانع السيارة أو بمواصفة أعلى .

* فرع الإسكندرية مازال الأفضل في إرضاء العميل .. وكلمة السر م/ أسامة مبروك .. فهو لا يكتفي بما يطلبه العميل في أمر الشغل بل يتعدى الأمر ذلك وإصلاح بعض الملاحظات التي لا يلاحظها العميل وغير مكتوبة في أمر الشغل .. فألف تحية للقائمين على فرع إسكندرية الواجهة المشرقة للتوكيل .

* الاقتراح على التوكيل اعتماد مراكز خدمة متطورة ومجهزة بأجهزة عالية الجودة للقيام بالصيانات الطارئة أو الدورية للسيارة .. وذلك لمواجهة الضغط على فرعي القطامية والشرابية ومحاولة تقديم خدمة أفضل للعميل .

* ابتكار car kit للجميلة F3 .. اختراع مصري بسيط بواسطة أ/ حسام (hosam165) سوف يتم ذكرها في موضوع منفصل .. ونحن في انتظار الموضوع .

وفي النهاية أود أن أشكر السادة الحضور وأتمنى من الله أن تكون المقابلات القادمة أكثر حضوراً وتفاعلاً من الأعضاء سواء مالكي السيارة أو الراغبين في امتلاكها ومناقشة أصحابها في فنيات ومميزات السيارة ومشاكلها لأن الغرض الرئيسي من هذه المقابلات هو الإفادة والاستفادة بين الأعضاء وبعضهم البعض .

وبالإضافة لما سبق .. فإن المنتدى يعد بمثابة النبض الحقيقي لمالكي السيارة والمرآه التي يرى من خلالها التوكيل رغبات عملائه .

# ولان المقابلة كانت مثمرة بالفعل .. أقترح على السادة الأعضاء تنظيم هذه المقابلات بشكل دوري ولتكن مرة كل شهر يتم الاتفاق عليها لتحقيق المزيد من التفاعل والتواصل بين الأعضاء .. تحياتي .

[bassem.naguib]

سمعت أمبارح في المقابلة أن شكل العدادات بتاع f3 أتغير وبقى شكله أفضل .. يا ريت لو حد عنده صورة ليها يرفعها على المنتدى .

[hossam165]

بجد يا جماعة كانت مقابلة رائعة
اتعرفت فيها علي ناس محترمين جدا
ودارت بينا نقاشات مثمرة فعلا
اتمني انه يتكرر كل شهر كما اقترح اخونا باسم
استاذ محمد جاد واستاذ اسامة المرة القادمة مافيش اعذار
او انصراف بدري كما فعلتم هذه المرة
باسم نسيت تكتب انك انت اول واحد من اليمين في الصورة الثانية ماينفعش كده
انا عارف انك شمعة تحترق لكي تنير للاخرين بس برده لازم تتكلم
ههههههههههههههههههههههه
حبيبي من ايام الجيزة

[bassem.naguib]

بجد يا جماعة كانت مقابلة رائعة
اتعرفت فيها علي ناس محترمين جدا
ودارت بينا نقاشات مثمرة فعلا
اتمني انه يتكرر كل شهر كما اقترح اخونا باسم

فعلاً يا باشا .

استاذ محمد جاد واستاذ اسامة المرة القادمة مافيش اعذار او انصراف بدري كما فعلتم هذه المرة .

المرة الجاية مفيش أعذار .. فيه ضرب نار لو اتكرر الموضوع ده .

باسم نسيت تكتب انك انت اول واحد من اليمين في الصورة الثانية ماينفعش كده
انا عارف انك شمعة تحترق لكي تنير للاخرين بس برده لازم تتكلم
ههههههههههههههههههههههه
حبيبي من ايام الجيزة

وبمناسبة الشمعة اللي بتحترق أحب أسمعك أغنية شادية

قوم ولعلك شمعة نورها مستنيك ..
وأرحمني وأعمل موضوع الـ Car Kit الله يخليك

ههههههههههههههههههههه

[ابو اسلام]

فعلاً يا باشا .


المرة الجاية مفيش أعذار .. فيه ضرب نار لو اتكرر الموضوع ده .




وبمناسبة الشمعة اللي بتحترق أحب أسمعك أغنية شادية

قوم ولعلك شمعة نورها مستنيك ..
وأرحمني وأعمل موضوع الـ Car Kit الله يخليك

ههههههههههههههههههههه

ياريتني كنت معاهم............ههههههههههههه

[ehabpopo]

مقابلة كانت جميلة وموفقة الحمد لله .... ويا استاذ / حسام انت اللى انسان محترم انت وكل الناس اللى كانت فى المقابلة ...
واتمنى ان تتكرر هذه المقابلات ... وشكرا ليكم على الوقت الجميل والممتع والمفيد اللى قضيناه سويا ...

[MuslimMeskeen]

انا ان شاء الله ناوي اشتريها وعاوز احضر المقابلة الجاية مع حضراتكم اوي...

[bassem.naguib]

يا فندم المقابلة دي كانت من شهر 9 2012 .. وحصل بعديها مقابلات تانية كتير (كل شهر تقريباً) أخرها مقابلة شهر مارس الماضي .. ونتشرف بوجودك معانا .. بس تابع مواضيع القسم هنا وغالباً بتبقى في الأسبوع الأخير من كل شهر .

[elmanahry]

فعلا كلكم ناس محترمين صورة ومعنى ولكن صورة الاستاذ باسم كاملة غير موجودة

[mhssa]

انا عاوز اكون معاكم المقابلة الجاية لانى ناوى اشترى السياره دى اوتوماتيك وعاوز اعرف كل حاجة على الطبيعة وانتم اهل الثقة من خلال متابعتى للمنتدى الرائع نايل موتورز خصوصا رجال البى واى دى الافاضل .

[ehabpopo]

انا عاوز اكون معاكم المقابلة الجاية لانى ناوى اشترى السياره دى اوتوماتيك وعاوز اعرف كل حاجة على الطبيعة وانتم اهل الثقة من خلال متابعتى للمنتدى الرائع نايل موتورز خصوصا رجال البى واى دى الافاضل .

المقابلة بكرة الاربعاء ... 2013/4/24 ... كافتريت جراند .. اللى فى سوق السيارات ... من الساعة 8 مساء
تشرفنا يا باشا ...
وده لينك موضوع المقابلة ... فى الصينى العام
http://www.nilemotors.net/Nile/349646-a.html