استلمت byd f3 2013 فيرانى

[peter magdy]

مساء الخير على احلى شباب فى المنتدى
قبل ما ابتدى كلامى شكر خاص جدا جدا للاستاذ / عماد حبيب
بأمانة انسان محترم فوق الوصف استحملى رخمتى و كان صبور جدا معايا و مملش منى -- شكرا جدا لحضرتك و يعوضك خير انشاء اللة
الحمد للة اشتريت BYD F3 2013 يوم التلات بالليل من التوكيل
على فكرة معلومة حصرية جدا
العربية متوفرة فى التوكيل و انا حجزت يوم الاتنين و استلمت يوم التلات
من فرع شارع البحرين امام حديقة الميرلاند من مدير الفرع و كانت فى عربية عندة بتاعة زبون تانى قالى لو معاك الفلوس تعالى خدها وورقها بكرة علشان الحسابات قفلت فقلت استنى بكرة و اكتفى بالعربون و استلمها بكرة برورقها
استاذ / شهاب -- بردو انسان محترم ميتخيرش عن استاذ عماد مش هتمشى من عندة الا و انت مبسوط ومستريح نفسيا
اللى بيدور على العربية هبقى اكتب رقمة و رقم الفرع بس مش كل الالوان متوفرة يعنى فى اللوان تستلمها بسرعة و اللوان ممكن تقعد اسبوعين تلاتة
دفعت عربون 1000 جنية قبلها بيوم علشان اخد ورقها تانى يوم مع العربية علشان جالى عقدة من المعارض فى النقطة دى المهم
اخدت الفاتورة و اقرار استلام العربية لكن فى ورقة هتتوثق من مرور الدراسة و خيرنى اخدها دلوقتى و اخلصها انا ولا يخلصوهما هما و استلمها تانى يوم -- انا اخترت رقم 2 و هستلم انهاردة الورقة دى
-----------------------------------
عايز اقول بقا فولتها بنزين 92 و اخذت العيلة و كانت عندنا ضيفة
كنا 6 افراد و من ضمنهم 2 حجم عائلى لوحدهم و شغلنا التكييف
و الحمد للة الحمد للة العربية كان سحبها قوى و زى الفل
بس دى مرة حلاة العربية كدة
------------------------------------
دلوقتى طلب من ملاك السيارة حد يفهمنى الانذار دة بيشتغل ازاى
و انا بستلم العربية فتحتها من الريموت اديت زومرتين كدة و نور
من ساعة ما دوست على الذرار الاحمر و هما بقت صيلنت انا محرج علشان مش فاهم
دلوقتى اظبطة تانى ازاى علشان انا راكنها فى الشارع علشان ملقتش مكان فى 2 جراج ف هيفضى اخر الشهر قالى علشان حرام تسيبها ممورة و ورانى مثال بسبب الحركة دى كل الاكصدمات مجرحة
و تانى حاجة الشنطة ك العادة رخمة شوية
------------------------------------
هل لو رحت توكيل الشرابية ممكن يظبطولى الشنطة و الانذار ولا لازم استنى صيانة الالف
الصراحة عربية محترمة جدا و للى متردد ميخفش
و ربنا يوفق الجميع

[bassem.naguib]

ألف مبروك .. وربنا يباركلك فيها ويملهالك خير ويكفيك شرها .. في انتظار انطباعاتك عنها بعد كدة باستمرار .

بس يا ريت تراعي إجراءات التليين في أول 1000 كيلو ويا ريت متشغلش التكييف برضه وأعتبر المرة اللي شغلتها فيه على سبيل التجربة .

الشكل بتاع العدادات القديم ولا الجديد .. ومنتظرينك في المقابلات القادمة إن شاء الله .

[peter magdy]

ألف مبروك .. وربنا يباركلك فيها ويملهالك خير ويكفيك شرها .. في انتظار انطباعاتك عنها بعد كدة باستمرار .

بس يا ريت تراعي إجراءات التليين في أول 1000 كيلو ويا ريت متشغلش التكييف برضه وأعتبر المرة اللي شغلتها فيه على سبيل التجربة .

الشكل بتاع العدادات القديم ولا الجديد .. ومنتظرينك في المقابلات القادمة إن شاء الله .

العداد الشكل الجديد --- على فكرة شكلة جميل جدا
بس فى حاجة
فى حاجة كمان العربية انا سبت زجاج السائق و الزجاج اللى جنبة مفتوح و بعدين قفلت بالريموت
العربية قفلت الابواب لكن الزجاج مطلعش و قفل --- مع انى و انا ببص فى البلوكنة تاكسى جار لينا ساب الزجاج و لما قفل بالريموت
الزجاج طلع لوحدة --- هل دة عيب تقفيل ولا ممكن حاجة تتظبط و انا مش عارفها

[bassem.naguib]

مش عيب تقفيل ولا حاجة .. جارك مركب وحدات رفع للزجاج .. والعربية مبتنزلش بالأوبشن ده .. بس كدة

لو كنت حضرت المقابلة كنت عرفت الكلام ده ههههههههههه .. لأن دي أحد مطالب أصحاب السيارة من التوكيل بتوفير وحدات رفع وتركيبها داخل التوكيل .

[S O P H O S]

الف مبروك يا باشا
ربنا يباكلك فيها ..

[Osama_Elkotsh]

الف مبروووك
ياريت السعر من فضلك

[akmm]

الف مبروك .

[amrelsha3er]

الف مبروك ربنا يكفيك شرها
ممكن تفهمنى بس ايه مشكله الشنطه اللى عاوزهم يظبطوها؟!!!!!!!!!!!!!!!!

[amrelsha3er]

الف مبروووك
ياريت السعر من فضلك

سعرها 72الف مانيوال

[peter magdy]

متشكر جدا لتهانى الاعضاء و عقبال كل اللى نفسة فيها

[ehabpopo]

الف مبروك ... وربنا يديك خيرها ويكفيك شرها

[stariieg]

الف الف مبروك.........
و عقبالى يارب
ربنا يباركلك فيها و يكفيك شرها

[elmanahry]

الف مبروك سيادتك كسبت سيارة وخلينا نكسب صديق يكتب للقسم ويفيدنا بخبراته

[peter magdy]

مش عيب تقفيل ولا حاجة .. جارك مركب وحدات رفع للزجاج .. والعربية مبتنزلش بالأوبشن ده .. بس كدة

لو كنت حضرت المقابلة كنت عرفت الكلام ده ههههههههههه .. لأن دي أحد مطالب أصحاب السيارة من التوكيل بتوفير وحدات رفع وتركيبها داخل التوكيل .

مساء الخير يا استاذ باسم
و اللة كان نفسى احضر بس فى التوقيت دة كنت عمال ادور على العربية فى معارض كتير لانها مش موجودة خالص مش عارف السبب
بس الحمد للة
معلش تتعوض فى المقابلات الجاية انشاء اللة
و شكرا لكل الاعضاء و اى استشارة اكون جربتها بنفسى مش هستخسرها فى حدشكرا

[ehab78]

الف مبروك العربية الجميلة
وربنا يديك خيرها ويكفيك شرها
وفي انتظار التقرير الجامد