ارجو الاهتمام و الرد ولكم جزيل الشكر

[Eng Sherif]

السلام عليكم :
انا المهندس شريف , عضو جديد في المنتدي , وربنا يجازيكم خير عن المعلومات اللي بنستفادها كلنا من بعض
الموضوع باختصار اني مشدود جدا لل f3 و بفكر جديا في شرائها
بس انا سالت كتير وطبعا عربيه حكايه , بس موديل 2012 منها كان عيوب الصناعه فيه كتير بشكل مبالغ فيه

فهل الموضوع ده موجود في موديل 2013 ولا لسه ماتجربتش ,
يعني الواحد يتوكل علي الله ولا يستني شويه ؟ و سعرها كام المانيوال , وممكن اقسطها عند مين ؟؟

وسؤال اخير طفاسه , هيا ولا frv ؟؟

و لكم جميعا مني دوام العافيه...

[bassem.naguib]

السلام عليكم :
انا المهندس شريف , عضو جديد في المنتدي , وربنا يجازيكم خير عن المعلومات اللي بنستفادها كلنا من بعض
الموضوع باختصار اني مشدود جدا لل f3 و بفكر جديا في شرائها
بس انا سالت كتير وطبعا عربيه حكايه , بس موديل 2012 منها كان عيوب الصناعه فيه كتير بشكل مبالغ فيه

فهل الموضوع ده موجود في موديل 2013 ولا لسه ماتجربتش ,
يعني الواحد يتوكل علي الله ولا يستني شويه ؟ و سعرها كام المانيوال , وممكن اقسطها عند مين ؟؟

وسؤال اخير طفاسه :e_braces[1]: , هيا ولا frv ؟؟

و لكم جميعا مني دوام العافيه...

أهلاً بيك يا باشمهندس / شريف ونورت المنتدى بصفة عامة .. وقسم بي واي دي بصفة خاصة .


أنا مش فاهم قصد حضرتك بعيوب صناعة دي ؟! هل علشان مشكلة الحرارة .. لو كدة فهي مشكلة سخونة وهمية تظهر في لوحة العدادات فقط ولا وجود لها في الموتور (وهي على فكرة ظهرت في الأتوماتيك فقط وليس المانيوال) .. ولو قصد حضرتك مشاكل في التقفيل وخلافه فهي مشاكل ليست جوهرية وبتتحل في أول صيانة أو لو رحت مركز الصيانة .

سعر المانيوال 72 .. وسعر الأتوماتيك 84 .. تقسط فين دي بقى حضرتك حتشوف أفضل العروض فين وتتفق معاهم .. وأعتقد أن أفضل العروض وأقل فائدة من بنك ناصر (مش متأكد)

بالمقارنة بينها وبين أي عربية أخرى في نفس الفئة السعرية .. ده موضوع راجع ليك أنت شخصياً ومش أي حد تاني .. طبقاً لمعايير المقارنة الموضوعية .. مثل أية اللي ححصل عليه مقابل ما أدفعه .. أسعار قطع الغيار وتوافرها وهل في بدائل ليها أم لا .. الوكيل وخدمة ما بعد البيع .. أعتمادية السيارة نفسها وهل هي دي السيارة اللي حتحقق احتياجاتي (سفر - داخل البلد - معدلات الأمان - استهلاك البنزين ووو) .... إلخ من المعايير اللي بتسألها لنفسك قبل اتخاذ قرار شراء أي سيارة .

وفي النهاية أعمل استخارة وربنا حيوجهك للاختيار الصحيح بالنسبة ليك أنت مش حد تاني .. وأفتكر أنه لولا اختلاف الأذواق لبارات السلع .. واللي يناسبني ويعجبني ممكن مينسبكش ولا يعجبك .

أهلاً بيك مرة تانية .. وأبقى طمنا وصلت لأيه .

[Eng Sherif]

شكرا علي اهتمامك يا باشا , و المنتدي منور بالناس الحلوه اللي فيه

اقصد طبعا عيوب التقفيل لاني سمعت ان الموضوع ده فيموديلات 2012 زايد عن حده ومعرفش الكلام ده مظبوط او لا

و الواحد لما مش بيبقي شاطر في مجال معين بيحاول يسال اهل الخبره والمعرفه علشان كدا انا سالت ايه رايكم فيها , وخصوصا اني لسه راجع من معرض و حاسس بحيره , في اني اختار بينها وبين الفيرنا و اللانوس , انا معنديش فكره كويسه بالعربيات ف حابب استفسر , انا محتاج عربيه زي ماحضرتك قولت توفر بنزين و تكون قطع غيارها كويسه و تكون امان علي الطريق لان شغل هيستدعي سفر كتير وتكون متينه و اكيد مخسرش فيها كتير في حالة لو فكرت ابيعها ... افيدوني

[bassem.naguib]

شكرا علي اهتمامك يا باشا , و المنتدي منور بالناس الحلوه اللي فيه

اقصد طبعا عيوب التقفيل لاني سمعت ان الموضوع ده فيموديلات 2012 زايد عن حده ومعرفش الكلام ده مظبوط او لا

و الواحد لما مش بيبقي شاطر في مجال معين بيحاول يسال اهل الخبره والمعرفه علشان كدا انا سالت ايه رايكم فيها , وخصوصا اني لسه راجع من معرض و حاسس بحيره , في اني اختار بينها وبين الفيرنا و اللانوس , انا معنديش فكره كويسه بالعربيات ف حابب استفسر , انا محتاج عربيه زي ماحضرتك قولت توفر بنزين و تكون قطع غيارها كويسه و تكون امان علي الطريق لان شغل هيستدعي سفر كتير وتكون متينه و اكيد مخسرش فيها كتير في حالة لو فكرت ابيعها ... افيدوني

بالنسبة لموضوع التقفيل فأنا مسمعتش عنه بصراحة أنه زايد ولا حاجة .. اللهم إلا من العيوب العادية اللي بتتعالج في أول صيانة .. زيها زي أي عربية في نفس الفئة السعرية وبتتجمع في مصر .

وده لينك لموضوع لعضو معانا هنا لسه مشتري العربية .. وبسم الله ما شاء الله ربنا يباركله فيها ويكفيه شرها .. وعامل تقييم مبدئي للعربية :

http://www.nilemotors.net/Nile/312072-byd-f3-2013-a.html

وبما أن حضرتك محتار في الاختيار بين أكثر من عربية في نفس الفئة .. أنا أدعو حضرتك لحضور المقابلة في اللينك ده :

http://www.nilemotors.net/Nile/312220-byd.html#post3874563761

وإن شاء الله يتم الاتفاق بين أعضاء القسم هنا على اليوم .. وفرصة بالنسبة لحضرتك في مناقشة مالكي الدايو والبي واي دي بشكل عملي ووجهاً لوجه .. وبرضه حرجع وأقولك .. (الأختيار حيكون ليك أنت وحدك) .. لأن توجيهك لشراء عربية معينة دي مسئولية .. وأنا شخصياً لا أقدر على تحملها في حالة أنها لو معجبتكش بعد كدة .. تحياتي يا باشا .. وإن شاء الله ربنا يهديك للاختيار الصحيح .

[drpeter]

اهلا بحضرتك استاذ شريف
اولا من حيث عيوب التقفيل فانا مش حيبت بيها اوى واى مشكلة زى مشكلة الشنطة بتتحل في التوكييل عادى مش معضلة
ثانيا من حيث التقسيط فاختار الانسب والافضل ليييك
ثالثا من حيث المقارنة بينها وبين الاف ار فى فانا من وجهة نظرى ان البى واى دى عائلية اما الاف ار فى شبابية
ودا بيرجع لاحتياجكك انت ولامكانياتك المادية سواء الان او لصيانة العربية وانا بالنسبالى كانت البى واى دى للعائلة هى طبعا الافضلاضافة الى وسائل الامان التى بها
شوف اللى يناسبك واتكل على ربنا
ومبرووك مقدما

[اسامه عبدالله]

السعر الآن 73000 مانيوال ....85000 أوتوماتيك وذلك من يوم الخميس 4 اكتوبر

[Eng Sherif]

شاكر ردودكم جميعا

[Eng Sherif]

هوا حضرتك بتشتغل ايه يا باشا ؟

[peter magdy]

مساء الخير
انا حبيت افيدك علشان انا كنت دايخ زيك لفت و تفكير
المهم
الحمد للة انا لسة شارى سيارة لون فيرانى من عشر ايام موديل 2013
السيارة الحمد للة هايلة و مافيش عيوب تذكر الا الشنطة و لما كلمت التوكيل قالى تعالا اى وقت حتى لو مكملتش الالف كيلو الاولى
اعتقد ان التوكيل تلافى اخطاء كتير ظهرت فى الموديلات اللى فاتت و عالجها فى الجديد
الحمد للة نشكر ربنا انا مش بشتكى الا من الشنطة و مش عارف اظبط الانذار و هروح التوكيل اظبطة
لكن المشاكل الكتير اللى فى السخونة او تتكة فى الفرامل او نتشة الغيار كل دة مش موجود
دا رأى عن تجربة و ربنا يوفقك

[hany901119]

لو عايز نصيحة من واحد هالك العربية اغلب اليوم لأنها تاكسى وعامل بيها لحد دلوقتى 20000كيلو (توكل على اللــــــــــــــــــــــــــــــــــــــــــــه)

[bassem.naguib]

السعر الآن 73000 مانيوال ....85000 أوتوماتيك وذلك من يوم الخميس 4 اكتوبر

ليييييييييييييييه غليت ألف جنية كدة

لو عايز نصيحة من واحد هالك العربية اغلب اليوم لأنها تاكسى وعامل بيها لحد دلوقتى 20000كيلو (توكل على اللــــــــــــــــــــــــــــــــــــــــــــه)

ربنا يباركلك فيها ويكفيك شرها يا هاني باشا .. ليا رجاء خاص عند سيادتك .. وهو لو وقتك يسمح تحاول تيجي مقابلة القسم بالاشتراك مع قسم دايو .. لتبادل الخبرات والفنيات حول السيارة بصفة خاصة .. ولو حيبقى فيه مقارنة بينها وبين الدايو بصفة عامة .. وكذلك للتعرف على حضرتك بشكل شخصي مع الأعضاء الآخرين .. تحياتي

http://www.nilemotors.net/Nile/312220-byd.html