أقسم بالله العظيم توكيل زبالة

[hzem]

محدش ليه كلمة هناك و بتاع الضمان بيمشي كلامه علي كبيره و المديرين و محدش عارف يحكم الصنايعة و حاجة زي الزفت و تتصل بمليون واحد من اللي كانوا بيكلموك في التوكيل اختفوا وقت المشكلة ان كان اشرف مرسي او غيره
مديرهم قالهم غيروا بلية درك بتاعت الدبراياج و بتاع التوكيل مش عايز يغيرها مش عارف ام التوكيل ده مين بيمشي كلام مين حاجة زفت و الله ابو الفتوح برقبتهم
لو حصلت مشكلة في العربية و الله افضحهم في حماية المستهلك
حاجة زفت و قرف
نصيحة من اللي هيشتري حرام تدفع مبلغ الضمان و ضريبته لانك مش هتستفاد بيه باي حاجة و هتلبسهم علي الفاضي

[hzem]

http://www.nilemotors.net/Nile/310777-a.html

[matrix_it]

نوع العربية ايه ؟؟ او ايه التوكيل دة ؟؟
انا مش عارف مين اللى شغال عند مين!! نجيب عربيات خليجى يعنى ؟؟

[matrix_it]

مخدتش بالى انها byd !!!
طيب حضرتك جربت سياسة الصوت العالى معاهم قبل كدة ؟

[elsherif_2000]

و ليه سياسه الصوت العالي اصلا المفروض المشاكل كلها تتحل من غير و لا كلمه
و بعدين يعني متوقع ايه من توكيل لادا مش عارف ليه من كلام الزملاء بحس انه زي المصلحه الحكوميه

[hzem]

مخدتش بالى انها byd !!!
طيب حضرتك جربت سياسة الصوت العالى معاهم قبل كدة ؟

صوت عالي و صوت واطئ و اخترام و مشاكل و قاعده مع رئيس مجلس الأدارة و كبير المهندسين و كبير المركز و كله تثبت و مسكنات و المدير بيامر مهندس الضمان انوا يغير بلية الدريك و مهندس الضمان بيقول للسواق بعد ما مشي المدير بص انا مش اغير بلية الدرك دلوقتي و انا اغير الزيت بتاع الفتيس و اعمل حاجات و مش هتسمعها تاني و لو سمعت الصوت ابقي تعالي بعد يومين الصوت رجع تاني و بيقول للسواق لا ده طبيعي مش اغير بلية درك تعالي اركبك اي عربية تانية و هتلاقي الصوت كله واحد بس مع ملاحظة ان ممكن الصوت ده يكون عالي في عربية وواطئ في عربية تانية و الراجل ده بيصلي و عارف ربنا و في يوم كنت بكلمه و ندهت عليه مرتين معبرنيش علشان زعلان مني.

[akmm]

مهما كان صمم على حقك .

[flightbyd]

هههههههههه الحمدلله يارب انى مظلمتش حد فى التوكيل وكل اللى كنت بقولة اتعمل مع ناس تانية ممكن هما كمان ميكونوش على حق هههههه اى واحد فى المنتدى يقولك واية يعنى بلية الدبرياج واية يعنى العربية بتسخن دى حاجة بسيطة تعرف انة مرتاح ماديا ومعاة قرش محيرة فعشان كدة ميهموش يسمع حاجة فى العربية عيب صناعة ولا العربية تخرب هيجيب الف غيرها

[matrix_it]

و انت هناك كلم النجدة و اعمل محضر

[اسامه عبدالله]

أولا ال معاه قرش زياده مش هيجيب byd......مش كده ولا ايه....انا شايف ان اى مشكله لها حل لكن المهم هو كيف احل ...ومادام معك حق فلا تتنازل عنه بس اهدى شويه لإنك من الواضح انك عصبى جدا ولن تأخذ حققك بهذه الطريقه ال انت عاملها على صفحة نايل موتورز بل العكس انت بتبعد عن حل مشكلتك مع التوكيل وبتعاديه وهذا مش صح ...ربنا يوفقك فى حل مشكلتك ...وياريت تعرفنا عملت ايه

[darsh_]

نصيحة ليك عن تجربة

توكل على الله و اعمل شكوى في حماية المستهلك ( و لا تتنازل عنها بعد ما تعملها حتى لو جالك صاحب الشركة في الصين ) و خليها ميري و ان شاء الله تعمل الي انت عاوزه طالما حقك

للاسف مهما كترت المحاولات و كل ما نقول الحال هيتصلح في مركز القطامية تكتشف انه هيفضل خرابة كدة طول عمره على الرغم من محاولات صادقة من البعض بتحسين الامور و لكن بلا جدوى للاسف

و الله و الله توكيل و شركة لا يستحقوا سيارة بقيمة ال byd و لا يدركون الكنز الي في ايديهم

و يا ريت محدش يدخل يدافع عنهم و لا يقول مشكلة بسيطة و لا يقول بلاش الاسلوب ده لانهم ( للاسف ) مش بيجوا غير بضرب ال ................

[ahmadems]

ربنا يكون فى عون حضرتك, وياريت تعمل شكوى فى حماية المستهلك وإن شاء الله خير
طب دلوقت أنا معايا ال f0 وللأسف طلع منها صوت عالى والميكانيكى قالى دى بلية دبرياج ولازم تتغير
هل دى بتبقا عليهم فالضمان ولا كدا كدا هدفع تمنها وهما بيغيروها فى الضمان
وفى كل الأحوال الناس نصحونى أنى مسفرش بيها للتوكيل لأنى فى العريش وقالولى إنها مش هتوصل لحد هناك
فعايز أفهم, لأن لو كدا كدا دافع يغور الضمان لأنى مبستفدش منهم حاجة غير تغيير الزيت بس ومفيش أى حاجة بطلبها بتتعمل, أنا دلوقت 30 ألف كيلو

[mhmhmh75]

اهدى يا باشا وركز كدة اشتكيهم لجهاز حماية المستهلك واطلب عمل تقرير من خبراء كلية الهندسة ولبسهم في الحيط مدام مفيش ضمير يصلحوها على حسابهم او يغيرولك العربية لو العيب لا ينفع لة تصليح وكمان لازم تفضحهم في كل حتة علشان ميغلبوش الناس دة كدة خلو العربية نقمة وبدل ما بتمتع بعربيتك بقيت تحلم بكوابيس

[flightbyd]

سلملى على دكاترة كلية الهندسة وحيشربوا شاى بالياسمين مع حسن سليمان