توكيل القطاميه بقى بيبوظ حاجات كمان

[miah]

انا كنت قايلهم , يعملوا الشنطه و النور الامامى يعدلوه و رشاشات مياه الزجاج و قلتلهم فى رجه خفيفه فى العربيه على السلانسيه

المهم اخدت العربيه و عايز اقولك ان مفيش حاجه اتظبط صح

الشنطه اتعملت بس مفارقه و الفرق باين
النور نزلوه لتحت بس العالى يمين ضارب ناحيه الشمال و مش شايف منه حاجه لدرجه انا قولت ان اللمبه فصلت
الرشاشات زى ما هى
الرجه زى ما هى
و قالى هيوطيلى الموتور علشان الار بى ام عالى

بعد ما ركنت باليل , لقيت الار بى ام بقى عالى تانى
جربت النور لقيت الحول بتاع الكشافات ده
ركزت مع العربيه على السلانسيه , حسيت بالرجه تانى

كمان اكتشفت النهارده , انى لما اجيب الدركسيون يمين او شمال على الاخر , بسمع صوت زنه فى مكنه الباور

الصوت ده مكانشى موجود قبل صيانه الالف

السؤال دلوقتى , ينفع اروح اسكندريه , اعمل الحاجات دى هناك , بدل ما اضطر اروح القطاميه تانى ؟؟؟

علشان انا اصلى بتنرفز بسرعه و لو رحت تانى و الحاجات متعملتشى ممكن تقلب بخناقه كبيره معاهم

[lonedoctor]

اكيد طبعا والمهندس اسامة مبروك رجل رائع وذو ضمير يقظ جدا ولقد اخجلنى باخلاقه العالية والتى تنبع من قلب مملوء بالايمان والخوف من الله ولانزكيه على الله طبعا ودون اى واسطة او توصية ستجد مايسرك ان شاء الله
تقبل تحياتى

[esmail_ali]

مينفعش أصلا انك تكسر الدركسيون على الاخر خالص ده طبعا أكبر غلط على علبة الدريكسيون وعلى الباور والكابلن كمان انما انا معاك ان التوكيا بقى فى حالة لا يحسد عليها

[miah]

مينفعش أصلا انك تكسر الدركسيون على الاخر خالص ده طبعا أكبر غلط على علبة الدريكسيون وعلى الباور والكابلن كمان انما انا معاك ان التوكيا بقى فى حالة لا يحسد عليها

انا عارف انه غلط و علشان كده مبعملهاش اصلا

و علشان مكتشفتش الموضوع الا النهارده بس بالصدفه و انا بطلع العربيه من الجراج بعد يومين من ما كونت فى الصيانه

قبل ما اروح التوكيل مكانشى الكلام ده موجود

بعد ما روحت ظهر

[miah]

اكيد طبعا والمهندس اسامة مبروك رجل رائع وذو ضمير يقظ جدا ولقد اخجلنى باخلاقه العالية والتى تنبع من قلب مملوء بالايمان والخوف من الله ولانزكيه على الله طبعا ودون اى واسطة او توصية ستجد مايسرك ان شاء الله
تقبل تحياتى

من كتر ما سمعت عن الانسان ده , بتمنى انى اقابله

انا هحاول مع القطاميه يوم السبت

لو حصلت مشكله هروح الاسكندريه الاحد الصبح باذن الله

[ehabpopo]

من كتر ما سمعت عن الانسان ده , بتمنى انى اقابله

انا هحاول مع القطاميه يوم السبت

لو حصلت مشكله هروح الاسكندريه الاحد الصبح باذن الله

قلبى معاك والله ... وكان الله فى عونك .... بس انا كمان بنصحك بتوكيل الاسكندرية .... وخاصتا انهم ما عملوش حاجة غير تغيير الزيت ... وان شاء الله ترجع مبسوط وفرحان بعربيتك .... بس ضرورى تقولنا عملت اية وتطمنا عليك وعلى العربية

[miah]

احقاقا للحق

استاذه داليا كلمتنى النهارده

و قالتلى تعالا بكره و ان شاء الله كل حاجه هتخلص , و قالتلى اعدى عليها هناك و هى هتتابع الموضوع

بكره ان شاء الله هروح القطاميه و ربنا يسهل