F0 و أتو سمير ريان

[ak_626]

قدر الله و ماشاء فعل

كنت حاجز f0 من عند سمير ريان و رحت امبارح استلم و بعد ما دفعت و خلصت كل الاجراءات و خلاص هركب و امشي.
قلت اعاين السياره مره اخيرة و عيني و قعت على تجريح في الاكصدام الامامي و الباب الجانبي و اللي قفلني خالص كان تنقير في السقف!!!!
و طبعا مفيش عندهم غيرها و البياع الشاطر بيقولي انا مش شايف مشكله ده كلام عادي !!!
ده على اساس اني بشتري عربيه مستعمله و الا ايه؟؟؟
طبعا حاول يرضيني و قاللي اصبر و هاعملك خصم حلو.... بعد نص ساعة رجع و هو في قمة السعادة و قال لي عملتلك خصم هايل 250 جنيه!!!..... بصراحه كتمت في نفسي و مرضتش اشتمه.
و قلت انا عندي ليك خبر احلى.... قالي ايه.. قلت له انا عايز اسحب فلوسي.
و فعلا سبته يهري لحد ما أخذت كل فلوسي و عديتهم و مشيت.
و الله انا كان ممكن اصبر لحد مايجيبوا عربيه تانيه بس طريقة التلبيس و عادي و العربيه زي الفل و مافيهاش حاجه جعلتني اهرب منهم واحس انهم عايزين يبيعوا و خلاص و مش فارق معاهم رضا العميل.

و ربنا يعوض عليا خير ..... العربيه دي مش مكتوبه لي.

[S O P H O S]

ربنا يعوضك بخير عنها
ونصيبك فواحدة غيرها ..

[john55]

قرار جرئ

[addams_2]

خير ما فعلت

[akmm]

ممتاز .. وتصرف سليم انت بتدفع فلوس تعبان فيها وهما بيستهبلو ... وده إستنطاع منهم .

[ehabpopo]

احسن حاجة عملتها .... روح مراكز البيع لشركة الامل اكيد ها تلاقيها

[ak_626]

و الله يا جماعة الخير مشكورين على دعمكم المعنوي الجميل ده
و انشاء الله هاروح فرع القطاميه يوم السبت و ربنا يكرم و يكون في نصيب انشاء الله

[waelprince2003]

بس حلوة انا عملتلك خصم هايل 250 جنيه

[hany901119]

ربنا يوفقك انشاء الله الى الافضل

[bassem.naguib]

والله أنا سمعت سمع مش خير أبداً عن المعرض ده بالذات .. وأساليبهم في البيع وليه بتكون ساعات أرخص من أي توكيل .. بس الحمد لله أنك أتخذت القرار ده .. ومش حيفرق تأخير يوم ولا أسبوع ولا حتى شهر في استلام العربية .. المهم أنك تستلم عربية سليمة ومش معيوبة .

[ابو اسلام]

وعسي ان تكرهوا شيأ وهو خيرا لكم

[dedi]

احسن حاجة عملتها

[aboomar22]

فكرتنى بحكاية واحد مرة كان شغال فى معرض موزع معتمد حكهالى ان العربيات كانت فى مخزن عندهم والغفير بتاع المخزن عنده كلب حراسة الكلب بقى كان بيطلع فوق سقف العربيات ويجرح فى الابواب المهم اكتشفوا ان الكلب جرح كام عربية جابو بتاع دوكو محترف يظبط العربيات وكان بيبيع عربية مرشوش الباب بتاعها بحرفية المهم العميل خد العربية وهو بيستلم فى الشارع واحد ماشى فى الشارع بالصدفة بص كده وقاله على فكرة فيه فرق بين لون العربية ولون الباب المهم المشترى قعد يدقق فعلا لقى فرق مش ملحوظ الا بتتدقيق ساب العربية وحاولوا يغيروها رفض نهائى التعامل معاهم الناس مبقاش عندهم ضمير والراجل كان بيحكيلى كانها شطارة منهم

[Kareem.ElAraby]

سيدي الفاضل ربنا يكرمك بحاجه كويسه ان شاء الله و مضمونه
انا عن نفسي اشتريت منه و بعد كده عرفت عنه سمعته اللي زي الزفت و انه بيستعبط في تقليب العربيات الخليجي و حاجات من العربيات و الاسعار المنخفضه ديه بتبقي ليها زيتونه انت و حظك قفشتها ولا لا
ملكشي نصيب في العربيه ديه و ان شاء الله تلاقي اللي انت عاوزه
كل تأخيره و فيها خيره
مبروك مقدما و ربنا يباركلك فيها و يكفيك شرها

[egyptiandiver]

Bravo