تغيير سوستتين للعربية بتاعتى

[hany901119]

غيرت سوستتين خلفيتن للعربية علشان بعد ماركبت الغاز العربية هبطت من ورا وبسم الله ماشاء الله ادائهم حلو قوى ومش ناشفييين والعربية مبتخبطش من ورا بالعكس بقت تاخد وتدى مع المطبات اكتر...

السوستتين ياجماعة الخير بناءا على كلام العفشجى بتوع زلموكة وبيظبطهم وبيعدل فيهم مكان تريحهم على القعدة القديمة علشان يرتاحو كويس وهما على العموم لما عديت الحلقات قبل مايركبهم لقتهم 10حلقات اما بتاعة العربية الاصلية فكانت 11 حلقة طبعا هتقلولى ازاى بقىىىىىىىىى ؟؟!

بصوا يارجالة السوسته اللى انا ركبتها اتخن بحاجة بسيطة من السوسته الاصليه ولذلك مبتسقطش عند التحميل والضغط عليها كونها اتخن (يعنى محملة)فأعطت العربية ارتفاع قليل وحافظت على هذا الارتفاع بعد تركيب الغاز وبما انها اقصر حلقة من الاصلية فالمساعد مبقاش مفتوح للاخر بقى ياخد ويدى فى المطبات والحاجة دى انا لاحظتها جدا وهذا ينتج عنه :
1/عمر اطول للمساعد
2/مفيش دب من ورا للعربية (العفشة مبدبش)
3/مفيش تكسير للركب بتاعت العربية (وهو مكان التقاء العفشة عليه )

طبعا هتقلولى طب ازاى هى اقل حلقة من الاصلية وعملت ارتفاع اعلى للعربية هتلاقينى بجاوب عليك واقولك لأنها انشف من الاصلية فمهبطتش جامد فمحافظه على ارتفاعها

[Ramy Rateb]

ربنا يبارك لك فى العربية و يسلم طريقك .. أنا ارجو من حضرتك انك تفضل متابع حالة ركب العربية لان السوستة اللى ركبت انشف و أتخن من الاصلى و ده ممكن يسبب مشكلة فى المستقبل على الركب .. و ان شاء الله ما يحصلش حاجة.

[hany901119]

ربنا يبارك لك فى العربية و يسلم طريقك .. أنا ارجو من حضرتك انك تفضل متابع حالة ركب العربية لان السوستة اللى ركبت انشف و أتخن من الاصلى و ده ممكن يسبب مشكلة فى المستقبل على الركب .. و ان شاء الله ما يحصلش حاجة.

كتر خيرك ياحبيبى بس متقلقش علشان هى مش تخينة للدرجة هى اتخن بنسبة بسيطه جدا من بتاعتها اللى زى قلتها ولو تاخد بالك هتلاقيهم معليين العربية موديل 2013 اكتر من 2010 و 2011 و 2012 علشان حسوا بصحة كلامنا

[bassem.naguib]

تسلم أيدك يا هاني باشا على التقرير المفيد ده .. وفعلاً ممكن تكون الحلقات عددها أقل ولكن التخانة بتاعة السوستة أكبر (محملة زي ما بتقول) فتدي أداء أحسن وتبقى ماسكة نفسها ومتهبطش لو فيه حمل عليها زي أنبوبة الغاز أو ركاب بالمقعد الخلفي .

طب مش العلو بتاع العربية في الموديل 2013 (أنا مشفتهاش أو ملاحظتهاش) ممكن يأثر على اتزان العربية .

[elmanahry]

شكرا استاذ هانى على طرح موضوع السوست الخلفية وارجو ان نسمع ونقرا مشاراكات اكثر فى انسب نوع يركب بدون ان تعلو السيارة حتى لا يؤثر ذلك على اتزانها انا اتمنى تغيير السوست الخلفية ولكن بدون تعلية للسيارة او تاثير اخر على العفشة فما هى الماركة المناسبة وشكرا جزيلا

[ابوجنى2112]

غيرت سوستتين خلفيتن للعربية علشان بعد ماركبت الغاز العربية هبطت من ورا وبسم الله ماشاء الله ادائهم حلو قوى ومش ناشفييين والعربية مبتخبطش من ورا بالعكس بقت تاخد وتدى مع المطبات اكتر...

السوستتين ياجماعة الخير بناءا على كلام العفشجى بتوع زلموكة وبيظبطهم وبيعدل فيهم مكان تريحهم على القعدة القديمة علشان يرتاحو كويس وهما على العموم لما عديت الحلقات قبل مايركبهم لقتهم 10حلقات اما بتاعة العربية الاصلية فكانت 11 حلقة طبعا هتقلولى ازاى بقىىىىىىىىى ؟؟!

بصوا يارجالة السوسته اللى انا ركبتها اتخن بحاجة بسيطة من السوسته الاصليه ولذلك مبتسقطش عند التحميل والضغط عليها كونها اتخن (يعنى محملة)فأعطت العربية ارتفاع قليل وحافظت على هذا الارتفاع بعد تركيب الغاز وبما انها اقصر حلقة من الاصلية فالمساعد مبقاش مفتوح للاخر بقى ياخد ويدى فى المطبات والحاجة دى انا لاحظتها جدا وهذا ينتج عنه :
1/عمر اطول للمساعد
2/مفيش دب من ورا للعربية (العفشة مبدبش)
3/مفيش تكسير للركب بتاعت العربية (وهو مكان التقاء العفشة عليه )

طبعا هتقلولى طب ازاى هى اقل حلقة من الاصلية وعملت ارتفاع اعلى للعربية هتلاقينى بجاوب عليك واقولك لأنها انشف من الاصلية فمهبطتش جامد فمحافظه على ارتفاعها

تسلم ايدك .. تقرير جميل .. وربنا يستر طريقك..ياستاز /هانى....

[lonedoctor]

ممكن نعرف رقم العفشجى وعنوانه؟

[bassem.naguib]

ممكن نعرف رقم العفشجى وعنوانه؟

والتكلفة

[hany901119]

التكلفة 240ج وفاصلت معاه فى 10ج بالعافية وبقوا 230ج وتشمل ثمن السوستتين+المصنعية علما بأن السوست دى بتيجى وبيعمل عليها بعض التعديلات كى تلائم السيارة وبيروح عند حداد بيعمل قاعدة السوست على ضيق (يقال كوبايه) علشان ترتاح على مقاس الطبق اللى فى المساعد

[bassem.naguib]

تسلملنا يا هاني باشا يا مظبطنا بالجديد .

[abomona]

التكلفة 240ج وفاصلت معاه فى 10ج بالعافية وبقوا 230ج وتشمل ثمن السوستتين+المصنعية علما بأن السوست دى بتيجى وبيعمل عليها بعض التعديلات كى تلائم السيارة وبيروح عند حداد بيعمل قاعدة السوست على ضيق (يقال كوبايه) علشان ترتاح على مقاس الطبق اللى فى المساعد

شكرا لك اخى الكريم نرجوا معرفة مكان العفشجى فين ولك كل التقدير