تعظيم سلام باحترام

[ابوجنى2112]

هذه الكلمة لاتكفى أن توفى رجال توكيل أسكندرية حقهم..
ليييييييييييييييه..هاقولكم ..
أنا عديت 250040كم..صعب عليا انى كسرت ال 25000كم..
طقت فى دماغى النهاردة الساعة 12 ضهرآ..أروح التوكيل..
أتصلت بالآنسة داليا..قولت لها عايز تليفون فرع أسكندرية علشان هاعمل صيانة هناك.تكرمت مشكورة
وعرضت عليا أذهب لتوكيل القطاميةيوم الأحد .وهى هاتنسق معايا أنها تتلبع معايا العربية..
الحقيقة شكرتها..وحكيت بعض التجارب القديمة فى توكيل .القطامية,, والشرابية.
المهم شكرتها وأخدت الرقم وضربت فى دماغى مافيش فائدة هاروح النهاردة أسكندرية.يعنى هاروح.
آلووووو ياتوكيل ..شغالين لغاية الساعة كام..
==الساعة خمسة يافندم.

طب أنا من مصر وهاجى مخصوص..علشان أعمل صيانة..

===لو حضرتك فى الطريق الينا اتفضل تعالى.

اناممكن احجزعندكم ...

==أتفضل بدون حجز.

انا هاجى على الساعة 3 عصرآ ينفع..

ينفع تعالى


تخيلو دخلت التوكيل وهما بيصلوا العصر..والطريق كان زحمة..والدنيا كانت بتمطر..
وجه مبتسم من أول البوابة...
ثوانى المهندس بيصلى وهاييجى يبص على العربية..ويكتب الجوب
جه المهندس اسامة (رجل على خلق وقمة فى الأحترام )
شرحتلة مشاكلى وبص على الجوب اللى كتبه موظف الأستقبال ..
أول حاجة قالها..حمداله على السلامة..بس المفروض كنت تيجى بدرى شوية ..علشان نعملك كل اللى أنت عايزه..أنت جاى من مسافة..عامة هانحاول نعملك المهم..
تخيلو فى ساعة وربع..عمل أية
صيانة 25000كم كاملة ..زيت.. وفلتر..3.25لتر وأعطانى الباقى واحد من الرجالة.
تنظيف فلتر الهواء والتكييف..واحد تانى.
تزويد مياه مقطرة بنفسه للبطارية..
صوت رنة وشخلله..فى الخلف..راجل تالت..حل وركب وزود وردتين وتمام ياباشمهندس
الانوار مع انها مش فى الأوردر...مجرد أنى قلت عليها وهما شغالين فى العربية ..جه الكهربائى ظبطها.
شكوى استهلاك البنزين ..فك البوجيهات..بص عليها وجابها وراهانى بنفسة..
وحط الجهاز ورستر العربية وضبط رعشة السلانسية ..وقالى اقى طمنى فى أقرب وقت على أستهلاك البنزين ..
وطلع يجرب العربية وخدنى معاه ..لأنى كنت باشتكى من صوت جوه الصالون زى التكتكة بتاعة التايمر
ورجح أنها تكون من حزام المان ..أو فى فرش الابواب..والحقيقة كان مهتم جدا بالموضوع..ولكن علشان
نوصل للحوار دة بالضبط..عاوزين وقت ..
الساعة 4.50 كانت العربية جاهزة على الباب برة ..وأنا بحاسب على الفاتورة (231 ج م )
شكرت المهندس أسامة وجميع العاملين..بصوت عالى..
وفى حديث جانبى أنا وهو فقط وقلت له أنا هاكتب الكلام دة على الموقع..
قال مافيش داعى..أنا بعمل شغلى وبس ..ومابدخلش علشان اتابع ...
قلت له ربنا يجازيك كل خير..بس لازم الناس تعرف..
توكيل واحد ..ولكن تختلف عزائم الرجال ..وصدق الهمم..والضمير الحى
وعلى وعد منى بتكرار الصيانة هناك..






سبحانك اللهم وبحمدك ، أشهد أن لا إله إلا أنت أستغفرك وأتوب إليك

[Karim Ibiza]

يا ريت كل التوكيلات كده

[S O P H O S]

مبروك الصيانة يا باشا ..

[ابوجنى2112]

يا ريت كل التوكيلات كده

يارب يسمع منك...والباقى يغيروا..ويتحمسوا..

[ابوجنى2112]

مبروك الصيانة يا باشا ..

شاكر فضلك..وربنا يبارك فيك.

[bassem.naguib]

حمد لله على السلامة يا باشا من شرم ومن اسكندرية .. أنت كدة زنقت م/ أسامة في اسكندرية ومدتوش الفرصة الكاملة في الكشف على العربية .. بس إن شاء الله يكون قام بالواجب .. فهو راجل فاهم وذو ضمير صاحي ومبيكروتش ..

بس أيه الأخبار بعد الصيانة واستهلاك البنزين ؟! وأداء العربية وأنت راجع .. يا ريت شوية تفاصيل كدة متبقاش بخيل هههههههههه .

[yasser_z9]

على قكره انا عملت صيانه الالف ك فى القطاميه اول ما دخلت بالعربيه جه المهندس عمل الورق بتاعها وبعد كده جه واحد لبس الكرسى كيس مكتوب عليه بى واى دى وغطاء طاره الديريكسون وخلال 45 دقيقه كانت العربيه خلصنا
انا شايف ان فرع القطاميه ممتاز

[samer5000]

انا خرجت من التوكيل بسبب توكيل الشرابية أسوأ توكيل في العالم

[ehabpopo]

مبروك الصيانة يا باشا ... وربنا يديك خيرها ويكفيك شرها ... وكلام حضرتك بيثبت ان توكيل الاسكندرية وكل العاملين فية والمهندس اسامة ... بصرف النظر عن الضمير والدقة والامانة اللى بيشتغلو بيها الواضح انهم بيحبو شغلهم فعلا ... ربنا يباركلهم فى صحتهم وارزاقهم ... ونتمنى ان توكيل القطامية يتعلم منهم ....

[bassem.naguib]

نتمنى أن طقم اسكندرية بأكمله بسلطاته بي بابا غنوجه يجي القاهرة .. وطقم القاهرة يروح اسكندرية ... ههههههههههه

يا أما تتعمل كورسات تدريب بالإسكندرية للعاملين في فرع القاهرة .

[ashams1977]

انا بردو بشكر في فرع القطامية
هما بطاء فعلا ولكن في النهاية عملوا الشغل وغيرولي حساس التي بي اس
من غير مصنعية لان السيارة بالضمان بعد ما طلعوا روحي بس انا مبسوط في النهاية لان الحاجة اتعملت ومشيت والحق لازم يتقال 0

[sv065]

هكذا ما تعودناه دائما مع أي إنسان يتعامل مع مركز الإسكندرية

الرجال لا ينتظرون شكر أو مدح ويشعرون بحجم المسئولية الملقاه علي عاتقهم

هذا ما لمسته واضحا جليا من المهندس الفاضل/ أسامة مبروك

ولا انسي أبدا اول زيارة لي في صيانة 1000 كيلو لسيارتي في 2009
والوجه البشوش له والحرفيه والإتقان والسرعة في العمل
مع الكشف الشامل سواء علي الملاحظات أو غيرها

لا يشترط أن أكون قريب فلان او بواسطة من علان

تحية وإحتراما لكل القائمين علي مركز إسكندرية فهما مدحنا لن نوفيهم حقهم

[rti]

فعلا من افضل التوكيلات على الاطلاق فرع اسكندرية

[ozama22]

هو دة المهندس اسامة مبروك وتوكيل اسكندرية

[bassem.naguib]

وهو ده أسامة باشا بتاع زمان