الفاميه على الرخصه والسعر للبي واي دي

[petra_b2]

من فضلكم كنت عايز استفسر عن السياره البي واي دي 2013 .. من ناحية السعر لاني سألت النهرده في معرض في سموحه - اسكندريه قالي 74 وشفت على النت وانا بدور ان السعر ممكن تلاقيه من 73 او 72ونص .. السعر ده ممكن الاقيه فعلا يعني في فروق توصل لألف ونص بين السعر المعلن وسعر الشرا ولا ايه .. وبعدين حابب اعرف موضوع الفاميه على الرخصه بيكون ازاي عشان معنديش اي فكره ... لاني كلمت المعرض قالي العربيه مش نازله فاميه قالي انته خدها فيمها .. فهل قصد افيمها عادي وهوه يديني ورق العربيه مثبوت فيه الفاميه ... عايز افهم النقطه دي من فضلكم .. وهل توكيل اسكندريه هو احسن من المقطم اللي الكل مخنوق منه ولا كله زي بعض ؟؟

وشكر مقدما على الافاده .. تحياتي

[sayedmagic]

اناهفيدك في نقطة الفاميه طالماالعربية مش بثبوت في الافراج بتاعه فاميه يبقي مستحيل تفيمه الا بوسطه ممكن نثبت ستائر من غير وسطه واحسن بالذات لوكنت بتسوق بليل كتير

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[peter magdy]

انا لسة شارى 2013 بس من 3 شهور
بزجاج فامية و العداد الازرق
بالنسبة للفامية -- جواب السيارة اللى هتروح بية المرور هتلاقى علية اختام كتير افراج جمركى و حاجات تانى من ضمن الاختمام هتلاقى ختم مستطيل مكتوب علية --( زجاج خلفى و جانبى ملون ) بس كدة
و الرخصة لما تتطلع بيبقى مكتوب عليها نفس الكلمة فاجدع كمين ميقدرش يعملك حاجة بس من غير تفييم الامامى علشا هما نصحين و عارفين انة الخلفى بس هههههههه
و لعلم حضرتك موديل 2012 بزجاج فامية و جنط جديد اللى زى بتاع الكيا
2013 هو هو زى 2012 بس بيزيد العداد الازرق
موفقك انشاء اللة

[bassem.naguib]

من فضلكم كنت عايز استفسر عن السياره البي واي دي 2013 .. من ناحية السعر لاني سألت النهرده في معرض في سموحه - اسكندريه قالي 74 وشفت على النت وانا بدور ان السعر ممكن تلاقيه من 73 او 72ونص .. السعر ده ممكن الاقيه فعلا يعني في فروق توصل لألف ونص بين السعر المعلن وسعر الشرا ولا ايه

السعر الرسمي في التوكيل للمانيوال 73 والاتوماتيك 85 .. أي معرض سيارات بيبيع بأوفر برايس نظراً لأنك بتستلم فوري ومبتنتظرش فترة زي التوكيل (ممكن تكون شهر)

.. وبعدين حابب اعرف موضوع الفاميه على الرخصه بيكون ازاي عشان معنديش اي فكره ... لاني كلمت المعرض قالي العربيه مش نازله فاميه قالي انته خدها فيمها .. فهل قصد افيمها عادي وهوه يديني ورق العربيه مثبوت فيه الفاميه ... عايز افهم النقطه دي من فضلكم

في ورق العربية اللي بتستلمه من التوكيل وبتروح بيه للمرور للترخيص بيكون مثبت أن الزجاج الخلفي والجانبي فامية .. وبالتالي المرور مجبر لإثبات ذلك في الرخصة .. وتخلي بالك وأنت بتستلم الرخصة أن الفامية يكون مثبت فيها .
ممكن تكون العربية اللي عنده في المعرض إصدار قبل ما تبقى فامية .. ولو فيمتها مش حيكون مثبوت في ورق العربية .. وبالتالي مش حتتثبت في الرخصة .

.. وهل توكيل اسكندريه هو احسن من المقطم اللي الكل مخنوق منه ولا كله زي بعض ؟؟

لا طبعاً مش كله زي بعضه عن تجارب أعضاء كتيرة .. توكيل أسكندرية محدش اشتكى منه خاااااااالص .. وده ممكن يكون راجع لعدم الضغط بشكل كبير عليه أو لنوعية الفنيين الموجودين هناك وعلى رأسهم م/ أسامة مبروك .

وشكر مقدما على الافاده .. تحياتي

اناهفيدك في نقطة الفاميه طالماالعربية مش بثبوت في الافراج بتاعه فاميه يبقي مستحيل تفيمه الا بوسطه ممكن نثبت ستائر من غير وسطه واحسن بالذات لوكنت بتسوق بليل كتير

كلام مظبوط .. بس توضيح بسيط العربية إنتاج محلي .. وبالتالي ملهاش إفراج جمركي .

[petra_b2]

شاكر جدا للاهتمام والافاده .. :)

sayedmagic

peter magdy

bassem.naguib


تحياتي