إعـــــــلان

Collapse

.

,
See more
See less

ليه اشتريت ال بى واى دى اف ثرى byd f3 2013 ؟

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • 1000مبروك

    حقيقى السيارة جميلة وفيها من الرفاهيه الكثير - بعد الاقتناء شرفت بشرائى لهذه السيارة - وذلك بعد بحث مضنى ومجهد للبحث عن سيارة فى حدود الثمن اللى اشتريت بها هذه السيارة- امكانيات عديدة ورائعة خاصة واننى من جيل بعيد شوية عن جيل هذا الزمن - فقد جربت الفيات بكل انواعة -وما ادراك من سيارات هذا الزمن - لكن لى ملاحظة واحدة فقط للامانة - لكن رغم ارتفاع السيارة ومع وجود ركاب فى الكنبة الخلفية ومع وجود مطباتنا اللعينة فى شوارعنا المعتادة فإنها تحك قليلاً - وتحتاج الى الصبر فى عبور هذه المطبات 0 غير ذلك لا اجد اى مشاكل حتى الان والحمد لله -1000 مبروك لكل مقتنى الbyd وهنيئاً بها

    Comment


    • ابراهيم حسنين;3875034815]حقيقى السيارة جميلة وفيها من الرفاهيه الكثير - بعد الاقتناء شرفت بشرائى لهذه السيارة - وذلك بعد بحث مضنى ومجهد للبحث عن سيارة فى حدود الثمن اللى اشتريت بها هذه السيارة- امكانيات عديدة ورائعة خاصة واننى من جيل بعيد شوية عن جيل هذا الزمن - فقد جربت الفيات بكل انواعة -وما ادراك من سيارات هذا الزمن - لكن لى ملاحظة واحدة فقط للامانة - لكن رغم ارتفاع السيارة ومع وجود ركاب فى الكنبة الخلفية ومع وجود مطباتنا اللعينة فى شوارعنا المعتادة فإنها تحك قليلاً - وتحتاج الى الصبر فى عبور هذه المطبات 0 غير ذلك لا اجد اى مشاكل حتى الان والحمد لله -1000 مبروك لكل مقتنى الbyd وهنيئاً بها[/QUOTE]

      ألف مبروك على العربيه ,, ممكن تغير السوست الخلفيه فل وكيل على الضمان بسوست تانيه عندهم أكثر استحمالا

      أو تغير بميتسوبيشى لانسر للخلفى و تويوتا كرولا للأمامى


      و الله أعلم

      Comment


      • تصدق ان موضوعك ده يعتبر موسوعه يا احمد

        بجد بجد بجد رائع فعلا

        Comment


        • المشاركة الأصلية كتبت بواسطة diakkoko مشاهدة المشاركة
          شكرا على الرد والاهتمام بس ليا سؤال هل العيوب اللى حضرتك ذكرتها ده موجوده فى الموديلات التقفيل الصينى يعنى موديل 2007 و موديل 2008 ولا ايه واخر الموديلات التقفيل الصينى لغايه سنه كام واى موديل سنه فيهم افضل لانى شايف ان التقفيل المصرى فى عيوب فى موديل سنه مش موجوده فى موديلات سنين تانيه مثال زى السخونه فى موديل 2012 فى بعض الناس اشتكوا منها مش موجوده فى موديلات تقفيل مصرى موديل سنين اخرى وشكرا

          متهيالى ان الموديلات الصينى لغاية 2008 فقط
          انا عربيتى 2007 اشترتها مستعملة وكانت الحرارة بتهيس برضه لغاية لما غيرت حساس الحرارة والمشكلة انتهت الحمد لله
          انا مركبتش التقفيل المصرى لكن صنايعية التوكيل وناس كتير بتقول ان التقفيل الصينى افضل من المصرى بكتير ( اكيد طبيعة العامل البشرى هتفرق )
          ارجو ان اكون قد افدتك
          ( ادخلوا مصر ان شاء الله امنين )

          Comment


          • والله ليك وحشة ياعربى ...فيتك ياحبيبنا
            لله اﻷمر من قبل ومن بعده

            Comment


            • أرجو تقبل أسفي لكن إسمحلي أقول رأيي ان العربية دي معفنه اوي بحكم تعاملي معاها لمدة سنة و8 شهور :(

              Comment


              • المشاركة الأصلية كتبت بواسطة mohamedsaber2 مشاهدة المشاركة
                أرجو تقبل أسفي لكن إسمحلي أقول رأيي ان العربية دي معفنه اوي بحكم تعاملي معاها لمدة سنة و8 شهور :(
                ممكن اعرف سبب رأى حضرتك ده لأنى ان شاء الله مقبل على شراء السياره
                يعنى هل فيها عيوب صناعه ، او سوء تقفيل ، وجه نظرك تهمنى للأهميه
                [gdwl][glow=#3f38a1][CENTER][LEFT]عاشت مصر حره مستقله[/LEFT][/CENTER][/glow][/gdwl]

                Comment


                • المشاركة الأصلية كتبت بواسطة mohamed1979 مشاهدة المشاركة
                  ممكن اعرف سبب رأى حضرتك ده لأنى ان شاء الله مقبل على شراء السياره
                  يعنى هل فيها عيوب صناعه ، او سوء تقفيل ، وجه نظرك تهمنى للأهميه
                  بص يا غالي, اولا الخدمة فالتوكيل زي الزفت.

                  اما بخصوص العربية فتقفيلها مش حلو, الصاج بتاعها طري ومش بيستحمل.
                  الالوان بتروح من عالعربية.
                  بتتأثر من أقل حكة أو أقل خبطة فالكصدام تلاقيه ضرب من الجناب.
                  العربية بتتفكك! إزاي؟؟؟ في اجزاء منها بتتخلع لوحدها مع الوقت من اشهر هذه الاشياء هتلاقي الجلدتين الي موجودين فالسقف بيتخلعوا ودي مشكله في كل العربيات مش مشكلة عربية ولا اتنين. الكوتش خامه ردئية جدااااااااا.
                  الحاجة الكويسة الوحيدة من وجهة نظري هي الموتور فقط.

                  العربية كانت معايا سنة و8 شهور غيرت لها مرة ديسك واسطوانه ومره طقم دبرياج (عارف ان ده تقل رجل فالسواقه).

                  انا بحكم خبرتي في سواقة عربيات كتير مكنتش مستريح معاها, وبعدين لاقيت الكرسي بتاعها بيتخلع !!! لوحده معرفش ازاي!

                  التكييف الكباس بتاعه باظ ولما سألت بتاع التكييفات قالي عادي, هي العربيات دي كده.

                  إعادة البيع هتقل معاك جااااااامد.

                  انا كانت معايا بعتها على 47 الف وكانت عامله 85000 كيلو متر وفيها شوية حكات وخبطات والتكييف محتاج كباس.

                  عموما استخدامك غير استخدامي لو هتحافظ عليها وتعملها صيانة دورية فالتوكيل وتكون ايدك فيها باستمرار يبقى ان شاء الله هتعيش معاك, غير كده ماوعدكش :)

                  سلام

                  Comment


                  • التوكيل دة اسوا توكيل فى مصر ولو رجع بية الزمان مكنتش اشتريت العربية دى الناس بتوع التوكيل دول قمة فى سوء معاملة العملاء دة غير الاستغلال الشديد فى تغيير كل شىء فى العربية عندهم مهندس ولا فنى مش عارف اسمة حسام دة ماسك المعاينات والتصليح فى الدراسة الراجل دة قمة فى قلة الذوق فى التعامل اما تتناقش معاة تحس انوا شخص مش طايق يكلم حد دة غير الجشع وقلة الذمة فى تغيير مكونات السيارة اللى حتى ممكن تكون كويسة بس كل همة التغير غير غير بس دة غير انهم ممكن يكرروا بند مرتين فخلى بالكم عموما يا جماعة نصيحة اوعى حد يشترى العربية دى واللى هيشتريها يعرف انوا بيتعامل مع توكيل لادا فعلا تحس انك مش عميل عندهم تحس انهم مشغلينك عندهم لازم الناس تفكر فى التوكيل وانو يكون محترم قبل ميشترى اى عربية , حسبنا اللة ونعم الوكيل .

                    Comment


                    • ياجماعة تنصحوني بالشراء ولا لا لاني كنت مقتنع جداً بس بعد اخر مشاركتين ابتديت اتردد انا بفكر في الاتوماتيك والسعر كام دلوقتي ومواصفاته بالكامل لو امكن وهل فيه خدمة صيانة في الصعيد ولا لا ( المنيا )

                      Comment


                      • السلام عليكم
                        اشتركت ف المنتدى ده حبآ ف byd
                        وعلشان ارد ع مستر احمد العرابى بموضوعه الممتع جدآ جدآ اللى كان السبب ان الباص كان هيفوتنا لكن ربنا ستر
                        اسلوب اكتر من رائع
                        عندى اقتراحين مستر احمد
                        اﻻول انك كاتب محترف استمر ..........وليا نسخة من الطبعة اﻻولى
                        التانية حضرتك ﻻﻻﻻﻻﻻﻻﻻﻻزم تشتغل بيوايضاوى كبيرررر ﻻنك مكسب ذهبى من محترف سيارات حقيقي
                        فين نسبتك من المبيعات
                        ياناس يا بتوع بى واى دى ده كلام فرص يا شعب
                        الحل ان البيوايضاووين ﻻزم يخطفوك ويستفادوا منك ومن عبقريتك
                        خلاص خلاص بلاش خطف كنت بهزر
                        شكرآآآ كتيرررررر كتيررررر ﻻنى استفدت فعلا من موضوعك وكنت مترددة وكلامك حسم موقفى مع الجميلة بس اﻻوتو
                        اخطر مافى الموضوع انى مبتدئة ف السواقة والعربية كبيرة جدآ ما شاء الله
                        لكن حبايبى بيقولوى هتتعودى عليها
                        خوفى على ماتعود وخصوصآ الركنة اكون فشفشتها
                        ممكن تفيدنى وﻻ ارجع ف كلامى واقلب ع الباندينو الكوكو

                        Comment


                        • المشاركة الأصلية كتبت بواسطة masyflower مشاهدة المشاركة
                          السلام عليكم
                          اشتركت ف المنتدى ده حبآ ف byd
                          وعلشان ارد ع مستر احمد العرابى بموضوعه الممتع جدآ جدآ اللى كان السبب ان الباص كان هيفوتنا لكن ربنا ستر
                          اسلوب اكتر من رائع
                          عندى اقتراحين مستر احمد
                          اﻻول انك كاتب محترف استمر ..........وليا نسخة من الطبعة اﻻولى
                          التانية حضرتك ﻻﻻﻻﻻﻻﻻﻻﻻزم تشتغل بيوايضاوى كبيرررر ﻻنك مكسب ذهبى من محترف سيارات حقيقي
                          فين نسبتك من المبيعات
                          ياناس يا بتوع بى واى دى ده كلام فرص يا شعب
                          الحل ان البيوايضاووين ﻻزم يخطفوك ويستفادوا منك ومن عبقريتك
                          خلاص خلاص بلاش خطف كنت بهزر
                          شكرآآآ كتيرررررر كتيررررر ﻻنى استفدت فعلا من موضوعك وكنت مترددة وكلامك حسم موقفى مع الجميلة بس اﻻوتو
                          اخطر مافى الموضوع انى مبتدئة ف السواقة والعربية كبيرة جدآ ما شاء الله
                          لكن حبايبى بيقولوى هتتعودى عليها
                          خوفى على ماتعود وخصوصآ الركنة اكون فشفشتها
                          ممكن تفيدنى وﻻ ارجع ف كلامى واقلب ع الباندينو الكوكو

                          شكرا على ردك و إقتراحاتك

                          بس أنا معرفش أى حاجة عن باندينو الكوكو

                          كوكو ؟؟ !!

                          أنا أعرف كوكو جامبو !

                          كوكو واوا !

                          كوكو كوكو !

                          مدونة أم كوكو !

                          مطعم كوكو فى منطقة غمرة - القاااااااهرة

                          إستكانة كوكو و فوفو !

                          سقوط كوكو بحوزتة بندقية ألية و 25 طلقة بالشرقية !

                          لعبة كوكو الفرخة المجنونة !

                          معجم "بس يا كوكو" !



                          إنما كوكو باندينو ,, و ايه يعنى لما يباندينو ,, ما يبان ,, ايه المشكله عايز أفهم ؟ ,,

                          مافيش حد حيجبر كوكو على حاجه ,, احنا بلد حر متحضر يحترم الاخرين حتى لو كان مع كل إحترامى طلع فل أخر كوكو



                          تصفيق و هتاف حاااااااااااااااااد

                          :b4_388: :b4_388: :b4_388: :b4_388: :b4_388:

                          Comment



                          • .السلام عليكم

                            ياريت يا جماعة حد يفيدنى ويقولى ايهما افضل
                            شيفورليه لانوس / byd f3 / ام جراند
                            عشااااااااااااااااااااان انا تعبت من التفكير
                            وكده كده انا هشتريها ان شاء الله بنك 3 سنين وانا بسافر كل يوم حوالى 150 كم
                            شغلى فى مجال توريدات المصانع
                            طيب لو byd قطع غيارها غالية ولا عادية




                            اخوكم محمود / بلبيس / شرقية

                            رجاء التكرم بالنصيحة

                            Comment


                            • المشاركة الأصلية كتبت بواسطة mimo vip مشاهدة المشاركة

                              .السلام عليكم

                              ياريت يا جماعة حد يفيدنى ويقولى ايهما افضل
                              شيفورليه لانوس / byd f3 / ام جراند
                              عشااااااااااااااااااااان انا تعبت من التفكير
                              وكده كده انا هشتريها ان شاء الله بنك 3 سنين وانا بسافر كل يوم حوالى 150 كم
                              شغلى فى مجال توريدات المصانع
                              طيب لو byd قطع غيارها غالية ولا عادية




                              اخوكم محمود / بلبيس / شرقية

                              رجاء التكرم بالنصيحة

                              خليك فى اللانوس افضل ومبروك على العربية الجديده
                              ملحوظة :بلاش تكتب باللون الأحمر علشان ده لون خاص بالأدارة احسن تتوقف!!!
                              [U][SIZE=5][COLOR=Lime]مع تحياتى وليد [/COLOR][/SIZE][/U]
                              [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

                              Comment


                              • [خليك فى اللانوس افضل ومبروك على العربية الجديده
                                ملحوظة :بلاش تكتب باللون الأحمر علشان ده لون خاص بالأدارة احسن تتوقف!!!
                                [/QUOTE]


                                انا بعتذر لم اطلع على قوانين الكتابة اخى الكتابه اخى الفاضل
                                معلش لو فيها رزاله حضرتك اختر ليا الشيفورليه لانوس
                                هل ده عشان ال byd صينى وسعرها بيقل عند البيع ولا عشان ايه ؟؟؟؟؟

                                الرجاء اعطائى التفسير المنطقى للاختيار

                                دومت لكل خير

                                Comment

                                Working...
                                X