فوجات البي واي دي ... دراع النور لتشغيل الفوجات

[ehabpopo]

السلام عليكم اخوانى الكرام لكم كل الشكر على الافادة فى هذا الموضوع انا واحد من الناس كنت بدور على انى اركب فوانيس الشبورة وكنت محتار ارجوا من اى اخ فاضل ركب الفوج يقولنا بكام ومنين ومين الصنيعى الكويس اللى يركبهم لينا وتكلفة المصنعية ولكم جزيل الشكر على الافادة والموضوع الهام وقبل ما انسى اماكن بيع الفوجات واسم المحلات الموجود فيها الفوج والزراع االخاص ليها ولكم كل الشكر والتقدير

فوانيس الشبورة بتتباع فى التوفيقية ب 110 جم ... فى المول القديم اللى هناك ... امام محل الارخص بتاع الصوتيات ... فى الدور الارضى اول ما تدخل المول ... وفى الدور التانى عند اولاد عوف .... تمام كدة
وبيتباعو عند زكى جرجس فى مصر الجديدة ب 110 جم الى 150 جم .... والدراع عند زكى جرجس فقط ب 160 جم
وابو جنى ركبهم فى مركز الشرابية ...
اما hosam165 ركبهم عند الكهربائى بتاعة ...
واقرا كلام ابو جنى ها تلاقى الموضوع بسيط جدا

[ابوجنى2112]

يا ابو جنى انت قولت فى الاول ان الفنى اللى عملك الشغل ده فى التوكيل اسمه صابر وده معناه انك روحت فرع الشرابية صح كده ؟؟؟؟؟

حبيبى
حبيبى
حبيبى....ملك سوست التعلية..مش كدة برضة..ولا اية
تخمينك صح فى الشرابية

[hany901119]

حبيبى
حبيبى
حبيبى....ملك سوست التعلية..مش كدة برضة..ولا اية
تخمينك صح فى الشرابية

مظبوووووووووووووووووووووووط ياريسنا

[peter magdy]

مساء الخير يا اصحاب الافكار الجميلة و المفيدة
انا روحت التوفيقية علشان اشترى الفوجات لقيتها ب 150 جنية و فضلت الف لغاية ما وصلت لحد ما بقت ب 120 جنية - بس انا مشترتش علشان كان نفسى اجيبها زينون
المهم عرفت عن طريق ناس ان فى كهربائى شاطر كان شغال فى التوكيل و سابة و فاتح ورشة و كلمتة و قالى
لو مشترتش اشترى من واحد من عند الزاوية الحمراء سعرة احسن من التوفيقية و حاجتة مضمونة
و فعلا انا لسة جاى و اشتريتهم ب 100 جنية -- و اشتريت كمان طقم فانوس شبورة خلفى علشان انور المبتين اللى ورا مش واحدة و بفكر اعملهم مع نور الاستوب
و عايز اقول لما سألتة هتركبهم ازاى قالى هركبهم على زرار الشبورة الخلفى - كل دة فى التيلفون
--------------------------
دلوقتى يا جماعة علشان اللى اشترى الفانوس
اللمبة اللى فى الفانوس 27 وات مش 55 واط
دا مكتوب على الفانوس انة يستحمل لمبة حتى 55 واط 12v H3
دلوقتى بالمرة و انا بركبة عايز اجيب لمبة كويسة 55 وات -- سمعت عن لمض فيلبس رالى
بس مش عارف اجيبهم منين علشان يبقو مضمونين ولا بكام ولا اللى بيفع الشبورة
ارجو التفاعل علشان الفائدة تعم
و لما اركبهم اقولكم عملت اية

[bassem.naguib]

رأيي يا بيتر أنه لا يصح إلا الصحيح .. بمعنى أنك متركبهمش على زرار الشبورة (وإن كنت اعتقد أنه يقصد زرار السخان مش الشبورة) .. فحرام تعطل شغل حاجة علشان تشغل حاجة تانية .

الأحسن والأضمن هو الدراع ..و ده من وجهة نظري .. وعلى فكرة الفوانيس اللي جايبها أبو جنى اللمض فيها 55 وات وده يمكن اللي مخلي سعرهم أغلى من اللي أنت جبتهم ... بالإضافة طبعاً أن ممكن تكون الخامة مختلفة .

[peter magdy]

رأيي يا بيتر أنه لا يصح إلا الصحيح .. بمعنى أنك متركبهمش على زرار الشبورة (وإن كنت اعتقد أنه يقصد زرار السخان مش الشبورة) .. فحرام تعطل شغل حاجة علشان تشغل حاجة تانية .

الأحسن والأضمن هو الدراع ..و ده من وجهة نظري .. وعلى فكرة الفوانيس اللي جايبها أبو جنى اللمض فيها 55 وات وده يمكن اللي مخلي سعرهم أغلى من اللي أنت جبتهم ... بالإضافة طبعاً أن ممكن تكون الخامة مختلفة .

صباح الخير يا استاذ باسم
اولا بالنسبة لتشغيلهم على زرار الشبورة
انا هشغلهم على زرار الشبورة الخلفى وانا اشتريت طقم شبورة خلفى باللمض بتاعتهم علشام هشغلهم مع الاستوب -- يعنى زرار الشبورة هيبقى للشبورة الامامى فقط
بالنسبة للزراع انا بحب الاصلى حتى لو مش كامل و مستقبلا لو باظ هبقى اعدل الكلام دة كلة
بالنسبة للشبورة الامامى
على فكرة كل اللى فى السوق 27 واط لكن اللى بيشترى بيتخدع فى الحفر اللى على الكشاف نفسة علشان مكتوب علية 55 واط 12 فولت h3
و دا معناة اعلى لمبة تشتغل علية لكن كل اللى فى اسوق 27 واط حتى اتأكد من استاذ ابو جنى على شدة الاضاءة
و الراجل اللى اشتريت منة تاجر جملة من الاخر مافيش فصال عندة و انا جبتهم منة 100 جنية
و الكهربائى و انا بكلمة فى التيلفون قالى اسعارة احسن من التوفيقية - بس الكلام دة مدخلش دماغى الا لما رحت و اسعار التوفيقية من 150 لحد ما وصلت لاحسن سعر 120
و على فكرة الكهربائى دة كان شغال فى التوكيل وسابة عامل زى ايميل الميكانيكى
------------------
انا دلوقتى عايز اشترى لمض كويسة 55 واط مرة واحد لان دول نورهم ضعيف
و سمعت عن فيلبس بس عايز حد يدلنى اشترى اية و بكام و منين علشان ميضحكش عليا
اسف على الاطالة
شكرا

[bassem.naguib]

تمام يا باشا .. اللي يريحك .. بس خلي بالك من قدرة تحمل الزرار لتشغيل فوانيس الشبورة .. علشان ميحصلش عندك مشاكل لا قدر الله .

[peter magdy]

مساء الخير استاذ باسم
انا لسة جاى و مركب فوانيس الشبورة على زرار الشبورة الخلفى
و دى كل حاجة علشان الاعضاء الجميلة هنا تستفاد
بالنسبة للراجل بتاع قطع الغيار دا جنب اولا رجب قدام كشرى سيد حنفى
المحل اسمة شخلول - بس من الاخر قطع غيار عالية و سعر جامد
انا جبت كشاف فوجات ب 100 و طقم خلفى ب 30 جنية
و دة تيلفون شخلول 01224455753
بالنسبة للكهربائى عم حمدى زى العسل
الراجل دة كان شغال فى التوكيل و سابة زى ايميل بس عفريت بيتعامل مع العربية حلو
عنوانة فى الشرابية --
و انت جاى من غمرة و متجة الى احمد بدوى فى المستشفى العسكرى على اليمين اول شارع على اليمين بعد المستشفى هتدخل فية على نصيتة بتاع عصير قصب هتدخل لاخر الشارع و تدخل شمال تمشى 20 متر و تسأل على حمدى الكهربائى و دة تيلفونة 01142067404
و اللة الراجل بيتعامل مع العربية بأحتراف و فاهم كل حاجة بتتعمل ازاى
بس اللى يروحلة يقولة انا عرفتمك من النت او عن طريق بيتر علشان وعدنى بسعر خاص لشباب المنتدى
----------------------------------------
و على فكرة انا لسة جاى من عندة و ركب الشبورة الامامى على مفتاح الشبورة الخلفى و بالنور فى التبلوة كمان بينور و كان بيسألنى على طريقة اضائة الفوجات على العالى ولا الواطى
انا مبسوط انى ركبتة بس النور ضعيف بتاع الفوجات و على فكرة لما شاف اللمض اللى فى الكشاف قالى انها 55 واط مش 27 زى ما كنت فاكر بس نورهم مش قوى
و لما شافهم قالى دول زى التوكيل بالظبط نفس النقشة و خامتة حلوة عكس اللى كنت بركبة نقشة الكشاف نفسة من اول ما شافة قالى زى الاصلى
كان بيغير سلك اللمبة الاول داخل الفانوس علشان مكنش حلو و اول ما فتح بعد ما شكر فى الفانوس فتح لقى السلك محمل و قوى
بس اللى زعلنى علشان اركب الطقم اللى ورا لازم افك الاكصدام فلقيت نفسى هدخل فى قصة
فلغيتها
و اى استفسار انا فى الخدمة

[ehabpopo]

شكرا يا بيتر على المعلومة القيمة .... ممكن تقولنا على اسعار التركيب ... ده اولا
ثانيا : انت لية ماصورتش تركيب الشبورة ... علشان الناس بردة تتأكد ان فيش الفوانيس موجودة وواصلة للاكصدام ... احنا عارفين كدة بس زيادت تأكيد برده للناس اللى عايزة تتأكد ... واحكيلنا هو عمل اية بالظبط فك الاكصدام كلة ولا فك الكرتيرة من تحت الاكصدام فقط ولا عمل اية بالظبط ... وشكرا ليك يا باشا

[bassem.naguib]

ألف مبروك يا بيتر باشا .. ومستنيين المزيد من الانطابعات عنها وعن تركيبها .

وبالنسبة لقوة الفوجات .. مسألتش ليه إذا كان ممكن يركب عليهم حاجة أقوى من غير ما تأثر أو يحصل ضرر في حاجة .

ها يا شباب حد ليه تعليق أو إضافة تتقال .

[ابوجنى2112]

مبروك يابيتر........ بس خلى بالك..... ( كلام اخوك الكبير يصير ياحسنين ) اقرأها بالصعيدى....ههههههههه.
مفتاح الشبورة الخلفى ..فيه احتمال.. انا بقول اهه..فيه احتمال ...
لما تغير اللمبات ...وتجيبها 55 .. نوع نضيف... زى فليبس رالى مثلا.... انه يبوظ..
طيب مادام هو عدل فيها أصلا ..كان ركبها على النور الصغير اللى هو فى الدراع الاصلى.. وبدون اى تعديلات منه...
اللهم بلغت.... اللهم فاشهد......ومبروك مرة تانية ياحبيبنا.... وارجو يكون توقعى مش فى محله...وكتاوت الشبورة الخلفى هو
الحكم...
وفليبس رالى تباع عند توكيل هاشم باص... ولكن اسف انا مش فاكر العنوان حاليا...اصلية ونور 100/100

[peter magdy]

شكرا يا بيتر على المعلومة القيمة .... ممكن تقولنا على اسعار التركيب ... ده اولا
ثانيا : انت لية ماصورتش تركيب الشبورة ... علشان الناس بردة تتأكد ان فيش الفوانيس موجودة وواصلة للاكصدام ... احنا عارفين كدة بس زيادت تأكيد برده للناس اللى عايزة تتأكد ... واحكيلنا هو عمل اية بالظبط فك الاكصدام كلة ولا فك الكرتيرة من تحت الاكصدام فقط ولا عمل اية بالظبط ... وشكرا ليك يا باشا

بص يا استاذ ايهاب
بالنسبة لسعر التركيب هو خد 30 جنية حق تركيب و 20 كتاوت لزرار الشبورة التاتش علشان يحافظ علية و قالى كدة يعش معاك عمر طويل
بصراحة حكاية الصور دى مجتش فى بالى لان استاذ ابو جينى قال انة ركبهم و حضرتك اشتريت الكشافات فقلت يعنى انا مضفتش اى جديد و بعدين انا رحت بالليل و هو راجل كبير فى السن و كنت بساعدة شوية فجاش فى بالى ان اصور
انا هنزل ابص على حاجة بالنسبة لنور الاكصدام الخلفى علشان انا شوفت افكار و عايز اشوفها فهصور الشبورة و ارفعها كمان شوية
بالنسبة للتركيب
فك مسمرين بس اللى فى اخر الكرتيرة و فك مسمار الماكيت اللى منظر و شد الفيشة و ركب الجديد و ربط تانى كل حاجة و بعدين قعد يظبط مفتاح الشبورة و بعدين راح مركب الشبورة التانى و بقى تمام
بس انا اخدت وقت علشان هعدنا نتكلم على السيارة و التوكيل
على فكرة الراجل دة بيصلح الامبوليزر بتاع العربية و لحد ما ساب التوكيل بمشكلة بيبعتولو تصليح لحد دلوقتى على كلامة و ساعات بيبعتلوة شغل من فرع الشرابية و كان عامل اختراع امان للعربية حلو لدرجة انك لو نسيت المفتاح فى العربية و نزلت منها و مشيت لو حد حب يشغلها و يمشى تعمل انذار و متتحركش و قالى دى برأة اختراع وورانى جرنان كان عامل معاة حديث على الانذار الجديد
و بيصلح اى اعطال كهربا فى العربية وورانى قطع الغيار
بأمانة راجل عفريت و زى العسل -- الراجل دة بالنسبالى كنز علشان انا كنت سألت كتير و عرفت من مش اى حد يعرف يتعامل مع كهربائ العربية
فكنت عمال ادور على حد جرب كهربائى كويس و الحمد للة وصلت و قلت افيد اللى بيدور بردو

ألف مبروك يا بيتر باشا .. ومستنيين المزيد من الانطابعات عنها وعن تركيبها .

وبالنسبة لقوة الفوجات .. مسألتش ليه إذا كان ممكن يركب عليهم حاجة أقوى من غير ما تأثر أو يحصل ضرر في حاجة .

ها يا شباب حد ليه تعليق أو إضافة تتقال .

اللة يبارك فيك يا استاذ باسم
بالنسبة للتركيب انا لسة كاتبة لاستاذ ايهاب
قوة الاضائة ضعيفة -- انا كنت هجيب لبمات فيلبس رالى 55w - h3
بس لما لفيت على النت لقيتها قليلة فى السوق ول ما سألتة قالى هات واحدة من اى واحد بتاع كماليات سيارات ملقتش غير 100 وات و دة كتير على الكشاف
و بصراحة انا كنت فرحان و مستعجل انى اركبهم و خصوصا لما عرفت انهم هيركبو على مفتاح الشبورة دة
بالنسبة للضر على المفتاح
هو ركبلى كتاوت للمفتاح نفسة مش للكشافات علشان تحمى المفتاح
و فى نفس الوقت قالى انة شغل الكشافات نفسها على الكتاوت بتعات العربية و قالى انها 55 وات
و ممكن اجيب اى لمض عايزها و ابقى مطمن و بقى يسمعنى كل ما يشغل و يقفل فى صوت طالع من الجزء اليمين من التبلوة قالى دة صوت الكتاوت الاصلى اللى شغالة علية الكشافات
انا شارح كل حاجة و اى استفسار انا موجود --
و ياريت لو فى مقابلة يا استاذ باسم ابقى نبهنى برسالة خاصة لانى مش بدخل كل يوم و بنسى اصلا - معلش هتعبك معايا

مبروك يابيتر........ بس خلى بالك..... ( كلام اخوك الكبير يصير ياحسنين ) اقرأها بالصعيدى....ههههههههه.
مفتاح الشبورة الخلفى ..فيه احتمال.. انا بقول اهه..فيه احتمال ...
لما تغير اللمبات ...وتجيبها 55 .. نوع نضيف... زى فليبس رالى مثلا.... انه يبوظ..
طيب مادام هو عدل فيها أصلا ..كان ركبها على النور الصغير اللى هو فى الدراع الاصلى.. وبدون اى تعديلات منه...
اللهم بلغت.... اللهم فاشهد......ومبروك مرة تانية ياحبيبنا.... وارجو يكون توقعى مش فى محله...وكتاوت الشبورة الخلفى هو
الحكم...
وفليبس رالى تباع عند توكيل هاشم باص... ولكن اسف انا مش فاكر العنوان حاليا...اصلية ونور 100/100

اللة يبارك فى حضرتك
انتم السابقون و نحن الاحقون -- جول يا كبير
بص حضرتك يا باشا
هو خيرنى انى اشغلة مع النور الصغير فعلا يعنى اول ما اشغل نور التبلوة ( اللى هيا اللمبة اللى زى السهارى ) الفوجات تشتغل
بس انا مردتش لان نور الشبورة معروف انة بيتحرق كل شوية و بيسخن و كلة مشاكل
فقلتلة انا عايز اتحكم فية منفصل سواء مع العالى او الواطى او السهارى اطفية و اشغلة زى ما احب
بالنسبة لزرار النور هو زى ما ذكرت ركب كتاوت امبير عالى مخصوص للزرار علشان يحافظ علية و فى نفس الوقت شغل الكشافات على الكتاوت الاصلية للعربية و لما سألتة قالى هات اى لمض 55 واط و ابقى مطمن من الزرار و من الكتاوت
و هستأذنك لو افتكرت فين مكان التوكيل او تيلفونة قولى لان حضرتك ركبت الفوجات و شوفت نورها عامل ازاى
تحس انة عايز زقة علشان يقوم هو منظر فقط
بس عايز اقولك ان حضرتك اللى شجعتنى على نور الشبورة
شكرا

[peter magdy]

و ادى الصور علشان يبقى الموضوع كامل
سامحونى على جودة الصورة
--------------------
دى صورة تبلوة العربية اثناء تشغيل الفوجات


Uploaded with ImageShack.us


Uploaded with ImageShack.us


Uploaded with ImageShack.us
اتمنى الصور تعجبكو

[ehabpopo]

مبروك التركيب يا بيتر ... وربنا يديك خيرها ويكفيك شرها ...
تقرير حلو ومفصل ... وده اللى احنا عايزينة من كل اعضاء المنتدى ...
بلاش البخل اللى انتم فية ... هههههههههههههههه

[bassem.naguib]

أيه يا عم بيتر .. انت بتضرب الكشافات في عنينا ولا أيه .. عميتنا يا أخي ربنا يسامحك .. هههههههه

تسلم أيدك على رفع الصور يا باشا .. بس من رأي حيبقى من الأفضل لو الصور كانت للإضاءة نفسها مش للكشاف وعلى مسافة (ويا حبذا لو كانت في منطقة ضلمة نسبياً علشان قوة النور تبان .. بس مش مسئول لو وقفت في حتة ضلمة وطلع عليك واحد وثبتك .. هههههههه) .


وتقصد مين بالبخل يا إيهاب ..