مشكلة غريبة فى byd f3

[Most_H]

السلام عليكم

انا الحمد لله ربنا كرمنى وأشتريت BYD f3 مانيوال

وهى دلوقت عامله 180 كم

النهاردة حصل معايا حاجة غربية جدا

كنت واقف على شارع منزل، وبركن العربية، لما كنت بدوس فرامل، واجى ألف الدركسيون بسمع صوت جى من العجل الخلفى (اكن فى حاجة بتزيق او صوت كدة غريب مش عارفه)

المدهش بقى فى الموضوع ان قريبى نزل معايا يشوف الموضوع ولاحظ انه لما بلف الدركسيون، العربية بتعلى من ورى من عند الكاوتش

اية بقى تفسير الظاهرة الغريبة دى؟

وحاجة تانية كمان، الدركسيون بيكون أخف لما بيلف يمين عما بيلف شمال

والفتيس فيه عضة ، وبتكون شديدة فى النقله الرابعة، وفى نتشه فى اول 3 نقلات

هل من حل؟

[elpasha1]

متابع

[melsheshtawy]

أخى الفاضل .. لو ربطنا التزييق مع لف الدركسيون مع تقل الدركسيون (مع إنى مش لاقى تفسير لإنه تقيل فى ناحية واحدة غير إن حضرتك ممكن تكون كنت راكن على أرض مش مظبوطة وفيها عالى وواطى) لكن أنصح حضرتك بالكشف عن زيت الباور ممكن يكون ناقص شوية (طبعا أنا بنيت كل ده على إن العربية ثابته تمام والصوت مع لف الدركسيون بس)
إنما لو الصوت مع حركة خفيفة للعربية هيكون نتيجة حكة التيل قبل ما يفصل تماما عن الديسك ودى مش هتسمعها إلا فى منزل لأن دى الحالة الوحيدة إللى هتشيل رجلك من على الفرامل واحدة واحدة فيمكن تمييز النقطة إللى التيل بيحك فيها قبل ما يفصل خالص عن الديسك
حتة إن سيارة ترتفع من الخلف دى طالما حضرتك واقف على منزل وحمل العربية كله على قدام أكيد (خصوصا مع حمل الماتور) أكيد هتلاقى العربية مرفوعة من عند الشنطة وهتزيد لما تكسر العجل لأن وش العربية هيهبط شويه فبالتالى الحمل هيزيد وعلى قدام وهتلاقيها عليت سنه صغيرة .. لكن لو شئت جرب على ارض مستوية مش هتلاقى أى حاجة من دى
أما عن عضة الفتيس فدى مشكله شائعة فى البى واى دى لكن قد تكون ظاهرة عند حضرتك شوية ممكن تقل شويه مع مراجعة مستوى زيت الفتيس أو حتى تغييرة

[Most_H]

أخى الفاضل .. لو ربطنا التزييق مع لف الدركسيون مع تقل الدركسيون (مع إنى مش لاقى تفسير لإنه تقيل فى ناحية واحدة غير إن حضرتك ممكن تكون كنت راكن على أرض مش مظبوطة وفيها عالى وواطى) لكن أنصح حضرتك بالكشف عن زيت الباور ممكن يكون ناقص شوية (طبعا أنا بنيت كل ده على إن العربية ثابته تمام والصوت مع لف الدركسيون بس)
إنما لو الصوت مع حركة خفيفة للعربية هيكون نتيجة حكة التيل قبل ما يفصل تماما عن الديسك ودى مش هتسمعها إلا فى منزل لأن دى الحالة الوحيدة إللى هتشيل رجلك من على الفرامل واحدة واحدة فيمكن تمييز النقطة إللى التيل بيحك فيها قبل ما يفصل خالص عن الديسك
حتة إن سيارة ترتفع من الخلف دى طالما حضرتك واقف على منزل وحمل العربية كله على قدام أكيد (خصوصا مع حمل الماتور) أكيد هتلاقى العربية مرفوعة من عند الشنطة وهتزيد لما تكسر العجل لأن وش العربية هيهبط شويه فبالتالى الحمل هيزيد وعلى قدام وهتلاقيها عليت سنه صغيرة .. لكن لو شئت جرب على ارض مستوية مش هتلاقى أى حاجة من دى
أما عن عضة الفتيس فدى مشكله شائعة فى البى واى دى لكن قد تكون ظاهرة عند حضرتك شوية ممكن تقل شويه مع مراجعة مستوى زيت الفتيس أو حتى تغييرة

طب الحمد لله انها حاجات بسيطة

شكرا جدا :)

[ahmedselaraby]

سلام عليكم

أولا الف الف مبروك , عربيه جميله , ربنا يباركلك فيها و يكفيك شرها

فى البدايه سأكلمك عن الفتيس

بإختصار , موضوع الفتيس ده يتلخص فى اربعة نقاط

1- الدبرياج

2- زاوية النقل و المور

3- التليين و عدد الكيلومترات

4- مستوى زيت الفتيس و لزوجته

الشرح

بالنسبه للدبرياج , فهو فى البى واى دى , مستواه واطى , و ممكن يتعدل مستوى الدبرياج فل وكيل أو عند اى ميكانيكى , قم بتعلية الدبرياج قليلا , و لو كنت حاطط دواسات فى ارضيه العربيه , ابعدها قدر المستطاع عن الدبرياج

فتيس البى واى دى مائل قليلا , يعنى الاول ليس للأمام تماما و لكن فى الاتجاه أمام ايسر , الثانى ليس للخلف تماما و لكن فى الاتجاه الخلفى ايمن , و الثالث مثل الاول فى درجة الميل و الرابع مثل الثانى فى درجة الميل ..... طبعا هذا الميل غير ملحوظ بالعين و هو ميل قليل جدا يكاد لا يذكر و لكن حيسهلك التعشيق لو خدت بالك و انت بتنقل

فى حالة كنت معشق الاول و اردت النقل منه للثانى , عليك اولا الانتقال لوضع المور ثم الثانى , يعنى الترتيب سيكون (( اول , مور , ثانى)) ,,,, و هذه العمليه تحدث فى ثانيه لو تعودت عليها


حاجه تانيه , كده كده الفتيس مع الوقت حيلين , انا عندى بعد ال 350 كم إختفت الخشونه البسيطه و كل ما تمشى اكتر حتلاقى الفتيس بقى ملبن

و برده لما تعمل صيانة الالف , ابقى خليهم يشيكوا على زيت الفتيس لو محتاج يتزود او يغيروه لزيت لزوجته أعلى , انا حعمل كده ان شاء الله

بالنسبه لموضوع النتشه فا ده لأنك مش متعود على مستوى الدبرياج الواطى , لو ركزت و انت بتنقل و اديت كل غيار حقه و نقلت فى التوقيت الصح ان شاء الله مش حيبقى فيه ناتشه

ارجو اكون ساعدتك

[Most_H]

سلام عليكم

أولا الف الف مبروك , عربيه جميله , ربنا يباركلك فيها و يكفيك شرها

فى البدايه سأكلمك عن الفتيس

بإختصار , موضوع الفتيس ده يتلخص فى اربعة نقاط

1- الدبرياج

2- زاوية النقل و المور

3- التليين و عدد الكيلومترات

4- مستوى زيت الفتيس و لزوجته

الشرح

بالنسبه للدبرياج , فهو فى البى واى دى , مستواه واطى , و ممكن يتعدل مستوى الدبرياج فل وكيل أو عند اى ميكانيكى , قم بتعلية الدبرياج قليلا , و لو كنت حاطط دواسات فى ارضيه العربيه , ابعدها قدر المستطاع عن الدبرياج

فتيس البى واى دى مائل قليلا , يعنى الاول ليس للأمام تماما و لكن فى الاتجاه أمام ايسر , الثانى ليس للخلف تماما و لكن فى الاتجاه الخلفى ايمن , و الثالث مثل الاول فى درجة الميل و الرابع مثل الثانى فى درجة الميل ..... طبعا هذا الميل غير ملحوظ بالعين و هو ميل قليل جدا يكاد لا يذكر و لكن حيسهلك التعشيق لو خدت بالك و انت بتنقل

فى حالة كنت معشق الاول و اردت النقل منه للثانى , عليك اولا الانتقال لوضع المور ثم الثانى , يعنى الترتيب سيكون (( اول , مور , ثانى)) ,,,, و هذه العمليه تحدث فى ثانيه لو تعودت عليها


حاجه تانيه , كده كده الفتيس مع الوقت حيلين , انا عندى بعد ال 350 كم إختفت الخشونه البسيطه و كل ما تمشى اكتر حتلاقى الفتيس بقى ملبن

و برده لما تعمل صيانة الالف , ابقى خليهم يشيكوا على زيت الفتيس لو محتاج يتزود او يغيروه لزيت لزوجته أعلى , انا حعمل كده ان شاء الله

بالنسبه لموضوع النتشه فا ده لأنك مش متعود على مستوى الدبرياج الواطى , لو ركزت و انت بتنقل و اديت كل غيار حقه و نقلت فى التوقيت الصح ان شاء الله مش حيبقى فيه ناتشه

ارجو اكون ساعدتك

الله يبارك فيك :)

انا الحمد لله عجبانى ومستريح فيها، بس موضوع الفرامل دة اللى خلانى اندهش

[melsheshtawy]

أخى الكريم .. أحب أوضح نقطة ذكرها الأستاذ </B>ahmedselaraby بخصوص ميل الفتيس ممكن تكون مش مفهومة أوى للى مجربش العربية لكن شرحها بطريقة عامية كده متاخدش عصاية الفتيس ناحية الشمال لحد نهاية المشوار (لحد ما تخبط وتقف) لكن حركها سنه شمال وإطلع فوق على طول هتلاقيها معاك كويسة

[muslem]

ملحوظة مهمة عايز اضيفها لما تحب تغير تيل الفرامل غيرها بتيل تويوتا لان انا غيرته قبل كده يتيل بي واى دي فى التوكيل مرتين على الفاضي كأن مفيش تيل و اما بخصوص الفتيس فكان معى كده برضوة بس بالتعود بطل يعمل معى كده لان الفتيس اكيد غير الفتيس اللى انت كنت متعود عليه فى عربية تانية
اما بخصوص الدريكسيون فاخونا melsheshtawy قال لك كلام كتير مفيد بس اضيف عليه فقط شوف الكاوتش منفوخ زي بعضها ولة فى فردة نايمة عن التانية
حتلاقيه عدل بعد كده ان شاء الله
و مبارك عليك العربية ان شاء الله حتعجبك