الى عماد بيه حبيب : حد يقولى اتصرف ازاى

[ابوجنى2112]

حد يقولى اتصرف ازاى
لما روحت توكيل الشرابية..اركب الفوجات ودراع النور..قولتلهم على موضوع الدبرياج
اولا: تقيل شوية
ثانيا: عايز يعلى شوية .
ثالثا:لما بتدوس دبرياج فيةصوت طقة خفيفة مع الدوس والفصل.
رابعا: مع دوسة الدبرياج صوت الموتور..بيوطى شوية..ومع رفع رجلك من على الدبرياج صوت الموتور بيعلى سنة خفيفة وفى تقديرى هذا صوت بلية البرياج..وبداية دسك واسطوانة..

الاجابة:------------------------------------- من الميكانيكى بعد ما لف بالعربية وجربها
ما ينفعش اعلى لك الدبرياج علشان هاقصر على الديسك والاسطوانة..

ياعمنا فى صوت خفيف مع دوسة الدبرياج ودى تبقى بلية....
ج -ماينفعش نغير بلية لوحدها ..الطقم بيتغير على بعضة

ياسيدي العربية عاملة27950 كم وانا لسة فى الضمان ازاى اغير طقم الدبراج كلة وكمان على حسابى..
ج-ممكن تكون بتسيب رجلك على الدواسة وانت ماشى (عيب سواق يعنى)

ياحبيبنا عيب تقول الكلام ..انا معايا رخصة اولى..وبقالى 25 سنة معايا رخصة..وعارف اصولها كويس واللى بتقولة دة الف..باء ..سواقة.
ج-هاتغيرة على حسابك..-----------------------------

تم تركيب الفوجات 60 جم ودراع النور 40 جم

السيارة وهى طالعة ..والميكانيكى رايح يسلم الجوب (امر الشغل) عملت اية ياريس بعد اذنك
ج-عليت لك الدبرياج وكلة تمام..

ياريس مانت قولت ماينفعش اعلى الدبرياج علشان الاسطوانة..
ج-لالالا عليتها سنة وماتقلقش اهم حاجة ماتحطش رجلك على الدواسة بعد التعشيق.

ياجماعة انا مابعملش اى حاجة برة التوكيل ..دة حتى الدلايات مركبها من عندكم ومداوم على الصيانات كلها والفواتير كلها معايا تثبت كلامى..
( لا تعليق)
دفعت الفاتورة.. 129.50 مصنعية فقط يعنى خد منى حق شغلة فى الدبرياج اللى هو ماتعملش فية حاجة اصلا...وعلى اعتبار ان اتعمل معايا تخفيض 10 فى المية بأمر من مدير المركز المحترم (تصور)
مرفوع للعلم..والاحاطة..الى السيد/عماد حبيب..

رقم شاسية 7584
رقم موتور3056
موديل 2012

ولله الامر من قبل ومن بعد

[bassem.naguib]

مش بقولك عيب سواق ... ههههههههههه

لا بصراحة أنت سواق .. وسيد السواقين كمان .. ودي شهادة مني تضعها على صدرك .. واستحالة طبعاً تريح رجلك على الدبرياج والعربية ماشية .

فاكر .. أنا لما شفت الموضوع ده عندك أول حاجة قولتهالك بلية دبرياج وواضحة وضوح الشمس .. الأمل طبعاً في تدخل أ/ عماد أو أ/ داليا لحل الموضوع .. ولو أنك رحت القطامية كان أ/ عماد حسن خلص ليك الموضوع .

[lonedoctor]

يا اخ باسم حرام يفك الفتيس علشان يغير الطقم باخر صينى حتى ولو كان على حساب التوكيل بصراحة الطقم بتاعها عمره قصير جدا واداءه سئ
طقم يابانى او كورى وريح بالك طالما هتفك الفتيس
تقبل تحياتى

[peter magdy]

استاذ ابو جينى
ربنا يكون فى عونك و روحلهم تانى على نفس المشكلة و هم هيحلوهالك من غير ولا مليم زيادة
و خصوصا فرع الشرابية علشان جنبى روحتلهم مرتين على نفس المشكلة من غير ما ادفع ولا شلن
بصراحة دى احسن حاجة فيهم - فرحلهم تانى و قولهم المشكلة لم يتم حلها و انشاء اللة تتحل
بس ليا استفسار عند
اولا مبروك على تركيب الفوجات
حضرتك كنت ذكرت قبل كدة انها 55 واط اللى هيا الكريستال
فأية رأى حضرتك فى النور بتاعها هل نورها قوى و توزيعة حلو ولا مكنش زى المتوقع و الواحد يفكر فى الزينون
و ربنا يوفقك

[ابوجنى2112]

مش بقولك عيب سواق ... ههههههههههه

لا بصراحة أنت سواق .. وسيد السواقين كمان .. ودي شهادة مني تضعها على صدرك .. واستحالة طبعاً تريح رجلك على الدبرياج والعربية ماشية .

فاكر .. أنا لما شفت الموضوع ده عندك أول حاجة قولتهالك بلية دبرياج وواضحة وضوح الشمس .. الأمل طبعاً في تدخل أ/ عماد أو أ/ داليا لحل الموضوع .. ولو أنك رحت القطامية كان أ/ عماد حسن خلص ليك الموضوع .

تفتكر ياباسم لو علقت الشهادة المعتمدة دى على صدرى ..طقم الدبرياج هايرجع سليم من تانى .. خلى بالك ده هو لسة بيفكر ..امال لو رحت هناك والعربية جايبة اسطوانة ..لاتعليق

يا اخ باسم حرام يفك الفتيس علشان يغير الطقم باخر صينى حتى ولو كان على حساب التوكيل بصراحة الطقم بتاعها عمره قصير جدا واداءه سئ
طقم يابانى او كورى وريح بالك طالما هتفك الفتيس
تقبل تحياتى

نصيحة غالية من شخص مرموق ومحترم...تخلى الواحد يفكر بتأنى شكرا يادكتور

استاذ ابو جينى
ربنا يكون فى عونك و روحلهم تانى على نفس المشكلة و هم هيحلوهالك من غير ولا مليم زيادة
و خصوصا فرع الشرابية علشان جنبى روحتلهم مرتين على نفس المشكلة من غير ما ادفع ولا شلن
بصراحة دى احسن حاجة فيهم - فرحلهم تانى و قولهم المشكلة لم يتم حلها و إن شاء الله تتحل
بس ليا استفسار عند
اولا مبروك على تركيب الفوجات
حضرتك كنت ذكرت قبل كدة انها 55 واط اللى هيا الكريستال
فأية رأى حضرتك فى النور بتاعها هل نورها قوى و توزيعة حلو ولا مكنش زى المتوقع و الواحد يفكر فى الزينون
و ربنا يوفقك

شوف يابيترياحبيبى... انا ماتعودتش ارد على حاجة الا اما ادرسها كويس لكن مبدئيا النور فى الفوجات بدرجة جبد ..ممككن اغيرة للابيض ..واشوف الاضائةواعطيك الرأى النهائى..
مابحبش الزينون لانة بيآذى النظر.. واللى ماتقبلوش على نفسك..ماتقبلوش على الناس
وتقبل تحياتى

[ehabpopo]

ربنا يسهل وتلاقى حل للمشكلة ... قلبى معاك

[abomona]

الى الاخ الكريم ابو جنى اشكرك لاضافة الموضوع ولى سوال بسيط لو سمحت الفوجات والدراع اشترنها من التوكيل والا من برة ولو من برة يا ريت تقولنا منين اكون شاكر افضالك

[bassem.naguib]

الى الاخ الكريم ابو جنى اشكرك لاضافة الموضوع ولى سوال بسيط لو سمحت الفوجات والدراع اشترنها من التوكيل والا من برة ولو من برة يا ريت تقولنا منين اكون شاكر افضالك

أقرأ الموضوع كويس يا سامح باشا .

http://www.nilemotors.net/Nile/3874777691-post31.html

[abomona]

أقرأ الموضوع كويس يا سامح باشا .
http://www.nilemotors.net/nile/3874777691-post31.html

الف شكر استاذ باسم ومع خالص تقديرى وبردو استاذ ايهاب البوب رد عليا والاستاذ بيتر لكم كل الشكر والتقدير واتمنا التواصل الدائم مع خالص شكرى وتقديرى الى الجميع