ركبت الفوجات + ذراع النور

[hany901119]

شكرا لبيتر على المعلومات اللى قدمها فى هذا الموضوع من قبل لأنها افادتنى جدا

طبعا انا اشترتهم من شخلول اللى فى ش سكة الوايلى هما والذراع بتاع النور وفلتر هواء و تيل فرامل (فوجات 100ج + ذراع نور 90ج + فلتر هواء 15ج + تيل فرامل 45ج ) وطبعا كلمت عم حمدى الكهربائى بناءا على تعليمات حبيبى بييييييتر وطلع الراجل ده ياجماعة تحفففففففففففه فاهم جدا فى العربية وركبلى الحاجة فى ساعة او ساعة ونصف ... هو الموضوع بسيط بس انا زهقته شوية وطلع بيعمل كل حاجة فى العربية دى من ناحية الكهرباء (تصليح عدادت العربية بتاعت التابلوه وتغيير لمضها لو محروقة + تصليح الامبوليزر بتاع فصل الكهرباء + تصليح الريموت نفسه او تغير الهاوس بتاعه لو مشروخ او مكسور + تصليح ذراع النور لو لادع او بايظ + تركيب جهاز من اختراعه بيمنع سرقة العربية وفيه مميزات جميلة بس مش فاكرها بـ 300ج

وعلى فكرة اول ماركب الذراع وركب الفيشة الشبورة اشتغلت على طول ولمبتها فى التابلوه نورت بدون اى تدخل جراحى ولوحده لأقيته بيفك عيون البطارية التحفه اللى فى العربية علشان يطمن عليها والمفاجأة انه ملقاش نقطة ميه واحده وقالى والله انت ربنا بيحبك الموضوع ده بيبوظ على طول الكمبيوتر والامبوليزر وحاجات تانيه كتير لأنه بيعمل راجع وحاجات كده كتيره فهمهالى بصراحة وحسيت انه فاهم مش اشتغاله لأن كلامه منطقى جدا

فى النهاية شكرا لبيتر للمرة التانيه

ت عم حمدى الكهربائى / 01142067404

[ehabpopo]

مبروك التركيب يا استاذ/ هانى ... هو فعلا تركيبهم بسيط جدا ... وانا ركبتهم امبارح عندى فى البيت بإيدى ... واشتغلو ومافيش اى مشكلة الحمد لله ... فعلا بدون اى جراحة فى اى شىء ... بمجرد انى شلت الزراع القديم وركبت الجديد ... كل حاجة اشتغلت تمام .... ودة يرجعنا لنقطة مهمة جدا ... ان الدراع هو افضل وسيلة لنور الشبورة الامامى ... لان من الواضح ان ضفيرة الكهربه مجهزة لوضع هذا الزراع ... وده هايكون افضل من تركيب النور على اى زرار ... دى وجهة نظرى ويمكن تكون غلط
بس الكلام اللى بتقولوه ده على عم حمدى الكهربائى ده يشوقنا اننا نتعرف علية ونعملة زيارة مفاجئة إن شاء الله .. ههههههههههههه ...
طيب اية اخبار التيل لو كنت ركبتة ... وسعرة كدة مش رخيص قوى ولا ايه ؟؟؟ الخوف ان يكون خامتة رديئة ... طمنا لو ركبتة

[hany901119]

بص يابوب انا جيبت التيل علشان اغيره بس لظروف ما عند الميكانيكى بتاعى مفتحش من يومين تلاته فاتوا لذلك هركبوا الاسبوع ده واقولكم وعلى كلام هانى شخلول قالى انه هو اللى بستوردو من الصين وتيل ممتتتتتتتاز جدا ولو فيه حاجة انا مستنيك ترجعهولى تانى وان المهندس ايميل بياخد منه التيل ده او نوع تانى عنده فى علبة سوداء بالجمله للمراكز بتاعته فقلت مش خسران حاجة كده كده هغير فأجرب التيل ده لو مكنشى ابقى اجرب اللى فى العلبة السوداء وابقى ابلغكم براى لأنى مغير واحد بـ 60ج وبينزل براده سودا كتير وصفر بدرى بدرى ده لو مكنش خلص اصلا مع انى ماشى بيه 7000كيلو

[hany901119]

هما مش بطاليين وفكرت اركب عليهم زينون فقالى بقلاش وعملى تجربة صغيره كده وهو بيزود مياه البطارية قالى سيب نور الشابورة شغال وبعد شوية صغييرين قالى حط ايدك عليهم كده فلقيت ان فيه شوية حرارة او صهد بسيط طالع منها فقالى ما بالك بقى لو ركبت زينون اكيد مش هيستحملوا لأنهم طبعا بلاستك ووش الفانوس بلاستيك مش زجاااااج وكلمته بعد ما مشيت على اضائة النور بتوع الشابورة انهم مش عاجبنى اوى فقالى تعلالى فى اى وقت بليل علشان اظبطلك نورهم على الارض ويبقوا يفرشوا ادامهم بدال ما بينورا الجانبين عندك وليهم رجلاش متقلقش (مش بقلوكم سكككككككككر راجل كبير بس مش زى الناس الكبار المتنشنه بالعكس والله هتحبوووووه وعلى فكرة كان شغال فى الكويت فى توكيلات عربيات وعاشر اجانب وبينطق قطع غيار كتيره بالانجليزى

[bassem.naguib]

مبروك يا أبو هاني على التركيب .. بس الموضوع بصراحة ناقصه صور .. بس أنت جبت دراع النور بـ 90 جنية .. ويفرق أيه عن الدراع أبو 160 ؟! يا ريتك كنت صورت قبل ما تركب علشان نعرف الفرق .

يا أيهاب لما أنت ركبتهم بنفسك .. مصورتش ليه عملية التركيب ونزلتها في موضوع منفصل .. يا جماعة خيركم هو أنفع الناس .. بلاش البخل ده في المعلومات

[ehabpopo]

مبروك يا أبو هاني على التركيب .. بس الموضوع بصراحة ناقصه صور .. بس أنت جبت دراع النور بـ 90 جنية .. ويفرق أيه عن الدراع أبو 160 ؟! يا ريتك كنت صورت قبل ما تركب علشان نعرف الفرق .

يا أيهاب لما أنت ركبتهم بنفسك .. مصورتش ليه عملية التركيب ونزلتها في موضوع منفصل .. يا جماعة خيركم هو أنفع الناس .. بلاش البخل ده في المعلومات

ازيك يا باسم ...
يا عم براحة عليا شوية ... ما انا ناوى اعمل كدة وصورت فعلا ... الكلام ده امبارح بس

[bassem.naguib]

أما أشوف .. أنا بس خايف عليك لحسن تتعدي من مرض (شكر لهذه المشاركة .. معجب بالمشاركة) زي واحد صاحبنا .

[hany901119]

والله ياباسم باشا الكاميرا بتاعتى سيئة جدا فمفكرتش حتى انى اصور بيها بس الموضوع فى بالى ولو عايزنى اصورلكم العلبة بتاعة المفتاح اهو تبقى عارفيين شكله معنديش مانع بس مفرقش عن اللى موجود فى المنتدى ونفس حاجة بيتر بالظبط حتى الكهربائى ههههههههههه :b4_007:

[ابوجنى2112]

أما أشوف .. أنا بس خايف عليك لحسن تتعدي من مرض (شكر لهذه المشاركة .. معجب بالمشاركة) زي واحد صاحبنا .

[justify]
:openfloازيك باسم باشا وحشتنا ياسيدى...اموت واعرف مين اللى عندة الموضوع دة(شكر لهذه المشاركة .. معجب بالمشاركة) زي واحد صاحبنا . ولا دى اسرار عسكرية....ههههههههههه.


مبروك ياعم هاني عليك التركيب..والشراء بسعر رخيص..( ناس ليها حظ.. وناس ليها تر تر ) هههههههههه
ماتخفش ده مش حسد وقر ... ده نبر ...بس ..يعنى بمبر عليك...امسك الخشب..ههههههه
ماشاء الله تبارك الله احسن تصدق بجد.. ربنا يبارك لك ويستر طريقك.....
كويس ان الاسعار بتنزل علشان يبقى فية منافسة..بس يكون مع فنش نضيف...
وياريت توافينا ياخبار فلتر الهواء بعد استعمالة فترة ...بيستحمل ولا اية..wer3:[/justify]

[bassem.naguib]

والله ياباسم باشا الكاميرا بتاعتى سيئة جدا فمفكرتش حتى انى اصور بيها بس الموضوع فى بالى ولو عايزنى اصورلكم العلبة بتاعة المفتاح اهو تبقى عارفيين شكله معنديش مانع بس مفرقش عن اللى موجود فى المنتدى ونفس حاجة بيتر بالظبط حتى الكهربائى ههههههههههه :b4_007:

ولا يهمك يا ريس لو جيت المقابلات بتاعتنا حنديك كاميرا هاي ديفينشن هدية هههههههههه

مفتاح !! مفتاح أيه ؟! مش كان دراع نور في أول مشاركة .. متحيرناش معاك يا زعيم بقى ركبت مفتاح للشبورة بدل زرار السخان زي بيتر .. ولا جبت دراع نور زي حسام وإيهاب وأبو جنى .

[justify]
:openfloازيك باسم باشا وحشتنا ياسيدى...اموت واعرف مين اللى عندة الموضوع دة(شكر لهذه المشاركة .. معجب بالمشاركة) زي واحد صاحبنا . ولا دى اسرار عسكرية....ههههههههههه.


مبروك ياعم هاني عليك التركيب..والشراء بسعر رخيص..( ناس ليها حظ.. وناس ليها تر تر ) هههههههههه
ماتخفش ده مش حسد وقر ... ده نبر ...بس ..يعنى بمبر عليك...امسك الخشب..ههههههه
ماشاء الله تبارك الله احسن تصدق بجد.. ربنا يبارك لك ويستر طريقك.....
كويس ان الاسعار بتنزل علشان يبقى فية منافسة..بس يكون مع فنش نضيف...
وياريت توافينا ياخبار فلتر الهواء بعد استعمالة فترة ...بيستحمل ولا اية..wer3:[/justify]

وحشتنا يا سيدي !!! ...مبروك يا عم هاني !!! ... مالك بتقولها كدة زي ما يكون قرفان منا ومن معرفتنا .. الله الغني يا باشا .

وعلى العموم هي مش أسرار عسكرية ولا حاجة .. هو معروف وأنت عارفة كويس وحتلاقيه فاقعني واحدة شكر في الموضوع ده .. هو ده تمامه في القسم هنا .. إنما يقول عمل أيه أو اتصرف ازاي مبيتكلمش إلا في المقابلات بس .. وأحياناً في قسم أحوال الشارع المصري .. حتقولي عرفت منين ؟! .. حقولك أوعى تكون فاكر أنها سايبة (دي بر الميزان) .. ومن موقعي هذا بقولك مبقاش في حاجة في المتسابة خلاص .. وكل واحد متراقب هو بيعمل أيه .. حتى في بيته هههههههههه

[ابوجنى2112]

ولا يهمك يا ريس لو جيت المقابلات بتاعتنا حنديك كاميرا هاي ديفينشن هدية هههههههههه

مفتاح !! مفتاح أيه ؟! مش كان دراع نور في أول مشاركة .. متحيرناش معاك يا زعيم بقى ركبت مفتاح للشبورة بدل زرار السخان زي بيتر .. ولا جبت دراع نور زي حسام وإيهاب وأبو جنى .





وحشتنا يا سيدي !!! ...مبروك يا عم هاني !!! ... مالك بتقولها كدة زي ما يكون قرفان منا ومن معرفتنا .. الله الغني يا باشا .


مش قرفان ولا حاجة..كل الحكاية ان هانى غلبني من كتر اللف وراة ..علشان اقولة مبروك...
لاسمح الله ياسيدى ..والعفو ...ده انت وهانى على راسى من فوق...


وعلى العموم هي مش أسرار عسكرية ولا حاجة .. هو معروف وأنت عارفة كويس وحتلاقيه فاقعني واحدة شكر :b4_237: في الموضوع ده .. هو ده تمامه في القسم هنا .. إنما يقول عمل أيه أو اتصرف ازاي مبيتكلمش إلا في المقابلات بس .. وأحياناً في قسم أحوال الشارع المصري .. حتقولي عرفت منين ؟! .. حقولك أوعى تكون فاكر أنها سايبة (دي بر الميزان) .. ومن موقعي هذا بقولك مبقاش في حاجة في المتسابة خلاص .. وكل واحد متراقب هو بيعمل أيه .. حتى في بيته هههههههههه

يانها ابيض هو راح لغاية أحوال الشارع المصرى من غير مايقول لنا...ياخسارة العيش والملح ياناس...
مع اننا متفقين نعمل كل حاجة مع بعض... عامة الله يسهل له ياسيدى...واعذرة يمكن مش فاضى.

[S O P H O S]

مبروك يا باشا ..

[ehabpopo]

يانها ابيض هو راح لغاية أحوال الشارع المصرى من غير مايقول لنا...ياخسارة العيش والملح ياناس...
مع اننا متفقين نعمل كل حاجة مع بعض... عامة الله يسهل له ياسيدى...واعذرة يمكن مش فاضى.

يا باشا مش انا ... ركز شوية يا ابو جنى ... هو مش بيعلق على المواضيع .... هو مقضيها شكرا وخلاص ....
معلشى هو معزور شوية كل ما ييجى يعلق على موضوع ... كان بيجيلو ضيوف ... هههههههههههههه

[hany901119]

الله يبارك فيكم كلكم وعلى العموم ياباسم باشا انا ركبت ذراع نور مش مفتاح شبورة زى بيتر وشغال

كويس معايا لحد دلوقتى

[ابوجنى2112]

يا باشا مش انا ... ركز شوية يا ابو جنى ... هو مش بيعلق على المواضيع .... هو مقضيها شكرا وخلاص ....
معلشى هو معزور شوية كل ما ييجى يعلق على موضوع ... كان بيجيلو ضيوف ... هههههههههههههه

تصدق والله عارف ان مش انت المقصود...هو عارف نفسة..بامارة ماكان بيشد معايا بالعربية فى صلاح سالم بيفتكرني بسابقة..وانا كنت بديلة فكرة عن سحب الغاز فى العربية..ف افتكرن بسابقة...هههههههه
هوفاهم طبعا....وانت ياعم باسم كدة برضة تحدف لنا اللغز ..زى ارسين لوبين ..وتسيبنا لوحدنا كدة...ههههه