بخصوص الـ byd

[migo_1]

السلام عليكم ورحمة الله

تحية طيبة للجميع ،،،

انا ذهبت الى معرض سيارات امبارح وسألت على السيارة byd f3.

فقال لى الموظف هناك انت الى يخليك تفكر فى الـ byd f3 وقال لى بلاش من العربية دية مش هاتعمر معاك هى نازلة عشان تغير عفشتها والموتور بتاعها بعد 6 شهور ورشحلى عربيات تانية زى الانوس والافيو واللوجان والفيرنا واخيرا جيلى ام جراند.

خالانى اكره العربية دية مع انى كنت حبيبها ودلوئتى مشعارف اختار اية فى نفس الفئة السعرية مع العلم انى كنت بحب الفيرنا بس العفشة بتاعتها وحشة ومش ثابتة على السرعات العاليا وكمان الموظف قال لى ان الفيرنا الى فى السوق 2013 هى زى 2012 مافيش تغيير وعلى فكرة اتوقف انتاجها ياعنى مافيش بعد 2013.

نداء الى الخبراء ومالكى السيارة byd f3 الرجاء ان يفيدونى هل كلام الموظف صحيح ام خطأ مع العلم انى سألت اصحاب التكاسى قالولى انها كويسة مع العلم باردو الموظف قالى ماتسألش بتوع التاكسى.

وانا اسف على الاطالة.

[hassan9671]

ممكن يكون كلامه صح
وممكن برضة تكون العربية مش متوفرة عندة علشان كدة بيقول لك بلاش منها
وممكن برضة يكون مكسبة في العربيات التانية اكبر من مكسبة في البى واى دى شغل مبيعات يعنى
اسال ملاك السيارة او اقراء المشاركات الى في المنتدى وانت تكون فكرة اكبر
انا رحت معرض قلت له عايز بى واى دى قال لى دى مش كويسة خليك في الامجراند ومعرض تانى جنبة قلت له عايز امجراند قال لى دى وحشة ومش معروفة خليك في الى واى دى عربية يابانى 100% وكل قطع غيارها متوفرة ورخيصة

[migo_1]

شكرا على الرد.

بس هو قال لى ان العربية ممكن يجبها على طول وقال لى انة مشفارقة معاه انك تجيب دية او غيرها.

وشكرا مرة ثانية على اهتمامك.

[Salamonti]

سيدي الفاضل ده شغل مبيعات..
بمعنى انه هايفضل يكلمك كلام عام عن العربيات ويخليك تعجب بواحدة منهم بشكل غير مباشر وفي آخر الكلام يقوللك انت حر واللي انت عايزه انا ممكن اجيبهولك حالا..

النتيجة: سيادتك بتختار الاختيار اللي هو عايزه وانت حاسس من جواك ان ده قرارك وتفكيرك

فكك منه خالص وسيبك من أي كلام هو قاله واسأل الناس هنا عالمنتدى وقارن بين العربيات بواقعية بعدين خد قرار

[melsheshtawy]

شكرا على الرد.

بس هو قال لى ان العربية ممكن يجبها على طول وقال لى انة مشفارقة معاه انك تجيب دية او غيرها.

وشكرا مرة ثانية على اهتمامك.

ياباشا هو يقول زى ماهو عاوز .. أنا هقولك الخلاصة وعن تجربة .. معظم إن لم يكن كل المعارض بتكره التعامل مع وكيل byd بسبب إنه عشان يبعتله العربية لازم ياخد مبلغ للحجز (أظن 5000 جنيه) فطبعا التاجر مش هيرمى فلوس غير لما يكون ضامن البيعة فبالتالى لما تروحله حضرتك هياخد منك الفلوس ويبعتها ويستنى دوره على ما يبعتوله وطبعا خد عندك بقى مشكله تانية وهى اللون .. يعنى حضرتك طالب رمادى والإنتاج طلع فضى تستنى لبكره وهكذا .. الخلاصة إن الفرق بين وكيل بيمشى أمورة ووكيل مقضيها شغل روتينى ممل .. لاحظ كده عدد الإسبرانزا مثلا فى أى معرض كبير هتلاقيها مش اقل من 4 عربيات بمختلف الألوان والتسليم فورى عكس البى واى دى نادرا لما تلاقى تسليم فورى وبيكون غالبا جايبها لزبون وحصل حاجة رجعت البيعة
لكن عموما هى أفضل من كل الماركات إللى حضرتك ذكرتها وحكاية العفشة والموتور ده كلام فارغ مالوش أى أساس (عن تجربة) ولو حابب تقارن يبقى إميجراند ثم لوجان وسيبك خلاص من الباقى ده

[ehabpopo]

اقرا مشاركات الاعضاء تانى وانت ها تقتنع بوجهة نظرك ... لان الراجل ده شتتلك افكارك ... وماعنهوش تجربة عملية ..
اما الاعضاء هنا بيتكلمو عن تجربة عملية ... وده الافضل ... وكمان خد بالك ان وجود قطع غيار بديلة وخاصتا يابانى ( ده فى مصلحت صاحب العربية ) ...
انا لية صديق مشترى العربية بعدى ( تاكسى )... من حوالى سنة ونص ... عامل 120000 كم ... وماغيرش غير دسك واسطوانة وبلية ... ميتسوبيشى ....
اقرا كويس ... وصلى استخارة ... واتوكل على الله

[migo_1]

ياباشا هو يقول زى ماهو عاوز .. أنا هقولك الخلاصة وعن تجربة .. معظم إن لم يكن كل المعارض بتكره التعامل مع وكيل byd بسبب إنه عشان يبعتله العربية لازم ياخد مبلغ للحجز (أظن 5000 جنيه) فطبعا التاجر مش هيرمى فلوس غير لما يكون ضامن البيعة فبالتالى لما تروحله حضرتك هياخد منك الفلوس ويبعتها ويستنى دوره على ما يبعتوله وطبعا خد عندك بقى مشكله تانية وهى اللون .. يعنى حضرتك طالب رمادى والإنتاج طلع فضى تستنى لبكره وهكذا .. الخلاصة إن الفرق بين وكيل بيمشى أمورة ووكيل مقضيها شغل روتينى ممل .. لاحظ كده عدد الإسبرانزا مثلا فى أى معرض كبير هتلاقيها مش اقل من 4 عربيات بمختلف الألوان والتسليم فورى عكس البى واى دى نادرا لما تلاقى تسليم فورى وبيكون غالبا جايبها لزبون وحصل حاجة رجعت البيعة
لكن عموما هى أفضل من كل الماركات إللى حضرتك ذكرتها وحكاية العفشة والموتور ده كلام فارغ مالوش أى أساس (عن تجربة) ولو حابب تقارن يبقى إميجراند ثم لوجان وسيبك خلاص من الباقى ده

شكرا على هذة المعلومات.

بس انا ليا سؤال حضرتك بتنصحنى بال ام جراند ثم الجان افضل من ال byd.

وشكرا مرة ثانية على اهتمامك.

[m_medo]

يعنى ايه عفشة و موتور بعد 6 شهور؟ دا انت مش هتكون لسة غيرت زيت.... يعنى الناس بتغير زيت وفلتر وانت هتغير زيت و موتور؟
ده كلام فارغ وهى وسعت منه قوى الصراحة

[melsheshtawy]

شكرا على هذة المعلومات.

بس انا ليا سؤال حضرتك بتنصحنى بال ام جراند ثم الجان افضل من ال byd.

وشكرا مرة ثانية على اهتمامك.

لأ أنا مقصدش كده .. أنا كلامى إن byd هى أفضل الأسماء المعروضة لكن إذا حضرتك قلقت منها لأسباب تانية (ضعف التوكيل مثلا) فخلى إختياراتك بين الإميجراند واللوجان والمقارنة صعبة خللى بالك اللوجان عربية متجربة واسم عالمى ووكيل محترم لكن يعيبها قله الأوبشنز مقارنه بbyd والإيمجراند بجانب بعض السلبيات من وجهه نظرى زى الكلاكس فى ذرع الإشارة أشبه بالميكروباص ومفتاح الزجاج الكهرباء فى التابلوه أما إيمجراند فهى مثاليه (على الورق) ويعيبها اساسا أنها محدثه على السوق وتقييمها بالشكل الأقرب للصحيح يحتاج إلى عدة سنوات كذلك لا توجد تقارير كافية عن توافر قطع غيارها واسعارها وإذا كانت متوافقة مع ماركات أخرى أم لا (أقصد قطع الغيار) لكن طبعا كل ده فى وجود توكيل قوى زى غبور اعتقد الأمور هتمشى بشكل كويس إلا أنه قد يكون هناك بعض المغالاة فى أسعار قطع الغيار

[darsh_]

السلام عليكم ورحمة الله

تحية طيبة للجميع ،،،

انا ذهبت الى معرض سيارات امبارح وسألت على السيارة byd f3.

فقال لى الموظف هناك انت الى يخليك تفكر فى الـ byd f3 وقال لى بلاش من العربية دية مش هاتعمر معاك هى نازلة عشان تغير عفشتها والموتور بتاعها بعد 6 شهور ورشحلى عربيات تانية زى الانوس والافيو واللوجان والفيرنا واخيرا جيلى ام جراند.

خالانى اكره العربية دية مع انى كنت حبيبها ودلوئتى مشعارف اختار اية فى نفس الفئة السعرية مع العلم انى كنت بحب الفيرنا بس العفشة بتاعتها وحشة ومش ثابتة على السرعات العاليا وكمان الموظف قال لى ان الفيرنا الى فى السوق 2013 هى زى 2012 مافيش تغيير وعلى فكرة اتوقف انتاجها ياعنى مافيش بعد 2013.

نداء الى الخبراء ومالكى السيارة byd f3 الرجاء ان يفيدونى هل كلام الموظف صحيح ام خطأ مع العلم انى سألت اصحاب التكاسى قالولى انها كويسة مع العلم باردو الموظف قالى ماتسألش بتوع التاكسى.

وانا اسف على الاطالة.

باختصار شديد الكلام ده من موظف المعرض ( كلام فارغ )

هو ببساطة مش عاوز يبيعلك بي واي دي لسبب ما الله اعلم بيه او مصلحته في انك تشتري حاجة تانية

و بيقولك متسئلش بتوع التاكسي لانهم هيقنعوك بالعربية و في الاخر هتصمم عليها لاننا اكتر ناس فاهمة العربية دي و دايسين كل حتة فيها و اكتر ناس عملت عدد كيلومتر و عملت اكبر عدد من الصيانات و بنقعد في العربية اكتر ما الواحد بيقعد في بيته

اولا : قطع الغيار من اسهل ما يمكن في التوكيل و خارج التوكيل و قطع غيار بديلة كتير جدا من التويوتا و اللانسر

ثانيا : اعلى مواصفات مقابل اقل سعر في كل العربيات الي ذكرتها

ثالثا : انت ضامن ل 10 سنين قدام عالاقل قطع الغيار لان التاكسي مش هيخلص في البي واي دي و بيزيد يوم عن التاني

شكل ممتاز و اداء ممتاز ( مقابل السعر طبعا ) عربية واسعة و اوبشنز كتير و موتور ميتسوبيشي و اعطال نادرة جدا باختصار انت راكب ياباني بعلامة من قدام صيني

انا بقول الكلام ده عن دراية و علم لان عندنا تاكسي بي واي دي و العربية داخلة في سنتين و 70 الف كيلو متر و مفيش حاجة اتعملت غير الصيانات الدورية و العربية تاكسي مش دلع يعني ....

اتوكل على الله و متديش دماغك لحد يلعب بيها