مقبل على صيانة 30000 كم و محتار أروح التوكيل ولا لأ

[gad_fcis]

السلام عليكم و رحمة الله و بركاته


دلوقتي يا جماعة أنا أمامي 3 اسابيع و أعمل صيانة 30000 كم ، و بيني و بينكم أنا من اللي شفته في صيانة 25000 km كنت حالف ما أروح فرع القطامية دة تاني


بس دلوقتي أنا رجعت أفكر ، طب أنا لو عملتها برة التوكيل هطلع من الضمان ، و كمان الصيانة المرة ديه مفيهاش غير تغيير زيت و فلتر بس و ممكن تيل فرامل


بس أرجع و أقول و أنا إيه يضمنلي إن العربية تطلع ذي ما دخلت (تطلع أسوأ يعني أو فيها عيب مكنتش داخلة به ) و ميحصلش ذي ما حصل في الصيانة اللي فاتت على الرغم من ان استاذة داليا كانت موصية عليا





Byd عربية أتقن الصينيون صناعتها و فشل المصريون (توكيل القطامية ) في صيانتها
http://www.nilemotors.net/Nile/323861-byd.html



بجد أنا محتاااااااااااااااااااااااااااااار و هتجنن مش عارف أعمل إيه

[ahmedselaraby]

السلام عليكم

شوف , سيادتك جربت فرع القطاميه , و فيه ناس كتير بتشكر فى فرع الإسكندريه , نصيحه , روح فرع إسكندريه , و أهى منها فسحه و تسليه و تغيير مناظر و حتلاقى عل طريق استراحات بتبيع فطير مشلتت تحفه بجد مفيش زيه , يعنى انا بشجعك تروح فرع اسكندريه بشتى الطرق , يعنى اسكندريه مش بعيده اوى , و موسم المصايف اهو جى و ابقى ادعيلى

[bassem.naguib]

واللي معندوش وقت يروح اسكندرية ؟!! ما هو مش لازم عليا أني اروح اسكندرية وعندي فرع في القاهرة .

ومش لازم اللي في سيناء أو أسيوط يروح القاهرة علشان يعمل صيانة .. فلازم تبقى فيه شبكة مراكز صيانة تابعة للتوكيل أو مراكز خدمة محترمة متعاقدة مع التوكيل على أعمال الصيانة في شتى أنحاء الجمهورية .. فبالإضافة للخدمات اللي بيقدمها التوكيل للعميل .. فأنه سيستفيد بشكل غير مباشر في إعطاء طمأنه للعميل أنه عربيته ليها مكان صيانة بجانبه يوفر قطع الغيار والصيانة السليمة .. وبالتالي يحقق انتشار أكثر ويخف عبء الصيانة وازدحام مراكزه عن كاهلة .

[ahmedselaraby]

ينصر دينك يا أستاذ باسم

أهو ده الكلام


كده سيادتك انضميت فعليا و رسميا لحزب "أبو جنى و أبوعربى" الوطنى التقدمى الوحدوى لمناهضه الفشله و الموكوسين

و أصبحت "الرفيق" استاذ باسم

لازم الوكيل يعمل شبكة صيانه على مستوى الجمهوريه و شبكة موزعين , اه ليه , ميعملش ليه , و يكون مستوى الخدمه فيها ممتاز , مش فرع أحسن من فرع


بـــــــــــــــــــس اه ه ه ه ه ه ه ه ه


كلمة لازم و مش لازم ديه , بالنسبه للأخ العزيز gad_fcis , و متأخزنيش فلى حقوله , الراجل قدامه 3 أسابيع و يعمل صيانة ال 30000 , فعلى ما حزب "أبو جنى و أبوعربى" يحقق أهدافه فى الإصلاح و التنميه و محاربة الفلول , الراجل حيكون عمل بعربيته ال 100000 و حيدخل يسألنا عن صيانة ال 100000


فأنا عشان كده قولتله أسفا يعملها فى الإسكندريه , على ما حزب "أبو جنى و أبوعربى" و اللى هو سيادتك بقيت عضو فيه خلاص و بالأدله , يتحرك و يأوم الدنيا على حبايبنا اللى سيادتك عارفهم

[gad_fcis]

على فكرة أنا رحت توكيل اسكندرية كذا مرة قبل كدا و عارف مستواه ، بس ذي ماقلت أنا المرة ده مش حاعمل غير تغيير زيت و فلتر و إحتمال تيل فرامل ، فملوش لازمة المشوار ، ممكن وقت تغيير سير الكاتينة أبقى أروح بس غير كدا الموضوع مش مستاهل

[bassem.naguib]

على فكرة هي مش قصة حزب أبو جنى وأبو العربي والثورة على النظام القائم .. بقدر ما هي أمنيات يتمناها ملاك السيارة من التوكيل .

بمعنى آخر مش صراع بين قوى الخير وقوى الشر أو الحزب الحاكم والمعارضة .. ولكن تقدر تقول أنه تنسيق وتعاون بين الطرفين لوحدة المصلحة .. فالمنتدى هنا بعتبره المرآه التي يرى التوكيل نفسه فيها من خلال مشاركات الأعضاء .

يعني مش حتطلع أنت وأبو جنى مثلاً على التوكيل بشوية رجالة وحصنة وسيوف وتحتلوا مركز الصيانة .. هههههههههه

[ahmedselaraby]

على فكرة هي مش قصة حزب أبو جنى وأبو العربي والثورة على النظام القائم .. بقدر ما هي أمنيات يتمناها ملاك السيارة من التوكيل .

بمعنى آخر مش صراع بين قوى الخير وقوى الشر أو الحزب الحاكم والمعارضة .. ولكن تقدر تقول أنه تنسيق وتعاون بين الطرفين لوحدة المصلحة .. فالمنتدى هنا بعتبره المرآه التي يرى التوكيل نفسه فيها من خلال مشاركات الأعضاء .

يعني مش حتطلع أنت وأبو جنى مثلاً على التوكيل بشوية رجالة وحصنة وسيوف وتحتلوا مركز الصيانة .. هههههههههه

أمنيات و أحلام فوق السحاب كلنا طايرين فاردين جناحتنا و الهوى بيهفهف , ايه الرومانسيه ديه يا استاذ باسم , و كمان تنسيق و تعاون و حب بين طرفين و مراية الحب عاميه , ده اسامه منير


انا و البى واى دى .......................... و هواك


انا و سيادتك اهو و لما نشوف اخرة الرقه ديه ايه ,,, اخرتها مشاركه معدى عليها سنه و لااااااااااااااا أى اندهاشه , ربنا يدينا العمر بقه


هواااااااااااااااااا ؟؟؟؟؟ , سؤال خبيث شويه بس , هو توكيل بى واى دى ده فيه قمامير





حاجات حلوه يعنى ..........


بالنسبه لحرب اليوم فهى ليست بالحصنه ,,,, دى بتبقى بالكى بورد سيادتك و بتشيل عروش و ملوك سيادتك

[bassem.naguib]

والله أنت اللي رحت وشفت إذا كان فيه أمامير ولا لآه .. لما أشوفك بس الكلام حيبقى كبير ... وحوريك أن الحروب لسه فيها حصنة وحاجات من دي

هههههههههههههه

[ahmedselaraby]

والله أنت اللي رحت وشفت إذا كان فيه أمامير ولا لآه .. لما أشوفك بس الكلام حيبقى كبير ... وحوريك أن الحروب لسه فيها حصنة وحاجات من دي

هههههههههههههه

لاء و فيها مازنجر كماااااااااان هههههههههههههههههههه


‫مقدمة مازنجر العربية‬‎ - YouTube

[melsheshtawy]

يارجل كبر دماغك بلا توكيل بلا وجع دماغ .. فى حد يروح يغير زيت فى اسكندرية ده على ما يرجع يكون معاد التغيير الجديد وجب

[ahmedselaraby]

يارجل كبر دماغك بلا توكيل بلا وجع دماغ .. فى حد يروح يغير زيت فى اسكندرية ده على ما يرجع يكون معاد التغيير الجديد وجب

سيادتك عندك حق , ممكن الواحد يستبعد المشوار لو هو اصلا مكنش مسافر اسكندريه كده كده و كان رايح مخصوص عشان الصيانه

و برضه فرع القطاميه ده , (بعض الناس) هناك تحرق الدم و تجيب الضغط و بيشتغلوا العميل و مابيخافوش من اللى خالقهم , حسبى الله و نعم الوكيل

صحيح فيه ناس عندهم إنطباع لا بأس به (و ليس جيد جدا) عن مركز القاميه و انا واحد منهم فى صيانة الالف بتاعتى و لكن فيه ناس تانيه بجد الله يكون فى عونهم يوم لما راحوا هناك , يمكن الفرق يكمن فى هل سيادتك رايح تعمل حاجه كبيره و لا مجرد صيانه عاديه دوريه بسيطه


استاذ باسم كان رشح لنا فى مره من مشاركاته "مركز المتحدة" , و ده الرابط :

http://www.nilemotors.net/Nile/324678-a.html

ممكن رأى المجربين فى مركز المتحده ده ؟؟؟؟

[ehabpopo]

يارجل كبر دماغك بلا توكيل بلا وجع دماغ .. فى حد يروح يغير زيت فى اسكندرية ده على ما يرجع يكون معاد التغيير الجديد وجب

كلام صح ... طالما تغيير زيت وفلتر اتوكل على الله وروح القطامية .. وان شاء الله تروح قبل أذان العصر ....
وابقى طمنا عملت اية ؟؟؟؟ قصدى اتعمل فيك اية ؟؟؟؟

[hany901119]

كلام صح ... طالما تغيير زيت وفلتر اتوكل على الله وروح القطامية .. وان شاء الله تروح قبل أذان العصر .... :c_laugh[1]::c_laugh[1]:
وابقى طمنا عملت اية ؟؟؟؟ قصدى اتعمل فيك اية ؟؟؟؟