الى معاه بى واى دى يتفضل وبالذات 2010

[hema_hn]

الاخوة الاعزاء الأفاضل
تحية لكم جميعا
انا ان شاء الله بصدد شراء f3 Gi 2010
عملة 27000 كيلو
صالون كويس
كشفت عليها فى التوكيل
عيزة
عفشة بـ 3100 شامل (مساعدين خلفى + طنابير امامى + تيل + جلب امامى)
دهان فى الكامل بـ 250 × 16 لوحة = 4000 للدهان
المهم ملناش دعوة بالتوكيل
حنقول 2000 دهان + 1500 عفشة
وصاحبها طالب 52 الف والراجل عملها سنسور باركنج و انذار ورفع
طبعا عايز رأيكم فى الكلام الى فات ده
نيجى على المهم
فيه مداخلة لمهندس كان بيتدرب فى شركة الامل فى 2010 وقال الكلام ده
"بص حضرتك ...كون ان عامل بيرش السياره او روبوت دا مش هيفرق كتيير قوي في الدقه و جوده الدهان...انما بيفرق اكتر في الوقت و التكلفه اللي علي المصنع...الروبوتات دي غاليه جدا جداااا..فاما شركه زي الامل تجيبها يبقي بيقضي علي نفسو...لانو لو قعد طول عمره يبيع العربيات اللي ب 60 الف عمرو ما هيجيب تمن روبوت او 2..و اعتقد ان مصانع بي ام و مرسيدس اللي في مصر هنا مفهاش روبوتات برضو..دا مجرد تخمين.....
هي بتفرق في حاجه اسمها Elbow دا حضرتك لما بيجيو يرشو طبقه فسفات علي العربيه عشان الصدأ و كدا في مصانع فقيره شويه زي بتاع شركه الامل بييرشو من خلال رشاشات Nozzles_ انما في المصانع الغنيه و دا حضرتك ممكن تشوفو علي اليو تيوب هتلاقيه بيغطس العربيه كلها في حووض كبيير هو دا ال Elbow و دا بيضمن ان العربيا تتشبع بالفوسفات....كذلك برضو البرايمر..في BYD عامل بيرشو..انما في المصانع المتطوره العربيه بتتغطس في البو .... الفكره كلها ان العامل لو عليه ذره تراب هتتطاير في غرفه الرش و ممكن تلزق علي العربيه و بتبان في النهاااايه خالص في صوره بروز في الدهان يمسي Dirt و دا هو احد عيبوب الدهان اللي بيعالجوها كما سبق ذكره في الرد السابق...فهو موضوع اللي بيرش روبوت او عامل دا مش هيفرق قوي ...قد وجود البو ودا موجود في مصر هنا في الجنرال موتورز و بي ام و مرسيدس...و اي استفسار انا تحت امر حضرتك..انا عرفت المعلومات دي من خلال فتره تدريبي في مصنع ال BYD لمده شهر لان انا هندسه قسم ميكانيكا"
هو يشكر على الكلام ده طبعا
ممكن اعرف من اصحاب 2010 ان فعلا فيه مشكلة فى الدهان
انا مثلا العربية الى شفتها دى والله لقيت فى الاربع أبواب من الاسفل صدأ واسفل العربية صدأ ومش محكوكة وفى حوض العربية من الامام وبعيد عن اى زيت باكم او باور.
انا مثلا كان معايا اكسل مو 97 ولحد لما بعتها ولا كان فيه الكلام ده لا اسفل الابواب ولا اى مكان
برجاء افيدوى لأنى فعلا حشترى العربية دى
ومعلومة كدا على السريع اخدتها من مهندس الصيانة عندنا فى اسكندرية ان اول انتاج هو الى كان بيعلجو الصاج بالطريقة دى بالرش بالنوزلز وليس الغمر فى احواض والشركة الصينية فرضت عليهم بعد عام 2010 احواض غمر الفوسفات
وشكرا ليكم واحب اعرف ردود بارك الله فيكم جميعا
ولو قدر الله واشتريت العربية دى ممكن اعرف تمن المساعدين خلفى وايه بدائل الصينى بأسعارهم

[mohamedsisi]

انا معايا 2010 وبالفعل كل فتره الالقى بقعة صدا صغيره جدا بتظهر فى الصاج بالذات فى الكبود والسقف

وبعيد عن الاماكن اللى العربيه اتحكت فيها

لكن بعيد عن النقطه دى انا شايف ان افضل خامات وافضل تقفيل كان فى الموديل ده لانه كان بداية المصنع

والعمال اللى كانو فيه جايين من الشركه الام عكس الموديلات اللى بعد كده

[bassem.naguib]

انا معايا 2010 وبالفعل كل فتره الالقى بقعة صدا صغيره جدا بتظهر فى الصاج بالذات فى الكبود والسقف

وبعيد عن الاماكن اللى العربيه اتحكت فيها

لكن بعيد عن النقطه دى انا شايف ان افضل خامات وافضل تقفيل كان فى الموديل ده لانه كان بداية المصنع

والعمال اللى كانو فيه جايين من الشركه الام عكس الموديلات اللى بعد كده

حضرتك معاك بي واي دي !!! طب مبتشاركناش بأرائك ليه ؟!!!!!!

[hema_hn]

بقا موقع زى الى احنا فيه ده
وشركة الامل ملهاش عضو يشاركنا بأراءه
ولا حتى حد منهم يرد على اى اراء تسوء من سمعة العربية او الشركة

شكرا mohamedsisi وباسم بك للمشاركة

[hema_hn]

حد يرد علينا
اسيب العربية دى

[bassem.naguib]

ما رديت على حضرتك في موضوع تاني ..

بص كدة على دي .. بس سعرها أعلى موديل 2012

http://www.nilemotors.net/Nile/340302-byd-2012-a-2.html

[hema_hn]

ما رديت على حضرتك في موضوع تاني ..

بص كدة على دي .. بس سعرها أعلى موديل 2012

http://www.nilemotors.net/Nile/340302-byd-2012-a-2.html

شكرا ليك استاذ باسم
انا كان نفسى الى معاهم 2010
وهل فعلا احواض غمر elbow دى كانت بعد 2011