Tweet
بسم الله
الصور قبل أى كلام
جايبلكم النهارده إختراع فكرته بسيطه و قديمه بس بشوية تعديلات جعات منه حل عملى جدا
طبعا كلنا يهمنا نظافة عربياتنا , فيه اللى بيدى شهريه للبواب لتنظيف العربيه كل يوم , و منا بياخودها بنزينه تتغسل كل فتره , و مننا بيحب يعتنى بعربيته بنفسه و بأيده
لكن أنا كان عندى مشكله , ان العربيه ساعات كتير أوى بركنها بعيد عن البيت بسبب ظروف صعوبة الركنه لأنى كتير أوى كنت برجع متأخر و كل الأماكن بتبقى متستفه و مابحبش أركنها صف تانى عشان انتوا عارفين التجريحات و الخبطات و خلافه , فطبعا العربيه بتعض كام يوم مفيش أيد بتقربلها و لو بفوطه حتى ....
و طبعا برضه لو مسافر مصيف و لا شغل ,, برضه لازم أعتنى بالعربيه بنفسى و بأيدى
كنت الأول شايل جردل بلاستيك فل شنطه ,, طلبت معايا نظافه ,, أروح مطلع الجردل و من أقرب حته أملاه و أديها , بنظام (( بل و عك )) ,, بل بكسر الباء و عك بضم العين
لكن أخيرا لقيت إختراع يعطيك نفس ميزة خرطوم الميه بس من غير خرطوم و لا حنفيه
ببساطه ديه بخاخه مياه تعمل بضغط الهواء , و لها سعة 2 لتر ,, يعنى كبيره نوعا ما
طريقة عملها تكون بضغط الزراع العلوى المسؤل عن ضغط الهواء كذا مره حتى يصير الضغط داخل الزجاجه مناسب , ثم إضغط على الزناد ,, تحصل على مياه مندفعه بقوه فى خط مستقيم مثل التى تخرج من خرطوم المياه تقريبا , و تظل مندفعه هكذا دون توقف طالما أنت دايس على الزناد و تظل مندفعه بقوتها لمده دقيقه تقريبا حتى يقل الضغط , فتضطر أن تعيد الكره مره أخرى
و من مميزات هذه البخاخه
1- ممكن تملاها و تسيبها فى شنطة العربيه بأمان , غير الجردل ماينفعش تسيبه مليان , و لازم تملاه فى ساعتها.
2- مفيش زروته و دلدئه و بلبله , زى شغل الجرادل و كده , و طبعا السواقين أكتر ناس حيعرفوا قصدى كويس.
3- المياه تخرج منه بإندفاع قوى نسبيا , مما يساعد على إذالة الأتربه بسهوله و نظافه أكتر للأسطح
4- و يوجد خاصية تغيير طريقة إندفاع المياه بحيث تكون مندفعه على شكل رزاز و ليس خط مستقيم , و هذا أفضل فى حالة تنظيف الزجاج
5- إندفاع المياه غير متقطع و مستمر طول ما انت دايس عل زناد , و فيه خاصيه فل الزناد عشان تثبته على وضعه كأنك دايس عليه.
6- سعة 2 لتر كافيه لتنظيف جسم السياره بالكامل و ذلك لمره واحده فقط , و يعاد مليه مره أخرى.
أنا جربته و عجبنى و حبيت أنقل ليكم التجربه , و لازم يكون الإمتياز الحصرى طبعا لقسم البى واى دى
عشان بس اللى يخش قسم بى واى دى و يلاقى الموضوع ده , يحسدنا , يقولك ده الناس ديه معندهمش أى مشاكل خالص فل عربيه و لا بلية الدريك فل فتيس بتعمل صوت و لا ماستر الدبرياج بيضرب و لازم يتغيرلوا الكاوتشه بتاعته و لا شاسيه الكبوت فيه صدأ و العربيه لسه معملتش 2000 كم و لا الزيت اللى بيحطوا الوكيل مش حلو (اللى هو الموبيل الاكس اتش اف) و د /المناهرى عمل دكتوراه فل زيوت و أنواعها و وصل فل أخر لنوعين اللى هما الليكوى مولى و الفالفولين , عشان فل الاخر الوكيل مايرضاش يحطهم و يقول لو زيت غير زيتنا , يسقط الضمان عل موتور و لا أى حاجه من ديه خالص ,, إحنا ناس رايقه أوى و ماورناش حاجه إلا اننا نجيب بخاخات و نرش ,,,,
كلمه أخيره ,, البخاخه ديه علفكره واخده خمس نجوم فى إختبار إتحاد البخاخات العالمى و اللى متابع مواضيعى حيفهم انا بتكلم على ايه
الصور قبل أى كلام
جايبلكم النهارده إختراع فكرته بسيطه و قديمه بس بشوية تعديلات جعات منه حل عملى جدا
طبعا كلنا يهمنا نظافة عربياتنا , فيه اللى بيدى شهريه للبواب لتنظيف العربيه كل يوم , و منا بياخودها بنزينه تتغسل كل فتره , و مننا بيحب يعتنى بعربيته بنفسه و بأيده
لكن أنا كان عندى مشكله , ان العربيه ساعات كتير أوى بركنها بعيد عن البيت بسبب ظروف صعوبة الركنه لأنى كتير أوى كنت برجع متأخر و كل الأماكن بتبقى متستفه و مابحبش أركنها صف تانى عشان انتوا عارفين التجريحات و الخبطات و خلافه , فطبعا العربيه بتعض كام يوم مفيش أيد بتقربلها و لو بفوطه حتى ....
و طبعا برضه لو مسافر مصيف و لا شغل ,, برضه لازم أعتنى بالعربيه بنفسى و بأيدى
كنت الأول شايل جردل بلاستيك فل شنطه ,, طلبت معايا نظافه ,, أروح مطلع الجردل و من أقرب حته أملاه و أديها , بنظام (( بل و عك )) ,, بل بكسر الباء و عك بضم العين
لكن أخيرا لقيت إختراع يعطيك نفس ميزة خرطوم الميه بس من غير خرطوم و لا حنفيه
ببساطه ديه بخاخه مياه تعمل بضغط الهواء , و لها سعة 2 لتر ,, يعنى كبيره نوعا ما
طريقة عملها تكون بضغط الزراع العلوى المسؤل عن ضغط الهواء كذا مره حتى يصير الضغط داخل الزجاجه مناسب , ثم إضغط على الزناد ,, تحصل على مياه مندفعه بقوه فى خط مستقيم مثل التى تخرج من خرطوم المياه تقريبا , و تظل مندفعه هكذا دون توقف طالما أنت دايس على الزناد و تظل مندفعه بقوتها لمده دقيقه تقريبا حتى يقل الضغط , فتضطر أن تعيد الكره مره أخرى
و من مميزات هذه البخاخه
1- ممكن تملاها و تسيبها فى شنطة العربيه بأمان , غير الجردل ماينفعش تسيبه مليان , و لازم تملاه فى ساعتها.
2- مفيش زروته و دلدئه و بلبله , زى شغل الجرادل و كده , و طبعا السواقين أكتر ناس حيعرفوا قصدى كويس.
3- المياه تخرج منه بإندفاع قوى نسبيا , مما يساعد على إذالة الأتربه بسهوله و نظافه أكتر للأسطح
4- و يوجد خاصية تغيير طريقة إندفاع المياه بحيث تكون مندفعه على شكل رزاز و ليس خط مستقيم , و هذا أفضل فى حالة تنظيف الزجاج
5- إندفاع المياه غير متقطع و مستمر طول ما انت دايس عل زناد , و فيه خاصيه فل الزناد عشان تثبته على وضعه كأنك دايس عليه.
6- سعة 2 لتر كافيه لتنظيف جسم السياره بالكامل و ذلك لمره واحده فقط , و يعاد مليه مره أخرى.
أنا جربته و عجبنى و حبيت أنقل ليكم التجربه , و لازم يكون الإمتياز الحصرى طبعا لقسم البى واى دى
عشان بس اللى يخش قسم بى واى دى و يلاقى الموضوع ده , يحسدنا , يقولك ده الناس ديه معندهمش أى مشاكل خالص فل عربيه و لا بلية الدريك فل فتيس بتعمل صوت و لا ماستر الدبرياج بيضرب و لازم يتغيرلوا الكاوتشه بتاعته و لا شاسيه الكبوت فيه صدأ و العربيه لسه معملتش 2000 كم و لا الزيت اللى بيحطوا الوكيل مش حلو (اللى هو الموبيل الاكس اتش اف) و د /المناهرى عمل دكتوراه فل زيوت و أنواعها و وصل فل أخر لنوعين اللى هما الليكوى مولى و الفالفولين , عشان فل الاخر الوكيل مايرضاش يحطهم و يقول لو زيت غير زيتنا , يسقط الضمان عل موتور و لا أى حاجه من ديه خالص ,, إحنا ناس رايقه أوى و ماورناش حاجه إلا اننا نجيب بخاخات و نرش ,,,,
كلمه أخيره ,, البخاخه ديه علفكره واخده خمس نجوم فى إختبار إتحاد البخاخات العالمى و اللى متابع مواضيعى حيفهم انا بتكلم على ايه
Comment