بخصوص مياه بطارية البي واي دي

[aboalmaty]

السلام عليكم
فتحت مسامير البطارية البلاستيك وجدت معظم المياه بتاعت البطارية ناقصة
ازودها بماء عادي ولا مية نار مخففة ؟
وعايز اغسل المكنة اخلي المغسلة يغسلوها بماء عادي ولا بجاز ولا ايه رايكم
وجزاكم الله خيرا

[mem]

زود البطاريه مياه مقطره
وبعد كده تابعها على طول لان نقص مياه البطاريه يؤدى الى تلفها
والماتور اغسله بمياه عادى وفوم فى البنزينه بس بلاش جاز

[hugan]

توكيل تعبان
يعني مش هاين عليه ينزل العربيه ببطاريه جافه
ايه التخلف ده
هايوفر كام يعني فرق بين البطاريه السايله والجافه

[lonedoctor]

وموش هاين عليهم يحطوا سائل تنظيف الزجاج ومياه خضراء مانعة للصدأ فى الرادياتير
انا باستغرب الحاجات دى هتوفر لهم كام يعنى؟

[M I D O]

توكيل تعبان
يعني مش هاين عليه ينزل العربيه ببطاريه جافه
ايه التخلف ده
هايوفر كام يعني فرق بين البطاريه السايله والجافه

هوة من سماعي لفيديو من مسئول في ابو الفتوح كان بيقول ان العربية الي بتتجمع في مصر لازم يكون فيها علي الاقل 40% مكونات مصرية ومنهم البطارية وعشان كدة بينزلو بطارية سائلة صناعة مصرية عشان يكملو نسبة ال 40% من المكونات

[peter magdy]

يا جماعة لازم نفهم كام حاجة علشان انا سألت ناس لية العربية مش بتزل ببطارية جافة
ف اللى فهمتة ان اى عربية بتتجمع فى مصر لو فى اى منتج بيتجمع بردو فى مصر لازم يخدو منة اجبارى
بمعنى
ان نوع البطارية الموجودة فى العربية تجميع مصرى فلازم غصب عن التوكيل لازم يحطها فى العربية و هتلاقو الكلام دة موجود فى معظم العربيات اللى بتتجمع هنا
عكس العربيات المستوردة بتنزل ببطاريتها الجافة المستوردة بردو
------------------------
تانى حاجة البطارية معاها ضمان
انا رحت مرتين فى فرع شبرا - مش بيبصو على الضمان ولا حاجة
هتروح هتراضى الراجل اللى هيكشف - هيزودلك مية مقطرة و يغسل العربية بالمية بعد ما يخلص و يكشف على الدينمو - كل مرة كدة ولا بيبصو على الضمان ولا بتاع انا رحت مرتين و بقيت اتابع مع واحد جنب الشغل عندى
مرة كل شهر لو بتتحرك كتير بالعربية
بس عايز اقول ان البطارية كويسة و بصراحة مخزلتنيش ولا مرة من 6 شهور الحمد للة

[hugan]

هوة من سماعي لفيديو من مسئول في ابو الفتوح كان بيقول ان العربية الي بتتجمع في مصر لازم يكون فيها علي الاقل 40% مكونات مصرية ومنهم البطارية وعشان كدة بينزلو بطارية سائلة صناعة مصرية عشان يكملو نسبة ال 40% من المكونات

يا جماعة لازم نفهم كام حاجة علشان انا سألت ناس لية العربية مش بتزل ببطارية جافة
ف اللى فهمتة ان اى عربية بتتجمع فى مصر لو فى اى منتج بيتجمع بردو فى مصر لازم يخدو منة اجبارى
بمعنى
ان نوع البطارية الموجودة فى العربية تجميع مصرى فلازم غصب عن التوكيل لازم يحطها فى العربية و هتلاقو الكلام دة موجود فى معظم العربيات اللى بتتجمع هنا
عكس العربيات المستوردة بتنزل ببطاريتها الجافة المستوردة بردو
------------------------
تانى حاجة البطارية معاها ضمان
انا رحت مرتين فى فرع شبرا - مش بيبصو على الضمان ولا حاجة
هتروح هتراضى الراجل اللى هيكشف - هيزودلك مية مقطرة و يغسل العربية بالمية بعد ما يخلص و يكشف على الدينمو - كل مرة كدة ولا بيبصو على الضمان ولا بتاع انا رحت مرتين و بقيت اتابع مع واحد جنب الشغل عندى
مرة كل شهر لو بتتحرك كتير بالعربية
بس عايز اقول ان البطارية كويسة و بصراحة مخزلتنيش ولا مرة من 6 شهور الحمد لله

نسبه المكون المصري صحيح
لكن في بطاريات جافه تجميع مصري
ما الاسبرانزا تجميع مصري والبطاريه بتنزل جافه من شركه شيري
لو عايزين يكملوا النسبه في منتجات كتير يقدرو يكملو النسبه بيها
انما الشح والسحت بتاع الوكلاء هو اللي مخليهم يعملوا كده
يعني اشتري عربيه زيرو
وفي الاخر البطاريه الحمض بتاعها ينزل في حوض العربيه ويبوظ الدهلن والصاج علشان فرق 100جنيه
بين البطاريه الجافه والسايله

[bassem.naguib]

زود البطاريه مياه مقطره
وبعد كده تابعها على طول لان نقص مياه البطاريه يؤدى الى تلفها
والماتور اغسله بمياه عادى وفوم فى البنزينه بس بلاش جاز

+1
ويفضل الفوم فقط وأزالته بالهواء وليس بالمياه .

توكيل تعبان
يعني مش هاين عليه ينزل العربيه ببطاريه جافه
ايه التخلف ده
هايوفر كام يعني فرق بين البطاريه السايله والجافه

الموديلات اللي نزلت في الفترة الأخيرة شفتها في المعرض نازلة ببطارية جافة .

[ahmedselaraby]

وموش هاين عليهم يحطوا سائل تنظيف الزجاج ومياه خضراء مانعة للصدأ فى الرادياتير
انا باستغرب الحاجات دى هتوفر لهم كام يعنى؟

يا دكتور ,, دول عملوا اللى أكتر من كده ,, أقول ايه بس ,, دول منزلين العربيه من غير مرايه فل شماسه ,, الشماسه اللى هى قدام فل سقف اللى الناس بتنزلها عشان تحمى عيونها من الشمس ,, المفروض فى أى عربيه بتبقى فيها مرايا , ساعات بتبقى فى ناحيه واحده اللى هى ناحية اللى قاعد جنب السائق و فى عربيات تايه بتبقى فل نحيتين و ساعات بتنزل فيها لمبه إناره ذاتيه شياكه و ساعات بتبقى ليها جراب كده أو مفصله للفتح و القفل ,, شركة الأمل بقه ,, قررت توفر المرايه ديه و تنزل العربيه من غيرها ,, حاجه تافهه لكن عمليه و ليها استخدامات

بالمناسبه ,, المرايه ديه بتفكرنى بفرشة الشعر البلاستيك اللى بتتباع على الرصيف و بيبقى فيها مرايه

[omaragwa]

يا جماااعة الحمد لله انا لسة شارى العربية من شهر وفيها بطارية جافة الحمد لله...وكمان عملت صيانة ال1000 فى وقت قياسى والحمد لله...وحاسس ان مركز الصيانة بيحاول يطور نفسه فى النظام والنظافة بس اللى غيظنى بجد...هى ليه العربية نازلة من غير دلايات ولا سماعات ورا ولا نور فى درج التابلوه؟؟!!! مع انها حاجات تافهة وبسيطة...والعجيب الحاجات دى فى التوكيل سعرها مبالغ فيه...سالت على الدلايات لاقيتها ب120جنيه!!!ليييييييه يا عم الحاج؟؟ طقت فى دماغى وركبتها برة ب35 جنيه!!!!!!!!!تخيلوا الفرق....وقيس بقا على باقى الحاجات

[bassem.naguib]

يا جماااعة الحمد لله انا لسة شارى العربية من شهر وفيها بطارية جافة الحمد لله...وكمان عملت صيانة ال1000 فى وقت قياسى والحمد لله...وحاسس ان مركز الصيانة بيحاول يطور نفسه فى النظام والنظافة بس اللى غيظنى بجد...هى ليه العربية نازلة من غير دلايات ولا سماعات ورا ولا نور فى درج التابلوه؟؟!!! مع انها حاجات تافهة وبسيطة...والعجيب الحاجات دى فى التوكيل سعرها مبالغ فيه...سالت على الدلايات لاقيتها ب120جنيه!!!ليييييييه يا عم الحاج؟؟ طقت فى دماغى وركبتها برة ب35 جنيه!!!!!!!!!تخيلوا الفرق....وقيس بقا على باقى الحاجات

مبروك يا أستاذ/ عمر على شراء العربية وربنا يباركلك فيها ويكفيك شرها .. فعلاً الموديلات الأخيرة نازلة ببطارية جافة .. والحمد لله أن مركز الصيانة بيطور من نفسه .. بالنسبة للسماعات الخلفية فالموديل ده مبينزلش بيها ولكن بينزل في الأتوماتيك .. ولكن سلك السماعات موجود وموصل للكاسيت بمجرد تركيب سماعات خلفية .

هل خامة الحاجت اللي اشتريتها (الدلاية) تختلف عن الخامات الموجود في التوكيل .

وأرجو أن تتفاعل معنا في القسم باستمرار لتعطينا انطباعك عن السيارة .. ومحاولة حضور المقابلات لأنها حتفيدك جداً في تبادل الخبرات مع الأعضاء .